Fjármálaeftirlitið hefur metið RedRiverRoad ehf. hæft til að fara með virkan eignarhlut í Íslenskum fjárfestum hf.
Hinn 23. janúar sl. komst Fjármálaeftirlitið að þeirri niðurstöðu að RedRiverRoad ehf. væri hæft til að fara með yfir 50% virkan eignarhlut í verðbréfafyrirtækinu Íslenskum fjárfestum hf., sbr. VI. kafla laga nr. 161/2002 um fjármálafyrirtæki.
Fjármálaeftirlitið hefur einnig metið Hannes Árdal, eiganda RedRiverRoad ehf., hæfan til að fara með virkan eignarhlut í Íslenskum fjárfestum hf. með óbeinni hlutdeild.