Leiðbeinandi tilmæli

Fjármálaeftirlitið gefur út leiðbeinandi tilmæli vegna reglna þess nr. 1050/2012 um meðferð innherjaupplýsinga og viðskipti innherja. Tilmælin eru gefin út til að veita þátttakendum á verðbréfamarkaði almennar leiðbeiningar vegna reglna Fjármálaeftirlitsins nr. 1050/2012 um meðferð innherjaupplýsinga og viðskipti innherja sem settar eru á grundvelli 132. gr. laga nr. 108/2007 um verðbréfaviðskipti (vvl.).

Um er að ræða leiðbeiningar til nánari skýringar á þeim lágmarkskröfum sem reglur nr. 1050/2012 gera varðandi meðferð innherjaupplýsinga og viðskipti innherja. Markmiðið er að skýra ákvæði reglnanna með almennu orðalagi sem og að veita leiðbeiningar varðandi framkvæmdaþætti er varða reglurnar. Þá er reynt að skýra flóknari atriði. Ekki er þó um tæmandi skýringar að ræða.