Fjármálaeftirlitinu falið eftirlit með greiðsluþjónustu
Fjármálaeftirlitið annast eftirlit með framkvæmd laga um greiðsluþjónustu nr. 120/2011, en lögin taka gildi 1. desember 2011.
Fjallað er í lögunum um hverjir teljist greiðsluþjónustuveitendur. Samkvæmt þeim skulu aðilar, aðrir en þeir sem taldir eru upp í a-f liðum 14. tl. 1. mgr. 8. gr., sem hyggjast veita greiðsluþjónustu afla sér starfsleyfis sem greiðslustofnun en Fjármálaeftirlitið veitir greiðslustofnun starfsleyfi samkvæmt lögunum. Félög sem starfandi eru skv. a-f liðum 14. tl. 1. mgr. 8. gr. laganna skulu tilkynna Fjármálaeftirlitinu hvaða starfsemi þau hyggjast stunda.
Með gildistöku laga um greiðsluþjónustu eru gerðar nokkrar breytingar á lögum um fjármálafyrirtæki nr. 161/2002, nánar tiltekið á 3., 20. og 85. gr. laganna.