Útgefið efni

Ákvarðanir og gagnsæi

Fyrirsagnalisti

22.2.2018 : Samkomulag um sátt vegna brots á 1. mgr. 87. gr. laga nr. 108/2007 um verðbréfaviðskipti

Hinn 3. janúar 2018 gerðu Fjármálaeftirlitið og Hagar hf. með sér samkomulag um að ljúka með sátt máli vegna brots á 1. mgr. 87. gr. laga nr. 108/2007 um verðbréfaviðskipti.

8.2.2018 : Niðurstaða athugunar á fjárfestingum fyrir hönd viðskiptavina eignastýringar Kviku banka hf. og Virðingar hf.

Fjármálaeftirlitið hóf athugun þann 14. júlí 2017 á fjárfestingum Kviku banka hf. og Virðingar hf. fyrir hönd viðskiptavina í eignastýringu. Markmið athugunarinnar var að kanna hvort fjárfestingar væru í samræmi við skilgreinda fjárfestingarstefnu eignastýringarsamninga. Jafnframt var það markmið athugunarinnar að kanna hvernig lagt er mat á fjárfestingarkosti sem ekki eru skráðir á skipulegan verðbréfamarkað og þá hvernig samanburði við aðra fjárfestingarkosti er háttað.

1.12.2017 : Niðurstaða athugunar á fylgni tveggja fjárfestingarsjóða í rekstri Stefnis hf. við tilteknar fjárfestingarheimildir laga

Fjármálaeftirlitið hóf athugun á starfsemi Stefnis hf. með bréfi dagsettu hinn 13. febrúar 2017. Athugunin beindist að fylgni tveggja fjárfestingarsjóða í rekstri Stefnis hf. við 1. mgr. 59. gr., sbr. 2. og 4. tölul. 40. gr. laga nr. 128/2011, um verðbréfasjóði, fjárfestingarsjóði og fagfjárfestasjóði. Í nefndum lagaákvæðum eru settar þær takmarkanir á eignasafn sjóðs að honum er hvorki heimilt að eignast meira en 10% af skuldaskjölum einstakra útgefenda verðbréfa, þó aldrei umfram 25% í hverri útgáfu, né meira en 10% af peningamarkaðsgerningum einstakra útgefenda. Athugunin miðaðist við eignasafn sjóðanna um síðastliðin áramót. 

1.12.2017 : Niðurstaða athugunar á fylgni verðbréfasjóðs í rekstri Landsbréfa hf. við tilteknar fjárfestingarheimildir laga

Fjármálaeftirlitið hóf athugun á starfsemi Landsbréfa hf. með bréfi dagsettu hinn 13. febrúar 2017. Athugunin beindist að fylgni tiltekins verðbréfasjóðs í rekstri Landsbréfa hf. við  2. og 4. tölul. 40. gr. laga nr. 128/2011, um verðbréfasjóði, fjárfestingarsjóði og fagfjárfestasjóði. Í nefndum lagaákvæðum eru settar þær takmarkanir á eignasafn sjóðsins að honum er hvorki heimilt að eignast meira en 10% af skuldaskjölum einstakra útgefenda verðbréfa, þó aldrei umfram 25% í hverri útgáfu, né meira en 10% af peningamarkaðsgerningum einstakra útgefenda. Athugunin miðaðist við eignasafn sjóðsins um síðastliðin áramót.




Language


Útlit síðu:

Þetta vefsvæði byggir á Eplica