Fjármálaeftirlitið boðaði útgefendur fjármálagerninga til fundar 15. maí síðastliðinn.
Þann 15. maí sl. héldu starfsmenn Fjármálaeftirlitsins þær Barbara Inga Albertsdóttir og Rut Gunnarsdóttir fund með útgefendum fjármálagerninga á skipulegum verðbréfamarkaði og markaðstorgum fjármálagerninga (MTF). Á fundinn voru allir útgefendur boðaðir.
Umfjöllunarefni fundarins var upplýsingaskylda útgefenda. Lögð var sérstök áhersla á þann þátt upplýsingaskyldunnar að greina opinberlega frá upplýsingum sem eru líklegar til að hafa marktæk áhrif á markaðsverð fjármálagerninga ef opinberar væru. Á fundinum var einnig fjallað sérstaklega um viðurlög við brotum gegn ákvæðum laga og reglna um upplýsingaskyldu.
Þátttaka á fundinum var mjög góð, en um 80 fulltrúar frá meirihluta útgefenda mættu til fundarins.
Kynninguna frá fundinum má nálgast hér.
Nánari upplýsingar til fjölmiðla veitir Sigurður G. Valgeirsson, sgv@fme.is , s. 525 2700 eða farsími 840 3861.
