Fréttir: 2007 (Síða 4)

Fjármálaeftirlitið stendur fyrir morgunverðarfundi mánudaginn 11. júní nk. á Hotel Nordica um útrás íslenskra fjármálafyrirtækja. Í tilefni heimsóknar kínverska bankaeftirlitsins verður sérstaklega fjallað um möguleika og umgjörð kínverska bankamarkaðarins.

Fjármálaeftirlitið vekur athygli á eftirfarandi fréttatilkynningum frá CESR.

Vanskil fyrirtækja hjá innlánsstofnunum jukust á fyrsta ársfjórðungi 2007 eftir nær samfellda lækkun frá seinni hluta árs 2002. Vanskil einstaklinga standa nánast í stað. Þetta kemur fram í yfirliti yfir vanskil útlána hjá innlánsstofnunum sem FME hefur tekið saman.

Fjármálaeftirlitið (FME) hélt fund um útreikning gjaldþolskröfu vegna rekstraráhættu og viðbótarspurningar í QIS3 21. maí sl.

Brýnt er að ráðgjöf og upplýsingagjöf vátryggingasölumanna sé í samræmi við þarfir viðskiptavinarins. Þetta er meðal þess sem kemur fram í leiðbeinandi tilmælum Fjármálaeftirlitsins.

Fjármálaeftirlitið (FME) hélt fundi um mat á vátryggingaskuld og vátryggingaáhættu í QIS3 23. apríl og 7. maí sl. Fundirnir eru liðir í kynningu FME á einstökum atriðum í QIS3 .

Lífeyrissjóðirnir eru öflugir þátttakendur á litlum innlendum fjármagnsmarkaði og geta haft töluverð áhrif á markaðinn, bæði á verð og hegðun markaðarins. Þetta var meðal þess sem kom fram í ræðu Jónasar Fr. Jónssonar, forstjóra FME, á aðalfundi Landssamtaka Lífeyrissjóða sem haldinn var í dag.

Fjármálaeftirlitið hefur hafið birtingu upplýsinga varðandi eftirlit (supervisory disclosure). Í birtingu upplýsinga um eftirlit felst að upplýsingar um lög og reglur sem innleiddar eru hér á landi í samræmi við leiðbeiningar CEBS (Committee of Banking Supervisors) eru birtar opinberlega á íslensku og ensku.

FME telur að þau tengsl séu á milli Jötuns Holding, Elliðatinda, Sunds Holding og FL-Group að félögin teljist í samstarfi um meðferð virks eignarhlutar í Glitni.

Fjármálaeftirlitið veitti Saga Capital fjárfestingarbanka hf., kt.660906-1260, Hafnarstræti 53, 600 Akureyri, þann 20. apríl 2007, starfsleyfi sem lánafyrirtæki (fjárfestingarbanki), samkvæmt 3. tl. 1. mgr. 4. gr. laga nr. 161/2002, um fjármálafyrirtæki.

Fjármálaeftirlitið hefur sent frá sér umræðuskjal með drögum að leiðbeinandi tilmælum um starfshætti vátryggingasölumanna, vátryggingamiðlara, vátryggingaumboðsmanna og vátryggingafélaga.

Fjármálaeftirlitið lýsir yfir vonbrigðum með þann dóm Hæstaréttar að staðfesta úrskurð Héraðsdóms Reykjavíkur um frávísun í málum FME á hendur Magnúsi Ármann og Birni Þorra Viktorssyni.

Fjármálaeftirlitið birtir leiðbeinandi tilmæli nr. 1/2007 og 2/2007 en þau hafa að geyma annars vegar viðmiðunarreglur til að efla samræmi í aðferðum í eftirliti með fjármálafyrirtækjum og hins vegar viðmiðunarreglur vegna álagsprófa, samþjöppunar- og vaxtaáhættu hjá fjármálafyrirtækjum

Fjármálaeftirlitið gerði fyrr á þessu ári reglubundna úttekt á framkvæmd reglna um meðferð innherjaupplýsinga og viðskipta innherja vegna skráðra skuldabréfa hjá Akureyrarbæ annarsvegar og KEA svf. hinsvegar. Þessar úttektir eru birtar á heimasíðu FME.

Fyrsti kynningarfundur Fjármálaeftirlitsins (FME) sem fjallar um einstök málefni í QIS3 var haldinn 16. apríl sl. 11 fulltrúar þeirra vátryggingafélaga sem FME falaðist sérstaklega eftir að tækju þátt, sóttu fundinn.

Fjármálaeftirlitið hefur tekið saman tölur um vanskil útlána hjá innlánsstofnunum miðað við árslok 2006 og samanburð við næstu ársfjórðunga á undan.

Fjármálaeftirlitið auglýsir stöður lausar á lánasviði og lífeyris- og verðbréfasjóðasviði

Fjármálaeftirlitið og saksóknari efnahagsbrota undirrituðu í dag samstarfssamning varðandi samvinnu vegna aðgerða gegn peningaþvætti og fjármögnun hryðjuverka.

Fjármálaeftirlitið hefur kannað forsendur reiknigrundvallar í líftrygginga hjá fjórum innlendum líftryggingafélögum. Könnunin fór fram með spurningum og heimsóknum til félaganna, auk athugunar á reglubundnum innsendum gögnum.