Útgefið efni

Umfang útlána með veði í íbúðarhúsnæði aukast á milli ára

9.11.2007

Frá því að bankar og sparisjóðir komu inn á húsnæðislánamarkaðin hefur umfang útlána með veði í íbúðarhúsnæði vaxið hratt.  Fjármálaeftirlitið hefur tekið saman yfirlit yfir þróun útlána með veði í íbúðarhúsnæði. Samkvæmt því hafa lán með veði í íbúðarhúsnæði aukist í krónum talið frá miðju ári 2006 og fram á mitt ár 2007. Aukningin er um 15% hjá viðskiptabönkunum eða úr 289 milljörðum í 330 milljarða króna og um 18% hjá stærstu sparisjóðunum, eða úr 92 milljörðum í 108 milljarða króna. Miklar breytingar á eiginfjárgrunni sparisjóða, m.a. vegna samruna, gera það að verkum að hlutfall þessara lána af eiginfjárgrunni þeirra lækkar frá sama tíma á fyrra ári.

Frett.09.11.2007.Mynd1

Ragnar Hafliðason, aðstoðarforstjóri FME segir að um helmingur af heildarútlánum viðskiptabanka og stærstu sparisjóða með veði í íbúðarhúsnæði hafi veðhlutfall undir 70% sem er töluverð breyting frá fyrra ári þegar sama hlutfall var um þriðjungur útlánanna. Ragnar segir dreifingu veðhlutfalla þannig vera jafnari nú en fyrir ári síðan. 

Frett.09.11.2007.Mynd2

Mynd: Veðhlutfall (útlán deilt með virði eignar sem er að veði) lána með veði í íbúðarhúsnæði.

Nánar verður fjallað um þróun og horfur á fjármálamarkaði á ársfundi Fjármálaeftirlitsins 27. nóvember nk.

Til baka



Language


Þessi síða notar vefkökur.
Lesa meira

X
Þetta vefsvæði byggir á Eplica