Umræðuskjal um breytingar á leiðbeinandi tilmælum nr. 4/2006 um efni reglna skv. 2. mgr. 54. gr. laga nr. 161/2002 um fjármálafyrirtæki
Fjármálaeftirlitið birtir til umsagnar umræðuskjal nr. 1/2010. Umræðuskjalið er um drög að leiðbeinandi tilmælum sem ætlað er að breyta núgildandi leiðbeinandi tilmælum nr. 4/2006 um efni reglna skv. 2. mgr. 54. gr. laga nr. 161/2002 um fjármálafyrirtæki.
Tilvitnaðar breytingar á tilmælunum snúa eingöngu að rekstrarfélögum verðbréfasjóða, en við núverandi tilmæli bætist c) liður við III. kafla, sem fjallar um viðskipti rekstrarfélaga verðbréfasjóða og verðbréfa- og fjárfestingarsjóða í rekstri þeirra við venslaða aðila. Við yfirferð reglnanna kom í ljós að nauðsynlegt var að endurskilgreina viðskipti við venslaða aðila rekstrarfélaga verðbréfasjóða auk þess sem ákvæði um kjör innlána verðbréfasjóða var bætt í tilmælin.
Umræðuskjalið hefur verið sent rekstrarfélögum verðbréfasjóða til umsagnar.
Umsagnarfrestur er til 29. mars 2010.
Nánari upplýsingar veitir: Sigurður G. Valgeirsson, sgv@fme.is, GSM: 840 3861.