Útgefið efni

Allt

Fyrirsagnalisti

11.12.2018 : Nýtt verklag Fjármálaeftirlitsins við framkvæmd vettvangsathugana

Fjármálaeftirlitið hefur sent dreifibréf til eftirlitsskyldra aðila þar sem kynnt er nýtt og endurbætt verklag við framkvæmd vettvangsathugana. Verklagið er í anda þess sem stuðst er við víða í Evrópu og felur m.a. í sér að vettvangsathuganir verða framkvæmdar í meira mæli á starfsstöð eftirlitsskylds aðila og framsetning og eftirfylgni með niðurstöðu vettvangsathugana verður með öðrum hætti en hingað til. 

10.12.2018 : Gagnatöflur vátryggingafélaga - þriðji ársfjórðungur 2018

Fjármálaeftirlitið hefur hafið ársfjórðungslega birtingu gagnatafla íslenskra vátryggingafélaga á samandregnu formi. Gagnatöflurnar byggja á ársfjórðungslegum gagnaskilum vátryggingafélaga á móðurfélagsgrunni. Þessar fyrstu ársfjórðungslegu gagnatöflur sem birtar eru ná til þriðja ársfjórðungs 2018.  

30.11.2018 : Fjármálaeftirlitið hvetur fyrirtæki og aðila á fjármálamarkaði til að gæta að netöryggi í starfsemi sinni

Fjármálaeftirlitið hefur í dag sent lífeyrissjóðum dreifibréf þar sem þeir eru hvattir til að gæta að netöryggi í starfsemi sinni. Fjármálaeftirlitið vill jafnframt vara önnur fyrirtæki á fjármálamarkaði við. Sífellt algengara er að fyrirtæki og aðilar á fjármálamarkaði séu skotmörk þar sem reynt er að svíkja út fjármuni. Þau svik fara oft þannig fram að sendir eru póstar í nafni innri aðila þar sem óskað er eftir millifærslu á ákveðinn reikning (e. CEO fraud) eða að brotist er inn í tölvupósthólf starfsmanns til að breyta millifærsluupplýsingum sem berast í tölvupósti.  

29.11.2018 : Niðurstaða athugunar á upplýsingakerfum Valitor hf.

Fjármálaeftirlitið hóf athugun á tilgreindum þáttum varðandi rekstur upplýsingakerfa og notkun upplýsingatækni hjá Valitor hf. í mars 2018. Markmið athugunarinnar var að leggja mat á viðbragðsáætlun félagsins og áætlun um samfelldan rekstur til að tryggja áframhaldandi starfsemi og takmörkun á tjóni ef alvarleg röskun verður á starfsemi þess, sbr. 2. mgr. 78 gr. g laga nr. 161/2002, um fjármálafyrirtæki. Athugunin beindist jafnframt að því að kanna hvort félagið starfaði í samræmi við leiðbeinandi tilmæli nr. 2/2014, um upplýsingakerfi eftirlitsskyldra aðila.

28.11.2018 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Scottish Widows Limited to Scottish Widows Europe S.A. Fyrirhuguð yfirfærsla eru í samræmi við tilkynningu dags. 27. nóvember 2018 frá breska fjármálaeftirlitinu Prudential Regulation Authority.

28.11.2018 : Kröfur varðandi starfsemi lífeyrissjóða

Vegna umfjöllunar í fjölmiðlum vill Fjármálaeftirlitið minna á þær kröfur sem gerðar eru samkvæmt lögum til starfsemi lífeyrissjóða.

26.11.2018 : Fræðsluefni gefið út um aðgerðir gegn peningaþvætti og fjármögnun hryðjuverka

Dómsmálaráðuneytið hefur birt fræðsluefni um aðgerðir gegn peningaþvætti og fjármögnun hryðjuverka á vef sínum. Um er að ræða tvo bæklinga sem fjalla annars vegar um um rannsóknar- og tilkynningarskyldu tilkynningarskyldra aðila og hins vegar um þjálfun starfsmanna.

26.11.2018 : Tímabundin stöðvun viðskipta – afturköllun

Fjármálaeftirlitið ákvað í morgun að stöðva tímabundið viðskipti með fjármálagerninga Icelandair Group hf. sem teknir hafa verið til viðskipta á aðalmarkaði Nasdaq OMX Iceland hf. Fjármálaeftirlitið hefur nú afturkallað kröfur um tímabundna stöðvun í kjölfar tilkynningar frá félaginu um framgang mála um kaup á Wow air hf. 

26.11.2018 : Tímabundin stöðvun viðskipta

Fjármálaeftirlitið ákvað í morgun að stöðva tímabundið viðskipti með fjármálagerninga Icelandair Group hf. sem teknir hafa verið til viðskipta á aðalmarkaði Nasdaq OMX Iceland hf.

19.11.2018 : Nýjar reglur um eðlilega og heilbrigða viðskiptahætti fjármálafyrirtækja, greiðslustofnana og rafeyrisfyrirtækja

Fjármálaeftirlitið hefur gefið út nýjar reglur nr. 1001/2018 um eðlilega og heilbrigða viðskiptahætti fjármálafyrirtækja, greiðslustofnana og rafeyrisfyrirtækja. Leysa þær af hólmi gildandi reglur um sama efni nr. 672/2017 um eðlilega og heilbrigða viðskiptahætti fjármálafyrirtækja. Reglurnar voru samþykktar af stjórn Fjármálaeftirlitsins 17. október sl. og birtar á vef Stjórnartíðinda 15. nóvember.

13.11.2018 : Tilkynning um fyrirhugaða yfirfærslu vátryggingastofns

Hér með tilkynnist um yfirfærslu vátryggingastofns frá Travelers Casualty and Surety Company of Europe Limited til Travelers Insurance Company Limited. Fyrirhuguð yfirfærsla eru í samræmi við tilkynningu dags. 6. nóvember 2018 frá breska fjármálaeftirlitinu Prudential Regulation Authority.

13.11.2018 : Meðhöndlun innherjaupplýsinga hjá stjórnvöldum

Fjármálaeftirlitið hefur sent dreifibréf til ráðuneyta og tiltekinna stofnana þar sem athygli er vakin á gildandi lögum og reglum sem gilda um meðferð innherjaupplýsinga hjá stjórnvöldum. 

12.11.2018 : Fjármálaeftirlitið gefur út drög að viðmiðum og aðferðafræði Fjármálaeftirlitsins vegna könnunar- og matsferlis hjá fjármálafyrirtækjum

Fjármálaeftirlitið hefur gefið út umræðuskjal nr. 8/2018. Umræðuskjalið inniheldur drög að uppfærðum viðmiðum og aðferðafræði Fjármálaeftirlitsins vegna könnunar- og matsferlis (SREP) hjá fjármálafyrirtækjum.  

6.11.2018 : Lánveitendur fasteignalána til neytenda eru skráningarskyldir

Að undanförnu hefur Fjármálaeftirlitið þurft að bregðast við auglýsingum frá verktökum í byggingariðnaði þar sem kaupendum nýrra íbúða í þeirra eigu er boðið að fjármagna kaup sín með veðtryggðu viðbótarláni frá hlutaðeigandi verktaka.

5.11.2018 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Standard Life Assurance Limited til Standard Life International DAC. Fyrirhuguð yfirfærsla eru í samræmi við tilkynningu dags. 30. október 2018 frá breska fjármálaeftirlitinu Prudential Regulation Authority.

2.11.2018 : Niðurstaða um brot Símans hf. á 126. gr. laga nr. 108/2007

Hinn 17. október 2018 komst Fjármálaeftirlitið að þeirri niðurstöðu að Síminn hf. hefði brotið gegn 126. gr. laga nr. 108/2007 um verðbréfaviðskipti þegar félagið tilkynnti Fjármálaeftirlitinu ekki samdægurs um viðskipti fruminnherja með hlutabréf í félaginu sem áttu sér stað hinn 1. nóvember 2017 og fruminnherjinn tilkynnti félaginu sama dag. Með hliðsjón af því að ekki var um að ræða viðskipti fruminnherja sem Símanum hf. var skylt að birta opinberlega samkvæmt 127. gr. vvl. og því raskaði síðbúin tilkynning ekki jafnræði fjárfesta á markaðnum, og með hliðsjón af því að tilkynningin barst strax daginn eftir að tilkynningarskyldan varð virk, var ákveðið að gera félaginu ekki stjórnvaldssekt vegna brotsins.

31.10.2018 : Spurt og svarað fyrir verðbréfamarkað

Fjármálaeftirlitið hefur birt skjal með spurningum og svörum fyrir verðbréfamarkað hér á vef Fjármálaeftirlitsins undir Réttarheimildir – Spurt og svarað/Túlkanir. Markmið útgáfunnar er að auka gagnsæi í framkvæmd eftirlitsins og veita eftirlitsskyldum aðilum og öðrum sem efnið varðar meira öryggi við beitingu laga og reglna.

23.10.2018 : Kynning á viðmiðunarreglum EBA um stjórnarhætti fjármálafyrirtækja

Kynning á viðmiðunarreglum EBA um stjórnarhætti fjármálafyrirtækja fór fram í húsakynnum Fjármálaeftirlitsins þann 17. október sl. Kynningin var vel sótt og mættu yfir 100 starfsmenn og stjórnarmenn fjármálafyrirtækja. Hrafnhildur S. Mooney, sérfræðingur í stjórnarháttum, kynnti nýjar viðmiðunarreglur EBA um innri stjórnarhætti fjármálafyrirtækja og Berglind Helga Jónsdóttir, lögfræðingur, kynnti nýjar viðmiðunarreglur EBA/ESMA um mat á hæfi stjórnar, framkvæmdastjóra og lykilstarfsmanna fjármálafyrirtækja

23.10.2018 : Tilkynning um fyrirhugaða yfirfærslu vátryggingastofns

Hér með tilkynnist um yfirfærslu vátryggingastofns frá Aviva Life And Pensions UK Limited til Friends First Life Assurance Designated Activity Company. Fyrirhuguð yfirfærsla eru í samræmi við tilkynningu dags. 16. október 2018 frá breska fjármálaeftirlitinu Prudential Regulation Authority.

19.10.2018 : Niðurstaða athugunar á meðhöndlun kvartana hjá Sparisjóði Suður-Þingeyinga

Fjármálaeftirlitið hóf í júlí 2018 athugun á meðhöndlun kvartana hjá Sparisjóði Suður-Þingeyinga. Markmið athugunarinnar var að skoða sérstaklega hvort framkvæmd sparisjóðsins væri í samræmi við II. kafla reglna nr. 672/2017 um eðlilega og heilbrigða viðskiptahætti, en þar er fjallað um samskipti fjármálafyrirtækja við viðskiptavini og meðhöndlun kvartana. 

Síða 1 af 50



Language


Útlit síðu:

Þessi síða notar vefkökur.
Lesa meira

X
Þetta vefsvæði byggir á Eplica