Leiðbeiningar um skil á CRD IV gögnum
Eftirfarandi leiðbeiningar eru upplýsingar um hvernig eftirlitsskyldir aðilar geta skilað CRD IV gögnum á XBRL formi til Fjármálaeftirlitsins á rafrænu formi í gegnum vefþjónustu. Þau gögn sem heyra undir CRD IV eru COREP-OF, COREP-LR, Stórar áhættuskuldbindingar, FINREP, Vogunarhlutfall og Heildarkostnaður vegna fullnustu fasteignaveðlána.
Allar fyrirspurnir varðandi CRDIV sendist á: adstod@sedlabanki.is.
CRD IV
Upplýsingar um CRD IV er að finna á vefsíðu EBA.
Þar er m.a. að finna skjöl um Data Point Model (DPM) sem er nákvæm lýsing á þeim gagnapunktum sem hægt er að senda á XBRL formi. Einnig er þar að finna XBRL tegundaraðir (e. taxonomy).
Tegundaröðun
Þegar skilað er inn COREP og/eða FINREP þarf að skila útfylltum töflum (eða tilsvarandi gagnapunktum) C 00.01 í COREP og F 00.01 í FINREP. Töflurnar gefa til kynna grunnupplýsingar um sendanda og ganga undir nafninu „Nature of Report“.
Loks má benda á EBA Reporting Framework þar sem m.a. má finna EBA Filing Rules sem innihalda reglur um XBRL skjölun.
Skilaeindagar á árinu
Áætlun um alla skilaeindaga fyrir árið má nálgast hér. Fjármálafyrirtæki eru hvött til að fylgjast með nýjustu upplýsingum um gagnaskil fram í tímann á heimasíðu EBA.
Auðkenni skýrslna
| Skýrsla | Auðkenni |
|---|---|
| Corep (eldri útgáfa) | 424 |
| Corep - OF (Eiginfjárskýrsla) | 467 |
| Corep - LR (Vogunarhlutfall) | 468 |
| Stórar áhættuskuldbindingar | 428 |
| FINREP | 430 |
| FINREP COVID19 | 475 |
| FINREP Lána- og verðbréfafyrirtæki | 445 |
| Fjármögnunaráætlun (Funding Plan) | 440 |
| Kvaðir á eignum (Asset Encumbrance) | 441 |
| Gagnabeiðni fyrir gerð skilaáætlana og mat á MREL-kröfum (XBRL) | 484 |
Auðkenni skilaaðila
XBRL gögn verða að innihalda upplýsingar um auðkenni skilaaðila (e. entity identifier). Nánari upplýsingar um XBRL auðkenni er m.a. að finna í reglum 2.8 og 2.9 í EBA XBRL Filing Rules. Auðkenni skilaaðila vegna XBRL gagna samanstendur af skema og auðkenni (e. identifier). Auðkenni skal vera LEI kóði skilaaðila. Skema sem EA skulu styðjast við er á "http://standards.iso.org/iso/17442", sjá dæmi hér að neðan:
<xbrli:identifier scheme="http://standards.iso.org/iso/17442">231800WSGIIZCXF1P572</xbrli:identifier>
Vefþjónusta
Eftirlitsskyldir aðilar þurfa að mynda XBRL gögn (e. XBRL instance) og senda FME í gegnum vefþjónustu Skýrsluskilakerfis FME. Nánari upplýsingar um skil í gegnum vefþjónustu er að finna á vef FME:
Leiðbeiningar til að skila skýrslu í gegnum vefþjónustu
Notendanafn og lykilorð fylgja aðgangsstýringum í Skýrsluskilakerfinu. Auðkenni skýrslu (templateID) er að finna í töflunni hér fyrir ofan.
Athugið að vefþjónustunni ætti að berast ein skilaboð í gegnum kerfi sem kallast exMon.
Sannprófun
Öll XBRL gögn sem skilað er verða sannprófuð. Gögnin verða prófuð gagnvart eftirfarandi stöðlum: XBRL 2.1, Dimensions, Formula 1.0, Generic Linkbases og Unit Types Registry.