Útgefið efni

Fréttir: mars 2014

Fyrirsagnalisti

27.3.2014 : Fjármálaeftirlitið gefur út drög að eiginfjárreglum og reglum um verðbréfun

Fjármálaeftirlitið hefur gefið út umræðuskjöl nr. 5/2014 og nr 6/2014. Fyrra umræðuskjalið, nr. 5/214, inniheldur drög að reglum um yfirfærða útlánaáhættu vegna verðbréfunar. Reglurnar verða settar með heimild í 1. mgr. 29. gr. d laga nr. 161/2002 um fjármálafyrirtæki.

27.3.2014 : Drög að leiðbeinandi tilmælum um áhættustýringu og starfssvið tryggingastærðfræðings

Fjármálaeftirlitið hefur sent frá sér til umsagnar umræðuskjal nr. 4/2014 sem er drög að leiðbeinandi tilmælum um áhættustýringu og starfssvið tryggingastærðfræðings hjá vátryggingafélögum. Tilmælin eru byggð á grunni leiðbeinandi tilmæla Fjármálaeftirlitsins nr. 1/2011 um áhættustýringu vátryggingafélaga en gerðar eru á þeim nokkrar breytingar.

21.3.2014 : Ný leiðbeinandi tilmæli um upplýsingakerfi eftirlitsskyldra aðila

Á fundi stjórnar Fjármálaeftirlitsins þann 19. mars 2014 var umræðuskjal nr. 3/2014 samþykkt og ákveðið að gefa það út sem leiðbeinandi tilmæli um upplýsingakerfi eftirlitsskyldra aðila nr. 2/2014. Tilmælin taka gildi frá og með birtingu þeirra en á sama tíma falla leiðbeinandi tilmæli nr. 1/2012 um sama efni úr gildi.

19.3.2014 : Aðvörun til almennings um sýndarfé (e. virtual currencies)

Í tilefni af fréttum af fyrirhugaðri úthlutun sýndarfjár til Íslendinga (Auroracoin) vara íslensk stjórnvöld við hugsanlegri áhættu tengdri kaupum, varðveislu á eða viðskiptum með slíkt sýndarfé. Sýndarfé má lýsa sem tilbúnum stafrænum skiptimiðli (e. medium of exchange).

18.3.2014 : Frétt fjarlægð af vef

Fjármálaeftirlitinu barst skömmu fyrir hádegi í gær, 17. mars, beiðni frá Ingólfi Guðmundssyni um að frétt á vef Fjármálaeftirlitsins frá 12. apríl 2011 sem bar yfirskriftina „Athugasemd við frétt Fréttablaðsins“ yrði fjarlægð af vef Fjármálaeftirlitsins. Ingólfur fór einnig fram á að Fjármálaeftirlitið birti afsökunarbeiðni vegna meiðandi umfjöllunar sem þar væri að finna.

10.3.2014 : Nýjar leiðbeiningar Fjármálaeftirlitsins vegna eigin áhættu- og gjaldþolsmats vátryggingafélaga (ORSA)

Fjármálaeftirlitið hefur gefið út nýjar leiðbeiningar vegna eigin áhættu- og gjaldþolsmats vátryggingafélaga (ORSA)

6.3.2014 : Fjármálaeftirlitið setur leiðbeinandi tilmæli um stórar áhættuskuldbindingar

Fjármálaeftirlitið hefur gefið út leiðbeinandi tilmæli um mat á tengslum aðila vegna reglna um stórar áhættuskuldbindingar, sem settar eru á grundvelli 4. mgr. 30. gr. laga um fjármálafyrirtæki nr. 161/2002.

5.3.2014 : Alþjóðleg ráðstefna um lífeyrismál

Fjármálaeftirlitið og Landssamtök lífeyrissjóða efndu ásamt Alþjóðasamtökum eftirlitsaðila lífeyrissjóða (IOPS) og Alþjóðasamtökum eftirlitsaðila vátryggingafélaga (IAIS) efndu til ráðstefnu þann 28. febrúar síðastliðinn undir yfirskriftinni  Regulatory and Supervisory Challenges for the Icelandic Pension Industry. Ráðstefnan fór fram í Súlnasal Radisson BLU Hótels Sögu. Dagskráin og kynningar eru hér fyrir neðan.




Language


Þessi síða notar vefkökur.
Lesa meira

X
Þetta vefsvæði byggir á Eplica