Fréttir: október 2007

CESR hefur gefið út fréttatilkynninga ásamt opinberri yfirlýsingu vegna nýrrar tilhögunar á tilkynningaskyldu til samræmis við MiFID sem unnið hefur verið að í samstarfi við eftirlitsskylda aðila.

Þann 1. nóvember 2007 taka gildi ný lög um verðbréfaviðskipti og ný lög um kauphallir auk þess sem gildandi lög um fjármálafyrirtæki taka breytingum. Breytingar þessar eru hluti af innleiðingarferli svokallaðrar MiFID tilskipunar Evrópusambandsins og munu auka fjárfestavernd og efla samkeppnishæfni íslensks fjármálamarkaðar.

Nýjar reglur á verðbréfa- og fjármálamarkaði kveða á um að aðilar sem veita fjárfestingaráðgjöf munu eftir 1.nóvember n.k. þurfa sérstakt starfsleyfi til að sinna þeirri starfsemi.

Fjármálaeftirlitið vekur athygli á því að CESR hefur birt á heimasíðu sinni umræðuskjal sem lýtur að verkáætlun varðandi MIFID fyrir tímabilið 2007/2008.

Mikill og ör vöxtur íslenskra fjármálafyrirtækja á alþjóðlegum mörkuðum hefur umbreytt íslenskum fjármálamarkaði á stuttum tíma. Þessi auknu umsvif íslenskra fjármálafyrirtækja á erlendum vettvangi hefur töluverð áhrif á starfsemi Fjármálaeftirlitsins (FME) og hefur FME því mótað stefnu um starfsemi sína í alþjóðlegu umhverfi.

Þann 2. október 2007, veitti Fjármálaeftirlitið Reykjavíkurborg, heimild til þess að fara með virkan eignarhlut allt að 20% í Lánasjóði sveitarfélaga ohf.

Fjármálaeftirlitið hefur gefið út túlkun sína á 2. mgr. 40. gr. laga um verðbréfaviðskipti um verð í yfirtökutilboði.