Útgefið efni

Ákvarðanir og gagnsæi


Ákvarðanir og gagnsæi: 2018

Fyrirsagnalisti

29.11.2018 : Niðurstaða athugunar á upplýsingakerfum Valitor hf.

Fjármálaeftirlitið hóf athugun á tilgreindum þáttum varðandi rekstur upplýsingakerfa og notkun upplýsingatækni hjá Valitor hf. í mars 2018. Markmið athugunarinnar var að leggja mat á viðbragðsáætlun félagsins og áætlun um samfelldan rekstur til að tryggja áframhaldandi starfsemi og takmörkun á tjóni ef alvarleg röskun verður á starfsemi þess, sbr. 2. mgr. 78 gr. g laga nr. 161/2002, um fjármálafyrirtæki. Athugunin beindist jafnframt að því að kanna hvort félagið starfaði í samræmi við leiðbeinandi tilmæli nr. 2/2014, um upplýsingakerfi eftirlitsskyldra aðila.

2.11.2018 : Niðurstaða um brot Símans hf. á 126. gr. laga nr. 108/2007

Hinn 17. október 2018 komst Fjármálaeftirlitið að þeirri niðurstöðu að Síminn hf. hefði brotið gegn 126. gr. laga nr. 108/2007 um verðbréfaviðskipti þegar félagið tilkynnti Fjármálaeftirlitinu ekki samdægurs um viðskipti fruminnherja með hlutabréf í félaginu sem áttu sér stað hinn 1. nóvember 2017 og fruminnherjinn tilkynnti félaginu sama dag. Með hliðsjón af því að ekki var um að ræða viðskipti fruminnherja sem Símanum hf. var skylt að birta opinberlega samkvæmt 127. gr. vvl. og því raskaði síðbúin tilkynning ekki jafnræði fjárfesta á markaðnum, og með hliðsjón af því að tilkynningin barst strax daginn eftir að tilkynningarskyldan varð virk, var ákveðið að gera félaginu ekki stjórnvaldssekt vegna brotsins.

19.10.2018 : Niðurstaða athugunar á meðhöndlun kvartana hjá Sparisjóði Suður-Þingeyinga

Fjármálaeftirlitið hóf í júlí 2018 athugun á meðhöndlun kvartana hjá Sparisjóði Suður-Þingeyinga. Markmið athugunarinnar var að skoða sérstaklega hvort framkvæmd sparisjóðsins væri í samræmi við II. kafla reglna nr. 672/2017 um eðlilega og heilbrigða viðskiptahætti, en þar er fjallað um samskipti fjármálafyrirtækja við viðskiptavini og meðhöndlun kvartana. 

18.10.2018 : Niðurstaða athugunar á gjaldeyrisskiptum án skráningar

Fjármálaeftirlitið hóf athugun á starfsemi What´s On að Laugavegi 5, í mars 2018, með hliðsjón af því hvort að þar væri starfrækt gjaldeyrisskiptastöð sem væri skráningarskyld hjá stofnuninni í samræmi við 1. mgr. 25. gr. a laga nr. 64/2006 um aðgerðir gegn peningaþvætti og fjármögnun hryðjuverka

12.10.2018 : Niðurstaða könnunar- og matsferlis hjá Íslandsbanka hf.

Fjármálaeftirlitið leggur mat á þá áhættuþætti sem felast í starfsemi fjármálafyrirtækis í könnunar- og matsferli (e. Supervisory Review and Evaluation Process, SREP) og  með hvaða hætti fjármálafyrirtæki meðhöndla þá í starfseminni, samanber lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega.

12.10.2018 : Niðurstaða könnunar- og matsferlis hjá Arion banka hf.

Fjármálaeftirlitið leggur mat á áhættuþætti í starfsemi fjármálafyrirtækja í könnunar- og matsferli (e. Supervisory Review and Evaluation Process, SREP) og með hvaða hætti fjármálafyrirtæki meðhöndlar þá í starfseminni, samanber lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega.

12.10.2018 : Niðurstaða könnunar- og matsferlis hjá Landsbankanum hf.

Fjármálaeftirlitið leggur mat á þá áhættuþætti sem felast í starfsemi fjármálafyrirtækis í könnunar- og matsferli (e. Supervisory Review and Evaluation Process, SREP) og  með hvaða hætti fjármálafyrirtæki meðhöndla þá í starfseminni, samanber lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega. 

2.10.2018 : Niðurstaða athugunar á umgjörð áhættustýringar hjá Lífeyrissjóði verzlunarmanna

Fjármálaeftirlitið hóf athugun á umgjörð áhættustýringar hjá Lífeyrissjóði verzlunarmanna í febrúar 2018, en lífeyrissjóðir sæta eftirliti Fjármálaeftirlitsins samkvæmt IX. kafla laga nr. 129/1997 um skyldutryggingu lífeyrisréttinda og starfsemi lífeyrissjóða.  

2.10.2018 : Niðurstaða athugunar á umgjörð áhættustýringar hjá Íslenska lífeyrissjóðnum

Fjármálaeftirlitið hóf athugun á umgjörð áhættustýringar hjá Íslenska lífeyrissjóðnum í febrúar 2018, en lífeyrissjóðir sæta eftirliti Fjármálaeftirlitsins samkvæmt IX. kafla laga nr. 129/1997 um skyldutryggingu lífeyrisréttinda og starfsemi lífeyrissjóða.  

2.10.2018 : Niðurstaða athugunar á umgjörð áhættustýringar hjá Gildi lífeyrissjóði

Fjármálaeftirlitið hóf athugun á umgjörð áhættustýringar hjá Gildi lífeyrissjóði í febrúar 2018, en lífeyrissjóðir sæta eftirliti Fjármálaeftirlitsins samkvæmt IX. kafla laga nr. 129/1997 um skyldutryggingu lífeyrisréttinda og starfsemi lífeyrissjóða.  

2.10.2018 : Niðurstaða athugunar á umgjörð áhættustýringar hjá Frjálsa lífeyrissjóðnum

Fjármálaeftirlitið hóf athugun á umgjörð áhættustýringar hjá Frjálsa lífeyrissjóðnum í febrúar 2018, en lífeyrissjóðir sæta eftirliti Fjármálaeftirlitsins samkvæmt IX. kafla laga nr. 129/1997 um skyldutryggingu lífeyrisréttinda og starfsemi lífeyrissjóða.  

2.10.2018 : Niðurstaða athugunar á umgjörð áhættustýringar hjá Birtu lífeyrissjóði

Fjármálaeftirlitið hóf athugun á umgjörð áhættustýringar hjá Birtu lífeyrissjóði í febrúar 2018, en lífeyrissjóðir sæta eftirliti Fjármálaeftirlitsins samkvæmt IX. kafla laga nr. 129/1997 um skyldutryggingu lífeyrisréttinda og starfsemi lífeyrissjóða.  

28.9.2018 : Niðurstaða athugunar á upplýsingakerfi Borgunar hf.

Fjármálaeftirlitið hóf athugun á tilgreindum þáttum varðandi rekstur upplýsingakerfa og notkun upplýsingatækni hjá Borgun hf. í maí 2018. Meginmarkmið athugunarinnar var að leggja mat á viðbragðsáætlun félagsins og áætlun um samfelldan rekstur til að tryggja áframhaldandi starfsemi og takmörkun á tjóni ef alvarleg röskun verður á starfsemi fyrirtækisins, sbr. 2. mgr. 78 gr. g laga nr. 161/2002, um fjármálafyrirtæki. Athugunin beindist jafnframt að því að kanna hvort að félagið starfaði í samræmi við leiðbeinandi tilmæli nr. 2/2014, um upplýsingakerfi eftirlitsskyldra aðila. Í því skyni var farið yfir verklagsreglur, vinnulýsingar, viðbúnaðaráætlanir, fundargerðir stjórnar félagsins og fleiri gögn.

19.9.2018 : Niðurstaða athugunar á meðhöndlun kvartana hjá Arion banka hf., Íslandsbanka hf. og Landsbankanum hf.

Fjármálaeftirlitið hóf í júlí 2018 athugun á meðhöndlun kvartana hjá ofangreindum bönkum. Markmið athugunarinnar var að skoða sérstaklega hvort framkvæmdin væri í samræmi við II. kafla reglna nr. 672/2017 um eðlilega og heilbrigða viðskiptahætti en þar er fjallað um samskipti fjármálafyrirtækja við viðskiptavini og meðhöndlun kvartana. 

14.9.2018 : Niðurstaða athugunar á útlánum til lögaðila hjá Íbúðalánasjóði

Fjármálaeftirlitið hóf athugun á útlánum til lögaðila hjá Íbúðalánasjóði fyrr á árinu, en Íbúðalánasjóður sætir eftirliti Fjármálaeftirlitsins samkvæmt 11. gr. d. laga nr. 44/1998 um húsnæðismál. 

7.9.2018 : Niðurstaða athugunar á tilteknum þáttum í áhættustýringu Íbúðalánasjóðs

Fjármálaeftirlitið hóf athugun á tilteknum þáttum áhættustýringar hjá Íbúðalánasjóði fyrr á árinu, en Íbúðalánasjóður sætir eftirliti Fjármálaeftirlitsins samkvæmt 11. gr. d. laga nr. 44/1998 um húsnæðismál. 

31.8.2018 : Samkomulag um sátt vegna brots Vátryggingafélags Íslands hf. á 1. mgr. 87. gr. laga nr. 108/2007 um verðbréfaviðskipti

Hinn 30. maí 2018 gerðu Fjármálaeftirlitið og Vátryggingafélag Íslands hf. með sér samkomulag um að ljúka með sátt máli vegna brots á 1. mgr. 87. gr. laga nr. 108/2007 um verðbréfaviðskipti (vvl.).

21.8.2018 : Niðurstaða athugunar Fjármálaeftirlitsins á viðskiptaháttum Tryggingar og ráðgjafar ehf. í tengslum við sölu á vátryggingarafurðum NOVIS Insurance Company Inc.

Fjármálaeftirlitið hóf þann 5. júní sl. í kjölfar þriggja ábendinga frá neytendum, athugun á viðskiptaháttum Tryggingar og ráðgjafar ehf. í tengslum við sölu á vátryggingarafurðum NOVIS Insurance Company Inc. Markmið athugunarinnar var að kanna hvort kynning, markaðssetning og upplýsingagjöf til neytenda væri í samræmi við lög nr. 32/2005, um miðlun vátrygginga, lög nr. 30/2004, um vátryggingasamninga og einnig reglur nr. 673/2017 um eðlilega og heilbrigða viðskiptahætti vátryggingafélaga. Niðurstöður lágu fyrir í ágúst 2018. 

20.8.2018 : Niðurstaða athugunar á tilkynningum Gamma Capital Management hf. til Fjármálaeftirlitsins um hreinar skortstöður

Fjármálaeftirlitið hóf í febrúar 2018 athugun á tilkynningum Gamma Capital Management hf. (Gamma/félagsins) til Fjármálaeftirlitsins um hreinar skortstöður í hlutabréfum á grundvelli reglugerðar Evrópuþingsins og ráðsins (ESB) nr. 236/2012 um skortsölu og tiltekna þætti skuldatrygginga (hér eftir skortsölureglugerðin/reglugerðin) sem tók gildi hér á landi með lögum nr. 55/2017 um skortsölu og skuldatryggingar. 

3.7.2018 : Samkomulag um sátt vegna brots Stapa lífeyrissjóðs á 1. mgr. 86. gr. laga nr. 108/2007 um verðbréfaviðskipti

Hinn 9. maí 2018 gerðu Fjármálaeftirlitið og Stapi lífeyrissjóður, hér eftir nefndur málsaðili, með sér samkomulag um að ljúka með sátt máli vegna brots á 1. mgr. 86. gr. laga nr. 108/2007 um verðbréfaviðskipti (vvl.).

Síða 1 af 2




Language


Útlit síðu:

Þessi síða notar vefkökur.
Lesa meira

X
Þetta vefsvæði byggir á Eplica