AIF og AIFM skýrslur

Gagnaskilakröfur AIFM (Alternative Investment Fund Managers) tilskipunar Evrópusambandsins (2011/61/EU) voru innleiddar hérlendis með gildistöku laga nr. 45/2020 um rekstraraðila sérhæfðra sjóða. Lögin mæla m.a. fyrir um upplýsingar sem rekstraraðilum sérhæfðra sjóða ber að standa skil á til Fjármálaeftirlitsins um sig og sjóðina er þeir stýra.

Fyrstu skil skv. lögunum miðast við árslokastöðu 2020, skiladagur 31. janúar 2021.

Leiðbeiningar um skýrsluskil og innihald AIF og AIFM skýrslna

Skýrsla rekstraraðila – AIFM skýrsla

Skýrslan tekur á upplýsingum sem skila ber skv. 48. gr. laga nr. 45/2020 um rekstraraðila sérhæfðra sjóða og ber starfsleyfisskyldum rekstraraðilum að skila henni.

Skilatíðni er skv. 3. mgr. 110. gr. framseldrar reglugerðar framkvæmdastjórnarinnar (ESB) nr. 231/2013, um viðbætur við tilskipun Evrópuþingsins og ráðsins 2011/61/ESB, að því er varðar undanþágur, almenn rekstrarskilyrði, vörsluaðila, vogun, gagnsæi og eftirlit, sem innleidd var með reglugerð nr. 555/2020, um gildistöku reglugerða Evrópusambandsins um rekstraraðila sérhæfðra sjóða. Hún er því hálfsársleg fyrir félög sem falla undir a-lið 3. mgr. og ársfjórðungsleg fyrir félög sem falla undir b-lið 3. mgr.

Skýrsla sérhæfðra sjóða – AIF skýrsla

Skilatíðni er skv. 3. mgr. 110. gr. framseldrar reglugerðar framkvæmdastjórnarinnar (ESB) nr. 231/2013, um viðbætur við tilskipun Evrópuþingsins og ráðsins 2011/61/ESB, að því er varðar undanþágur, almenn rekstrarskilyrði, vörsluaðila, vogun, gagnsæi og eftirlit, sem innleidd var með reglugerð nr. 555/2020, um gildistöku reglugerða Evrópusambandsins um rekstraraðila sérhæfðra sjóða. Hún er því hálfsársleg fyrir félög sem falla undir a-lið 3. mgr. og ársfjórðungsleg fyrir félög sem falla undir b-lið 3. mgr., en jafnframt skulu skráningarskyldir rekstraraðilar skila skýrslunni árlega, sbr. 5. mgr. 5. gr. sömu reglugerðar.

Evrópska verðbréfaeftirlitsstofnunin (European Securities and Markets Authority, ESMA) hefur gefið út sniðmát og XML-skemu vegna þessarar upplýsingagjafar og eru þau aðgengileg á eftirfarandi slóð.

Gögnunum verður aðeins veitt viðtaka á XML formi í gagnaskilakerfi Fjármálaeftirlits Seðlabankans. Við móttöku eru gögnin prófuð á grunni útgefinna gagnareglna ESMA. Falli gögnin á þeim prófum er viðtöku hafnað, en gögnin skulu uppfylla form- og innihaldskröfur útgefnar af ESMA.

Skil í prófunarumhverfi hjá Fjármálaeftirlitinu

Opnað hefur verið fyrir skil AIF og AIFM-skýrslna í prófunarumhverfi.
Tekið er við skráningum til þátttöku í netfanginu adstod@sedlabanki.is

Til að hægt sé að senda inn gagnaskilatilvik þarf að tilgreina auðkenni gagnaskilanna, en þau eru 476 fyrir AIFM-skýrsluna og 477 fyrir AIF-skýrsluna.

Sjá nánar leiðbeiningar um gagnaskil í gegnum vefþjónustu hér á vef Fjármálaeftirlitsins.

Önnur reglubundin skil rekstraraðila sérhæfðra sjóða

Á meðfylgjandi slóð má nálgast skýrsluskilayfirlit yfir þær skýrslur sem ber að senda Fjármálaeftirlitinu með reglubundnum hætti fyrir annars vegar starfsleyfisskylda rekstraraðila og hins vegar skráningarskylda rekstraraðila.

Fyrir nýja skýrsluskilaaðila er vakin sérstök athygli á skýrslu um sundurliðun fjárfestinga verðbréfa- og fjárfestingarsjóða og skýrslu um sundurliðun fjárfestinga og skulda fagfjárfestasjóða (þ.e. aðrir sérhæfðir sjóðir en fjárfestingarsjóðir). Senda ber sérgreindar upplýsingar fyrir hvern sjóð í rekstri rekstraraðila þar sem tilgreindar eru allar fjárfestingar hvers sjóðs. Leiðbeiningar um útfyllingu skýrslnanna má nálgast hér:

Ýmsir gagnlegir AIFM tenglar

Ýmsir tenglar vegna AIFM tilskipunarinnar og innleiðingar hennar í íslenskan rétt

Ýmsir AIFM tenglar á vefsíðu ESMA

 

Til baka





Language


Þessi síða notar vefkökur.
Lesa meira

X
Þetta vefsvæði byggir á Eplica