Allt


Allt

Fyrirsagnalisti

5.12.2019 : Ný gögn um íslenska banka í evrópskum samanburði

Evrópska bankaeftirlitsstofnunin (European Banking Authority, EBA) hefur birt í sjötta sinn upplýsingar um rekstur og efnahag 131 banka á Evrópska efnahagssvæðinu. Birtar eru upplýsingar um hvern og einn banka. Arion banki, Íslandsbanki og Landsbankinn eru í annað sinn með í þessum samanburði.

2.12.2019 : Lífeyrissparnaður nam rúmlega 5.000 milljörðum kr. við lok þriðja ársfjórðungs 2019

Fjármálaeftirlitið hefur birt upplýsingar um heildareignir samtryggingar- og séreignarsparnaðar lífeyrissjóða og sundurliðun þeirra miðað við lok þriðja ársfjórðungs 2019 ásamt sambærilegum gögnum er ná aftur til þriðja ársfjórðungs 2017. Hér er einnig stutt samantekt þeirra upplýsinga sem þar er að finna.

2.12.2019 : Gagnatöflur vátryggingafélaga - þriðji ársfjórðungur 2019

Fjármálaeftirlitið hefur birt gagnatöflur íslenskra vátryggingafélaga á samandregnu formi fyrir þriðja ársfjórðung 2019. Gagnatöflurnar byggja á ársfjórðungslegum gagnaskilum vátryggingafélaga á móðurfélagsgrunni. Hér er einnig samantekt um þróun helstu stærða úr rekstri skaðatryggingafélaga og líftryggingafélaga á þriðja ársfjórðungi þessa árs.

27.11.2019 : Niðurstöður athugana á meðhöndlun kvartana hjá tilteknum sparisjóðum

Fjármálaeftirlitið hóf í september 2019 athugun á meðhöndlun kvartana hjá Sparisjóði Austurlands, Sparisjóði Höfðhverfinga og Sparisjóði Strandamanna. Niðurstöður lágu fyrir í október 2019.

22.11.2019 : Kynning á nýrri löggjöf á vátryggingamarkaði

Fjármálaeftirlitið efndi nýlega til kynningar á nýrri löggjöf á vátryggingamarkaði fyrir aðila sem þar starfa.

12.11.2019 : Niðurstaða athugunar á opinberri fjárfestingarráðgjöf

Fjármálaeftirlitið hóf í mars 2019 athugun á opinberri fjárfestingarráðgjöf hjá Landsbankanum hf. („bankinn“ hér eftir). Niðurstaða lá fyrir í í október 2019.

29.10.2019 : Samkomulag um sátt vegna brota Kviku banka hf.

Hinn 19. september 2019 gerðu Fjármálaeftirlitið og Kvika banki hf. (Kvika, málsaðili) með sér samkomulag um að ljúka með sátt máli vegna brota gegn 2. mgr. 21. gr. laga nr. 161/2002, um fjármálafyrirtæki (fftl.).

29.10.2019 : Glærur frá morgunverðarfundi um ábyrgar fjárfestingar

Fjármálaeftirlitið hélt morgunverðarfund um ábyrgar fjárfestingar þann 24. október síðastliðinn. Glærurnar frá fundinum  eru nú aðgengilegar á vef Fjármálaeftirlitsins.

25.10.2019 : Niðurstaða athugunar á virðismatsaðferðum á útlánum Arion banka hf. til fimm viðskiptamanna og aðila tengdum þeim

Fjármálaeftirlitið framkvæmdi vettvangsathugun hjá Arion banka hf. í febrúar og mars 2019. Niðurstaða lá fyrir í október 2019.

22.10.2019 : Niðurstaða athugunar á fjárfestingarferli Tryggingamiðstöðvarinnar

Fjármálaeftirlitið framkvæmdi vettvangsathugun hjá Tryggingamiðstöðinni hf. í maí 2019 og lá niðurstaða fyrir í september síðastliðnum. 

18.10.2019 : Evrópska eftirlitsstofnunin á vátrygginga- og lífeyrismarkaði (EIOPA) birtir umræðuskjal vegna breytingartillagna á Solvency II tilskipuninni

Þann 15. október sl. sendi EIOPA frá sér fréttatilkynningu vegna umræðuskjals með breytingartillögum stofnunarinnar á Solvency II tilskipuninni Consultation Paper on the Opinion on the 2020 review of Solvency II. Hagsmunaaðilum er bent á að koma má á framfæri athugasemdum fyrir 15. janúar 2020 sbr. meðfylgjandi fréttatilkynningu.

17.10.2019 : Sterkri auðkenningu vegna PSD2 framfylgt í Evrópu eftir 31. desember 2020

Evrópska bankaeftirlitið (EBA) hefur birt álit varðandi lokafrest sem greiðsluþjónustuveitendur í Evrópu hafa til að koma upp sterkri auðkenningu (e. strong customer authenticaion – SCA) í tengslum við framkvæmd greiðslna. Lokafrestur er gefinn til 31. desember 2020. Krafan um sterka auðkenningu öðlaðist lagalega séð gildi í Evrópu 14. september sl. en með þessu áliti EBA er eftirlitsstjórnvöldum veitt svigrúm til framfylgja ekki kröfunni fyrr en eftir 31. desember 2020. Þessi undanþága nær sérstaklega til kortagreiðslna. Það er skilyrði að greiðsluþjónustuveitendur sem beita henni hafi tiltæka áætlun um á hvaða tíma auðkenningaraðferðir sem ekki teljast sterkar verða aflagðar og aðrar aðferðir teknar upp (e. migration plan). Í álitinu felst m.a. tímasett aðgerðaáætlun um þau skref sem eftirlitsstjórnvöld eiga að stíga fram til 31. desember 2020 með tilliti til þeirra greiðsluþjónustuveitenda sem svigrúmið nær til. Áætlunin er í átta skrefum. Felur hvert skref í sér áfanga sem þarf að vera lokið fyrir enda hvers ársfjórðungs fram til 31. desember 2020.

17.10.2019 : Niðurstaða um brot Orkuveitu Reykjavíkur á 126. gr. laga nr. 108/2007 um verðbréfaviðskipti

Hinn 4. október 2019 komst Fjármálaeftirlitið að þeirri niðurstöðu að Orkuveita Reykjavíkur hefði brotið gegn 3. ml. 1. mgr. 126. gr. laga nr. 108/2007 um verðbréfaviðskipti (vvl.) þar sem Orkuveita Reykjavíkur tilkynnti Fjármálaeftirlitinu ekki samdægurs um að hafa lánað viðskiptavaka skuldabréf útgefin af félaginu (svokölluð verðbréfalán). Um var að ræða tvö verðbréfalán til viðskiptavaka á tímabilinu 7. mars 2018 til 7. mars 2019.

14.10.2019 : Morgunverðarfundur um ábyrgar fjárfestingar

Fjármálaeftirlitið efnir til fjórða morgunverðarfundarins á árinu í tilefni 20 ára afmælis stofnunarinnar þann 24. október næstkomandi í Gullteigi á Grand Hótel Reykjavík. Að þessu sinni er fjallað um ábyrgar fjárfestingar. Framsögumenn eru Eleni Choidas, forstöðumaður evrópskra stefnumála hjá ShareAction samtökunum sem hvetja fyrirtæki til ábyrgra fjárfestinga, Ólafur Sigurðsson, framkvæmdastjóri Birtu lífeyrissjóðs og Unnur Gunnarsdóttir, forstjóri Fjármálaeftirlitsins. Boðið verður upp á fyrirspurnir og stuttar umræður að erindum loknum.

8.10.2019 : Fjármálaeftirlitið óskar eftir umsögnum um skilgreiningu á virkum markaði með hlutabréf

Sem lið í undirbúningi fyrir gildistöku MiFID II og MiFIR, sem er heildarlöggjöf fyrir viðskipti með fjármálagerninga, óskar Fjármálaeftirlitið eftir umsögnum um sérstaka heimild sem leyfir eftirlitsstjórnvöldum að velja hlutabréf allt að fimm skráðra félaga á sínum markaði til að fylgja sömu reglum og gilda um hlutabréf sem teljast hafa virkan markað óháð því hvort viðkomandi bréf uppfylla öll nauðsynleg skilyrði þar að lútandi. Í gær sendi Fjármálaeftirlitið dreifibréf til valinna hagsmunaaðila en vill jafnframt gefa almenningi kost á að koma á framfæri sjónarmiðum um notkun á fyrrgreindri heimild. Hér fyrir neðan má nálgast umrætt dreifibréf þar sem finna má ítarlegri upplýsingar um málið.

7.10.2019 : Tilkynning um fyrirhugaða yfirfærslu hluta vátryggingastofns

Hér með tilkynnist um yfirfærslu hluta vátryggingastofns frá Assured Guaranty (Europe) plc til Assured Guaranty (Europe) SA. Fyrirhuguð yfirfærsla er í samræmi við tilkynningu dags. 2. október 2019 frá breska fjármálaeftirlitinu, Prudential Regulation Authority.

3.10.2019 : Fjármálaeftirlitið og fagfjárfestasjóðir

 Vegna umfjöllunar um fagfjárfestasjóði vill Fjármálaeftirlitið koma eftirfarandi á framfæri. 

Fjármáleftirlitið hefur eftirlit með fagfjárfestasjóðum á grundvelli IV. kafla laga nr. 128/2011 um verðbréfasjóði, fjárfestingarsjóði og fagfjárfestasjóði. 

2.10.2019 : Niðurstaða könnunar- og matsferlis hjá Landsbankanum hf.

Fjármálaeftirlitið leggur mat á áhættuþætti í starfsemi fjármálafyrirtækja í könnunar- og matsferli (e. Supervisory Review and Evaluation Process, SREP) og með hvaða hætti fjármálafyrirtæki meðhöndlar þá í starfseminni, sbr. lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega.

2.10.2019 : Niðurstaða könnunar- og matsferlis hjá Íslandsbanka hf.

Fjármálaeftirlitið leggur mat á áhættuþætti í starfsemi fjármálafyrirtækja í könnunar- og matsferli (e. Supervisory Review and Evaluation Process, SREP) og með hvaða hætti fjármálafyrirtæki meðhöndlar þá í starfseminni, sbr. lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega.

2.10.2019 : Niðurstaða könnunar- og matsferlis hjá Arion banka hf.

Fjármálaeftirlitið leggur mat á áhættuþætti í starfsemi fjármálafyrirtækja í könnunar- og matsferli (e. Supervisory Review and Evaluation Process, SREP) og með hvaða hætti fjármálafyrirtæki meðhöndlar þá í starfseminni, sbr. lög nr. 161/2002 um fjármálafyrirtæki. Hjá þeim fjármálafyrirtækjum sem metin eru kerfislega mikilvæg fer slíkt mat fram árlega.

Síða 1 af 50







Language


Þessi síða notar vefkökur.
Lesa meira

X
Þetta vefsvæði byggir á Eplica