Útgefið efni

Fréttir: apríl 2010

Fyrirsagnalisti

27.4.2010 : Fjármálaeftirlitið veitir KEA svf. heimild til að fara með virkan eignarhlut í Sparisjóði Höfðhverfinga

Fjármálaeftirlitið veitti þann 23. apríl sl., KEA svf. heimild til að fara með allt að 35% eignarhlut í Sparisjóði Höfðhverfinga, skv. 40. gr. laga nr. 161/2002 um fjármálafyrirtæki (fftl.)

23.4.2010 : Ný fjármálafyrirtæki taka við rekstri Byrs sparisjóðs og Sparisjóðsins í Keflavík

Stjórnir Byrs - sparisjóðs og Sparisjóðsins í Keflavík hafa farið fram á að Fjármálaeftirlitið taki yfir starfsemi sparisjóðanna í kjölfar þess að samningaviðræðum við kröfuhafa þeirra lauk án árangurs. Í ákvörðunum Fjármálaeftirlitsins um ráðstöfun eigna og skulda sparisjóðanna kemur fram að innlán Byrs - sparisjóðs og eignir hafa verið fluttar til nýs viðskiptabanka, Byrs hf. og innlán Sparisjóðsins í Keflavík og eignir hafa verið fluttar til nýs sparisjóðs, Spkef sparisjóðs. Bæði fjármálafyrirtækin hafa verið stofnuð og eru að fullu í eigu ríkisins.

21.4.2010 : Þagnarskylda þeirra er taka að sér verk í þágu fyrirtækis

Fjármálaeftirlitinu hafa borist ábendingar um að starfsmenn vörslusviptingafyrirtækja er starfa fyrir eignaleigufélögin hafi haft samband við aðra aðila en þá sem skráðir eru leigjendur ökutækis sem þeim er ætlað að vörslusvipta. Við þetta tækifæri hafa þeir sagt frá því að ætlunin væri að vörslusvipta ökutæki og óskað eftir upplýsingum um staðsetningu þess. Í tilefni af því hefur Fjármálaeftirlitið sent dreifibréf á eignaleigufyrirtækin þar sem minnt er á ákvæði í lögum um þagnarskyldu.

20.4.2010 : Fjármálaeftirlitið skipar VBS fjárfestingarbanka hf. bráðabirgðastjórn

Fjármálaeftirlitið hefur orðið við beiðni VBS fjárfestingarbanka hf. um að skipa bankanum bráðabirgðastjórn á grundvelli 100. gr. a. laga nr. 161/2002 um fjármálafyrirtæki, sbr. 4. gr. laga nr. 44/2009.

20.4.2010 : Fræðslufundur Fjármálaeftirlitsins með regluvörðum

Fjármálaeftirlitið efndi nýlega til fræðslufundar með regluvörðum. Um áttatíu manns mættu á fundinn sem var haldinn í samræmi við það markmið Fjármálaeftirlitsins að auka tengsl við regluverði og staðgengla þeirra. Tilgangurinn var enn fremur að efla hlutverk þessara aðila í störfum hjá fjármálafyrirtækjum og útgefendum fjármálagerninga með kynningu og fræðslu.

13.4.2010 : Fjármálaeftirlitið veitir Alfa verðbréfum hf. starfsleyfi sem verðbréfafyrirtæki

Fjármálaeftirlitið hefur veitt Alfa verðbréfum hf., kt. 700404-6760, Bankastræti 5, 101 Reykjavík, starfsleyfi sem verðbréfafyrirtæki, samkvæmt 5. tl. 1. mgr. 4. gr. laga nr. 161/2002 um fjármálafyrirtæki.

9.4.2010 : Fjármálaeftirlitið boðar til fundar með fjármálafyrirtækjum og útgefendum fjármálagerninga

Fjármálaeftirlitið hefur boðað til fundar með regluvörðum og viðeigandi starfsmönnum fjármálafyrirtækja og útgefenda fjármálagerninga miðvikudaginn 14. apríl nk.




Language


Þessi síða notar vefkökur.
Lesa meira

X
Þetta vefsvæði byggir á Eplica