LEI kóði – auðkenni lögaðila í verðbréfaviðskiptum
Fjármálafyrirtæki með heimild til verðbréfaviðskipta samkvæmt lögum nr.
108/2007 um verðbréfaviðskipti, þurfa að ganga úr skugga um að viðskiptavinir sem
eru lögaðilar og auðkenna skal með LEI kóða, s.s. verðbréfa- og
fjárfestingarsjóðir, lífeyrissjóðir, vátryggingafélög, sveitarfélög, stofnanir
og félög, hafi slíkan kóða áður en viðskipti með fjármálagerninga sem skráðir
eru á skipulegan verðbréfamarkað eru framkvæmd fyrir þeirra hönd frá 3. janúar
2018.
LEI kóði er einkvæmt alþjóðlegt auðkenni fyrir lögaðila. Global Legal
Entity Foundation (GLEIF) hefur umsjón með útgáfu þeirra. Upplýsingar og
leiðbeiningar um útgáfu LEI kóða er að finna á heimasíðu
GLEIF.