Fréttir


Fjármálaeftirlitið birtir útreikninga á seljanleika hlutabréfa

17.3.2008

Fjármálaeftirlitið hefur í samræmi við ákvæði 22. gr. reglugerðar  nr. 994/2007, um ákvörðun seljanlegra hlutabréfa, reiknað út flotleiðrétt markaðsvirði (flot) fyrirtækja sem tekin eru til viðskipta á skipulögðum verðbréfamarkaði. Útreikningarnir gilda fyrir tímabilið 1. apríl 2008 til 31. mars 2009.

Flot er skilgreint sem fjöldi hluta í hlutafélagi sem er í boði á markaði hverju sinni. Hlutir í boði eru oftast færri en heildarhlutir í hlutafélagi og félög hafa mismikið flot. Oft er stór hluti hlutafjár í eigu fjárfesta sem líta á hlutabréfin sem langtímafjárfestingu.

Hlutabréf, sem tekið hefur verið til viðskipta á skipulegum verðbréfamarkaði, telst seljanlegt ef viðskipti með hlutabréfið eru stunduð daglega, flot er ekki undir 500 milljónum evra og ef annað eftirfarandi skilyrða er uppfyllt:

a)            meðalfjöldi viðskipta með hlutabréfið er ekki undir 500 á dag

b)           meðaldagsvelta hlutabréfsins er ekki minni en 2 milljónir evra

Samkvæmt útreikningum Fjármálaeftirlitsins uppfylla eftirtalin félög ofangreind skilyrði:  

·         Landsbankinn

·         Kaupþing

·         Glitnir

·         Straumur-Burðarás

·         Exista

Útreikningsaðferðina má nálgast á heimasíðu Samstarfsnefndar eftirlitsaðila á evrópskum verðbréfamörkuðum (CESR) og þar má einnig finna aðferðarfræði við útreikninga á floti.

Gagnagrunnur CESR  um seljanleika verðbréfa

Gagnagrunnur um seljanleika hlutabréfa – aðferðarlýsing

Til baka







Language


Þessi síða notar vefkökur.
Lesa meira

X
Þetta vefsvæði byggir á Eplica