Listi yfir starfsheiti sem teljast til háttsettra opinberra starfa

Einstaklingar sem eru eða hafa verið háttsettir í opinberri þjónustu, ásamt nánustu fjölskyldu þeirra og nánum samstarfsmönnum eru taldir vera í einstaklingar í áhættuhópi vegna stjórnmálalegra tengsla, sbr. 6. tölulið 3. gr. laga nr. 140/2018 um aðgerðir gegn peningaþvætti og fjármögnun hryðjuverka.

Tilkynningarskyldir aðilar skulu hafa viðeigandi kerfi, ferla og aðferðir til að meta hvort innlendur eða erlendur viðskiptamaður eða raunverulegur eigandi sé í áhættuhópi vegna stjórnmálalegra tengsla sbr. 1. mgr. 17. gr. laga nr. 140/2018 en við þær aðstæður skal framkvæmd aukin áreiðanleikakönnun í samræmi við 13. gr. og uppfylla kröfur 17. gr. laga nr. 140/2018.

Fjármálaeftirlit Seðlabanka Íslands skal halda lista yfir þau starfsheiti hér á landi sem teljast til háttsettra opinberra starfa, sbr. 10.gr. reglugerðar nr. 1420/2020 um einstaklinga í áhættuhópi vegna stjórnmálalegra tengsla með tilliti til aðgerða gegn peningaþvætti og fjármögnun hryðjuverka. Samkvæmt sömu grein skal listinn birtur opinberlega á vefsvæði Seðlabanka Íslands. Á listanum koma fram starfsheiti og nafn stofnunar, samtaka, fyrirtækis eða stjórnmálaflokks, eftir því sem við á. Listinn byggir á ákvæðum reglugerðarinnar og á upplýsingum frá fjármála- og efnahagsráðuneytinu, utanríkisráðuneytinu og stjórnmálaflokkum sem eiga kjörna fulltrúa á Alþingi 1. febrúar 2021, sbr. 11. gr. reglugerðarinnar.

Tilgreining starfsheita og útgáfa neðangreinds lista hefur ekki áhrif á skyldu tilkynningarskyldra aðila samkvæmt 17. gr. laga nr. 140/2018 að meta hverju sinni hvort innlendur eða erlendur viðskiptamaður eða raunverulegur eigandi sé í áhættuhópi vegna stjórn­málalegra tengsla, en hægt er að hafa listann til hliðsjónar við matið.

Birt 1. febrúar 2021

Uppfært 9. júní 2022

Forseti Íslands og ráðherrar

Þingmenn

Einstaklingar í stjórnum stjórnmálaflokka

Hæstaréttardómarar, Landsréttardómarar og dómarar
við sérdómstóla og íslenskir dómarar
við alþjóðadómstóla

Hæstráðendur Seðlabanka Íslands

Sendiherrar og staðgenglar sendiherra

Fulltrúar í stjórn og framkvæmdastjóri fyrirtækis í eigu íslenska ríkisins

Íslenskir fyrirsvarsmenn alþjóðasamtaka og alþjóðastofnana