Námskeið um sundurliðun fjárfestinga fyrir lífeyrissjóði og vörsluaðila séreignasparnaðar
Fjármálaeftirlitið stendur fyrir námskeiði sem ætlað er fyrir lífeyrissjóði og aðra vörsluaðila séreignasparnaðar.
Námskeiðið verður haldið fimmtudaginn 17. janúar 2013, kl. 14:00 – 16:00. Á námskeiðinu verður m.a. farið yfir nýtt skipulag Fjármálaeftirlitsins, rafræn skýrsluskil og útfyllingu skýrslu um sundurliðun fjárfestinga, fjárfestingaheimildir, flokkun fjárfestinga, nýjar túlkanir Fjármálaeftirlitsins sem snúa að lögum nr. 129/1997 o.fl.
Skráning fer fram á fme@fme.is og stendur yfir til 3. janúar nk.
Þátttakendur eru hvattir til að senda inn fyrirspurnir séu þeir með spurningar um atriði sem þeim finnst óljós. Reynt verður að svara fyrirspurnunum á námskeiðinu og skulu þær berast Fjármálaeftirlitinu eigi síðar en 10. janúar nk.
Nánari upplýsingar veita Karen Íris Bragadóttir karen@fme.is og Arnar Jón Sigurgeirsson arnarjon@fme.is.
Staðsetning verður auglýst þegar nær dregur.