Útgefið efni

Allt

Fyrirsagnalisti

14.6.2019 : Fjármálaeftirlitið veitir Monerium EMI ehf. starfsleyfi sem rafeyrisfyrirtæki

Fjármálaeftirlitið hefur veitt Monerium EMI ehf. kt. 571110-0240, Lækjargötu 2, starfsleyfi sem rafeyrisfyrirtæki samkvæmt lögum nr. 17/2013 um útgáfu og meðferð rafeyris. Starfsleyfi Monerium EMI ehf. tekur til útgáfu rafeyris, skv. 15. gr. fyrrgreindra laga.

13.6.2019 : Heildarniðurstöður ársreikninga fjármálafyrirtækja o.fl. 2018

Fjármálaeftirlitið hefur tekið saman skýrslu með heildarniðurstöðum ársreikninga ársins 2018 hjá fjármálafyrirtækjum, þ.e. viðskiptabönkum, sparisjóðum, lánafyrirtækjum, verðbréfafyrirtækjum og rekstrarfélögum verðbréfasjóða. Í skýrslunni er einnig að finna upplýsingar um heildareignir verðbréfa- og fjárfestingarsjóða í rekstri einstakra rekstrarfélaga og heildareignir fagfjárfestasjóða í rekstri rekstrarfélaga og annarra rekstraraðila. Jafnframt er í skýrslunni að finna nánar tilteknar upplýsingar um Íbúðalánasjóð og greiðslustofnanir.

12.6.2019 : Fjármálaeftirlitið birtir fræðsluefni um aðgerðir gegn peningaþvætti: rafeyrir og peningasendingar

Undanfarin misseri hefur Fjármálaeftirlitið gefið út margvíslegt fræðsluefni um aðgerðir gegn peningaþvætti og fjármögnun hryðjuverka. Í dag voru gefnir út tveir nýir bæklingar, annars vegar um Áhættuþætti tengda peningasendingum og hins vegar Áhættuþætti vegna útgáfu og meðferðar rafeyris.

3.6.2019 : Niðurstaða athugunar á aðgerðum gegn peningaþvætti og fjármögnun hryðjuverka hjá líftryggingafélögum og vátryggingamiðlurum

Fjármálaeftirlitið hóf athugun á aðgerðum gegn peningaþvætti og fjármögnun hryðjuverka í nóvember 2018. Athugunin beindist að líftryggingafélögum með starfsleyfi hér á landi auk vátryggingamiðlara sem miðla áhættu- og söfnunarlíftryggingum með fjárfestingaráhættu. 

29.5.2019 : Niðurstaða athugunar á aðgerðum Arion banka hf. gegn peningaþvætti og fjármögnun hryðjuverka

Fjármálaeftirlitið hóf athugun á aðgerðum gegn peningaþvætti og fjármögnun hryðjuverka hjá Arion banka hf. með bréfi dagsettu 3. október 2018. 

28.5.2019 : Fyrirtæki frá Hong Kong býður þjónustu án leyfis

Fjármálaeftirlitinu hefur borist ábending um að fulltrúar félagsins Midway Management, sem gefur sig út fyrir að bjóða upp á ýmiss konar fjárfestingarþjónustu í Hong Kong, hafi að undanförnu sett sig í samband við Íslendinga í þeim tilgangi að selja bandarísk hlutabréf. Fjármálaeftirlitið vekur sérstaka athygli á því að félagið hefur hefur ekki leyfi til að bjóða upp á þessa þjónustu hér á landi.

23.5.2019 : Gagnatöflur vátryggingafélaga - fyrsti ársfjórðungur 2019

Fjármálaeftirlitið hefur birt gagnatöflur íslenskra vátryggingafélaga á samandregnu formi fyrir fyrsta ársfjórðung 2019 Gagnatöflurnar byggja á ársfjórðungslegum gagnaskilum vátryggingafélaga á móðurfélagsgrunni

22.5.2019 : Samkomulag um sátt vegna brota Eimskipafélags Íslands hf. á 1. mgr. 122. gr. laga nr. 108/2007 um verðbréfaviðskipti

Hinn 5. apríl 2019 gerðu Fjármálaeftirlitið og Eimskipafélag Íslands hf., hér eftir nefndur málsaðili, með sér samkomulag um að ljúka með sátt máli vegna brota á 1. mgr. 122. gr. laga nr. 108/2007 um verðbréfaviðskipti.

20.5.2019 : Nýtt fræðsluefni um aðgerðir gegn peningaþvætti og fjármögnun hryðjuverka

Dómsmálaráðuneytið hefur birt nýtt fræðsluefni um aðgerðir gegn peningaþvætti og fjármögnun hryðjuverka og uppfært áður útgefið efni. 

17.5.2019 : Niðurstaða athugunar á undirbúningi og framkvæmd ákvörðunar um lánveitingu

Fjármálaeftirlitið gerði athugun hjá Landsbankanum hf. á undirbúningi og framkvæmd ákvörðunar um tiltekna lánveitingu. 

17.5.2019 : Brot fjárfestingarsjóðs í rekstri Júpíters rekstrarfélags hf. gegn 5. mgr. 59. gr. laga nr. 128/2011

Fjármálaeftirlitinu barst tilkynning frá Júpíter rekstrarfélagi hf. þann 11. desember 2018 þess efnis að fjárfestingarsjóður í rekstri félagsins hefði farið út fyrir fjárfestingar­heimildir 59. gr. laga nr. 128/2011 um verðbréfasjóði, fjárfestingarsjóði og fagfjárfestasjóði þann 10. desember 2018. Í 5. mgr. fyrrgreinds lagaákvæðis er tiltekið að fjárfestingarsjóðum sé heimilt að fjárfesta án takmarkana í fjárfestingarsjóðum en fjárfesting í sama fjárfestingasjóði megi ekki fara yfir 20% af eignum fjárfestingarsjóðs. Brotið varð vegna mistaka við skráningu fjárfestingarinnar í heimildaskjal áður en viðskiptin voru framkvæmd. 

17.5.2019 : Brot fjárfestingarsjóða í rekstri Landsbréfa hf. gegn 1. mgr. 59. gr. laga nr. 128/2011

Fjármálaeftirlitinu barst tilkynning frá Landsbréfum hf. þann 26. október 2018 þess efnis að tveir fjárfestingarsjóðir í rekstri félagsins hefðu farið út fyrir fjárfestingarheimildir 1. mgr. 59. gr., sbr. 3. tölul. 40. gr. laga nr. 128/2011 um verðbréfasjóði, fjárfestingarsjóði og fagfjárfestasjóði þann 25. október 2018. Samkvæmt framangreindum lagaákvæðum er fjárfestingarsjóðum óheimilt að eignast meira en 25% af hlutdeildarskírteinum verðbréfasjóðs og annarra sjóða um sameiginlega fjárfestingu.

17.5.2019 : Fjármálaeftirlitið birtir fræðsluefni um aðgerðir gegn peningaþvætti á verðbréfamarkaði

Fjármálaeftirlitið hefur birt fræðsluefni um aðgerðir gegn peningaþvætti og fjármögnun hryðjuverka á verðbréfamarkaði. Í síðasta mánuði var birt sambærilegt fræðsluefni annars vegar um váþætti á bankamarkaði og hins vegar um áhættuþætti á líftryggingamarkaði.

16.5.2019 : Ársfundur Fjármálaeftirlitsins 2019 – vefútsending

Ársfundur Fjármálaeftirlitsins verður haldinn í dag klukkan 15:00 í Norðurljósum í Hörpu og verður honum streymt.

14.5.2019 : Ársfundur Fjármálaeftirlitsins 2019 verður haldinn 16. maí kl. 15:00 í Norðurljósum í Hörpu

Ársfundur Fjármálaeftirlitsins 2019 verður haldinn þann 16. maí næstkomandi. Fundurinn fer fram í Norðurljósum í Hörpu og hefst klukkan 15:00.

9.5.2019 : Aðgerðir Norðurlanda og Eystrasaltsríkja til að hindra peningaþvætti

Æðstu stjórnendur fjármálaeftirlita Norðurlandanna og Eystrasaltsríkjanna funduðu í gær í Stokkhólmi og komu sér saman um ráðstafanir til að auka samstarf ríkjanna í því skyni að hindra peningaþvætti og fjármögnun hryðjuverka. Fjármálaeftirlitið átti ekki fulltrúa á fundinum að þessu sinni en tekur fullan þátt í samstarfinu og fylgdist með fundinum og þeim ákvörðunum sem þar voru teknar.

9.5.2019 : Sundurliðun fjárfestinga samtryggingar og séreignar fyrir fyrsta ársfjórðung 2019

Fjármálaeftirlitið hefur birt upplýsingar um fjárfestingar samtrygginga- og séreignadeilda lífeyrissjóða og annarra vörsluaðila séreignasparnaðar fyrir 1. ársfjórðung 2019 ásamt sambærilegum gögnum er ná aftur til 3. ársfjórðungs 2017. Hér er einnig stutt samantekt þeirra upplýsinga sem þar er að finna.

3.5.2019 : Niðurstaða athugunar á eftirlitsaðgerðum tengdum lánaferli

Fjármálaeftirlitið hóf athugun í lok júnímánaðar 2018 á eftirlitsaðgerðum tengdum lánaferli Landsbankans hf. Meginmarkmið athugunarinnar var að fá yfirsýn yfir verklag og verkferla sem snúa að lánveitingum og eftirfylgni bankans með þeim. Jafnframt var kannað hvort hlutverkaskipting væri skýr á milli varnarlína 1 og 2.

3.5.2019 : Niðurstaða athugunar á eftirlitsaðgerðum tengdum lánaferli

Fjármálaeftirlitið hóf athugun í lok aprílmánaðar 2018 á eftirlitsaðgerðum tengdum lánaferli Íslandsbanka hf. Meginmarkmið athugunarinnar var að fá yfirsýn yfir verklag og verkferla sem snúa að lánveitingum og eftirfylgni bankans með þeim. Jafnframt var kannað hvort hlutverkaskipting væri skýr á milli varnarlína 1 og 2.

3.5.2019 : Niðurstaða athugunar á eftirlitsaðgerðum tengdum lánaferli

Fjármálaeftirlitið hóf athugun í lok aprílmánaðar 2018 á eftirlitsaðgerðum tengdum lánaferli Arion banka hf. Meginmarkmið athugunarinnar var að fá yfirsýn yfir verklag og verkferla sem snúa að lánveitingum og eftirfylgni bankans með þeim. Jafnframt var kannað hvort hlutverkaskipting væri skýr á milli varnarlína 1 og 2.

Síða 1 af 50



Language


Þessi síða notar vefkökur.
Lesa meira

X
Þetta vefsvæði byggir á Eplica