Fjármálaeftirlitið birtir upplýsingar um iðgjöld erlendra vátryggingafélaga á Íslandi 2001-2004
Fjármálaeftirlitið hefur tekið saman tölulegar upplýsingar um starfsemi erlendra vátryggingafélaga á Evrópska efnahagssvæðinu sem heimild hafa til starfsemi á Íslandi á grundvelli VII. kafla laga nr. 60/1994 um vátryggingastarfsemi. Upplýsingarnar eru byggðar á gögnum sem fjármálaeftirlit/vátryggingaeftirlit í viðkomandi ríkjum senda Fjármálaeftirlitinu. Tekið skal fram að réttmæti gagnanna er á ábyrgð viðkomandi eftirlita. Meðfylgjandi töflum er ætlað að gefa mynd af umfangi erlendra vátryggingafélaga hér á landi og þar með heildarstærð markaðarins í einstökum greinum.
Fyrri taflan sýnir bókfærð iðgjöld í nokkrum vátryggingagreinum, umreiknað í íslenskar krónur á meðalgengi ársins. Síðari taflan sýnir hversu hátt hlutfallið er af iðgjöldum innlendra vátryggingafélaga í viðkomandi grein.
Fjármálaeftirlitið mun birta sambærilegar upplýsingar fyrir árið 2005 jafnskjótt og öll eftirlit innan EES hafa sent því upplýsingar.
Nánari upplýsingar veita Kristinn Bjarnason og Sigurður Freyr Jónatansson