Útgefið efni

Fréttir

Fyrirsagnalisti

22.2.2019 : Ársfjórðungsleg birting sundurliðunar fjárfestinga samtryggingar og séreignar

Fjármálaeftirlitið hefur hafið ársfjórðungslega birtingu upplýsinga úr innsendum skýrslum um sundurliðun fjárfestinga samtrygginga- og séreignadeilda lífeyrissjóða og annarra vörsluaðila séreignasparnaðar. Fram að þessu hafa upplýsingarnar verið birtar í árlegri útgáfu sem ber heitið Samantekt úr ársreikningum lífeyrissjóða. Nálgast má fyrstu ársfjórðungslegu birtingu þessara upplýsinga undir tölulegar upplýsingar á vef Fjármálaeftirlitsins. Hér er einnig stutt samantekt þeirra upplýsinga sem þar er að finna.

21.2.2019 : Morgunverðarfundur Fjármálaeftirlitsins um eiginfjárkröfur og viðnámsþrótt banka

Fjármálaeftirlitið efnir til morgunverðafundar um eiginfjárkröfur og viðnámsþrótt banka þann 5. mars næstkomandi. Fundurinn, sem fer fram á ensku, verður haldinn í Gullteigi á Grand Hótel Reykjavík. Morgunverður hefst kl. 8:00, fundurinn sjálfur stendur frá 8:30 til 10:00.

20.2.2019 : Viðnámsþróttur heimila, áhrif hækkunar fasteignaverðs og grænn fjármálamarkaður í nýútkomnum Fjármálum

Fyrsta tölublað ársins af Fjármálum, vefriti Fjármálaeftirlitsins, er komið út. Efni Fjármála er afar fjölbreytt að þessu sinni. Bryndís Ásbjarnardóttir, forstöðumaður þjóðhagsvarúðar fjallar um sveiflujöfnunarauka og kerfisáhættu í samnefndri grein. Loftur Hreinsson, sérfræðingur í þjóðhagsvarúð skrifar um greiningu á viðnámsþrótti heimila og fyrirtækja og Jón Guðjónsson, sérfræðingur í þjóðhagsvarúð spyr: Hefur hækkun fasteignaverðs aukið kerfisáhættu á fjármálamörkuðum?

18.2.2019 : Upptaka frá morgunverðarfundi um samkeppnisumhverfi fjármálakerfisins

Fjármálaeftirlitið efndi til morgunverðafundar um samkeppnisumhverfi fjármálakerfisins síðastliðinn þriðjudag. Tilefni fundarins var að Fjármálaeftirlitið hefur starfað í tuttugu ár og var fundurinn sá fyrsti í röð funda um áhugaverð málefni tengd fjármálakerfinu sem Fjármálaeftirlitið hyggst halda af því tilefni.

15.2.2019 : Mikilvægt er að fjárfestar kynni sér vel þau fyrirtæki sem þeir hyggjast eiga viðskipti við

Fjármálaeftirlitinu hafa borist upplýsingar um að erlent fyrirtæki, sem hefur ekki leyfi til að veita fjárfestingarþjónustu á Íslandi, hafi sett sig í samband við innlenda fjárfesta og boðið þeim að eiga svokölluð FX viðskipti sem tengd eru gjaldeyri. Af þessu tilefni vill Fjármálaeftirlitið leggja áherslu á að mikilvægt er að fjárfestar kynni sér vel þá aðila sem þeir ákveða að eiga viðskipti við og afli sér upplýsinga um þann kostnað sem fylgir viðskiptunum. Á þetta ekki síst við um flókna og áhættusama fjármálagerninga og þjónustu sem kaupandinn hefur ekki þekkingu á. 

14.2.2019 : Kynningarfundur fyrir starfsmenn fyrirtækja sem hafa heimild til að veita þjónustu í verðbréfaviðskiptum

Fjármálaeftirlitið hélt í gær kynningarfund fyrir starfsmenn fjármálafyrirtækja sem hafa heimild til að veita þjónustu í verðbréfaviðskiptum. Á fundinum voru haldnar kynningar á völdum atriðum úr tilskipun Evrópusambandsins nr. 2014/65/ESB (MiFID II) og reglugerð nr. 600/2014/ESB (MiFIR) til að vekja athygli ofangreindra aðila á þeim nýjungum sem kunna að hafa áhrif á starfsemi þeirra. Áætlað er að MiFID II og MiFIR verði innleiddar í íslensk lög á árinu 2019 og bendir Fjármálaeftirlitið á að hægt er að senda fyrirspurnir um MiFID II og MiFIR á netfangið: mifid2@fme.is

8.2.2019 : Uppfærð viðmið og aðferðafræði vegna könnunar- og matsferlis hjá fjármálafyrirtækjum

Fjármálaeftirlitið hefur gefið út uppfærð viðmið og aðferðafræði Fjármálaeftirlitsins vegna könnunar- og matsferlis hjá fjármálafyrirtækjum (SREP). Hin uppfærðu viðmið voru send til umsagnar með umræðuskjali nr. 8/2018 sem er að finna undir umræðuskjöl á vef Fjármálaeftirlitsins. 

4.2.2019 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Prudential Assurance Company Limited til Rothesay Life Plc. Fyrirhuguð yfirfærsla er í samræmi við tilkynningu dags. 1. febrúar 2019 frá breska fjármálaeftirlitinu Prudential Regulation Authority.

1.2.2019 : Ákvörðun um hækkun sveiflujöfnunarauka

Fjármálaeftirlitið tók í dag ákvörðun um hækkun sveiflujöfnunarauka í samræmi við tilmæli fjármálastöðugleikaráðs frá 19. desember 2018.

31.1.2019 : Yfirlýsing vegna viðlagaæfingar Norðurlanda og Eystrasaltsríkja í janúar 2019

Stjórnvöld sem bera ábyrgð á eftirliti með fjármálastöðugleika á Norðurlöndum og í Eystrasaltsríkjum héldu sameiginlega viðlagaæfingu 22. og 23. þessa mánaðar. Í æfingunni tóku þátt 31 stjórnvald frá Danmörku, Eistlandi, Finnlandi, Íslandi, Lettlandi, Litháen, Noregi og Svíþjóð ásamt viðkomandi stofnunum Evrópusambandsins. Starfsmaður Alþjóðagjaldeyrissjóðsins fylgdist einnig með æfingunni.

29.1.2019 : Morgunverðarfundur um samkeppnisumhverfi fjármálakerfisins í tilefni 20 ára afmælis Fjármálaeftirlitsins

Fjármálaeftirlitið efnir til morgunverðafundar um samkeppnisumhverfi fjármálakerfisins þriðjudaginn 12. febrúar næstkomandi. Fundurinn verður haldinn í Gullteigi á Grand Hótel Reykjavík. Morgunverður hefst kl. 8:00, fundurinn sjálfur stendur frá 8:30 til 10:00. 

28.1.2019 : Reglugerð um endurbótaáætlanir fjármálafyrirtækja hefur verið gefin út

Fjármála- og efnahagsráðuneytið hefur gefið út Reglugerð um endurbótaáætlanir lánastofnana og verðbréfafyrirtækja og samstæður þeirra nr. 50/2019. Reglugerðin gildir um endurbótaáætlanir lánastofnana og verðbréfafyrirtækja með stofnframlag skv. 2. mgr. 14. gr. a laga um fjármálafyrirtæki, nr. 161/2002, og samstæður þeirra ef við á sam­kvæmt IX. kafla A sömu laga.

25.1.2019 : Tilkynning um fyrirhugaðar yfirfærslur hluta vátryggingastofna

Hér með tilkynnist um yfirfærslur hluta vátryggingastofna frá Royal & Sun Alliance Insurance Plc og The Marine Insurance Company Limited til Mercantile Indemnity Company Limited. Fyrirhugaðar yfirfærslur eru í samræmi við tilkynningu dags. 24. janúar 2019 frá breska fjármálaeftirlitinu Prudential Regulation Authority.

18.1.2019 : Fjármálaeftirlitið hefur metið Kviku banka hf. hæfan til að fara með virkan eignarhlut í GAMMA Capital Management hf.

Hinn 17. janúar sl. komst Fjármálaeftirlitið að þeirri niðurstöðu að Kvika banki hf., kt. 540502-2930, væri hæfur til að fara með virkan eignarhlut í GAMMA Capital Management hf. eða sem nemur yfir 50%, skv. VI. kafla laga nr. 161/2002 um fjármálafyrirtæki.  

18.1.2019 : Fjármálaeftirlitið hefur metið Kviku banka hf. hæfan til að fara með aukinn virkan eignarhlut í Kortaþjónustunni hf.

Hinn 27. desember sl. komst Fjármálaeftirlitið að þeirri niðurstöðu að Kvika banki hf., kt. 540502-2930, væri hæfur til að fara með aukinn virkan eignarhlut í Kortaþjónustunni hf. eða sem nemur yfir 50%, skv. VI. kafla laga nr. 161/2002 um fjármálafyrirtæki, sbr. lög nr. 120/2011 um greiðsluþjónustu.  

10.1.2019 : Söfnunarlíftryggingar –uppsögn vátryggingasamnings

Fjármálaeftirlitið hvetur neytendur til að kynna sér vandlega afleiðingar þess að segja upp samningi um sparnað eða líftryggingar hjá einu vátryggingafélagi til að flytja sig til annars. Í slíkum tilvikum þarf að hafa í huga að neytandinn getur orðið fyrir fjárhagslegu tjóni við flutninginn þar sem áunnin réttindi hjá fyrra félaginu geta tapast við uppsögn samningsins. Þá er gott að hafa í huga við slíkar aðstæður að söfnunarlíftryggingar og viðbótarlífeyrissparnaður eru í eðli sínu langtíma fjárfestingar. Sé því haldið fram að viðkomandi fái betri vátryggingarsamning hjá öðru vátryggingafélagi er rétt að staldra við og spyrja gagnrýnna spurninga um þann samning sem um ræðir og þann vátryggjanda sem um ræðir. 

2.1.2019 : Hefur þú áhuga á að sinna verkefnum fyrir Fjármálaeftirlitið?

Við sérstakar aðstæður getur komið til þess að Fjármálaeftirlitið þurfi að kalla til sérfræðinga utan stofnunarinnar til að sinna afmörkuðum verkefnum. Fjármálaeftirlitið hefur til að mynda heimild til að skipa sérfræðing til að athuga tiltekna þætti í starfsemi eða rekstri eftirlitsskylds aðila eða til að hafa að öðru leyti sértækt eftirlit með eftirlitsskyldum aðila. Þá hefur Fjármálaeftirlitið heimild til að skipa bráðabirgðastjórn yfir eftirlitsskylda aðila við sérstakar aðstæður o.fl.

20.12.2018 : Uppreiknaðar evrufjárhæðir laga nr. 100/2016

Fjármálaeftirlitið hefur uppreiknað evrufjárhæðir laga nr. 100/2016 um vátryggingastarfsemi í samræmi við fyrirmæli laganna.  Eftirfarandi eru uppreiknaðar viðmiðunarfjárhæðir laganna í íslenskum krónum sem gilda fyrir árið 2019.

19.12.2018 : Kynning á nýju verklagi Fjármálaeftirlitsins við framkvæmd vettvangsathugana

Fjármálaeftirlitið hefur tekið upp nýtt og endurbætt verklag við framkvæmd vettvangsathugana og var það kynnt á fundi í húsakynnum eftirlitsins hinn 17. desember síðastliðinn. Hægt er að skoða upptöku á kynningunni hér fyrir neðan.

18.12.2018 : Tilkynning um fyrirhugaða yfirfærslu hluta vátryggingastofns

Hér með tilkynnist um yfirfærslu hluta vátryggingastofns frá Markel International Insurance Company Limited til Markel Insurance Societas Europaea. Fyrirhuguð yfirfærsla eru í samræmi við tilkynningu dags. 17. desember 2018 frá breska fjármálaeftirlitinu Prudential Regulation Authority.

Síða 1 af 50




Language


Þessi síða notar vefkökur.
Lesa meira

X
Þetta vefsvæði byggir á Eplica