Hagnaður innlendu skaðatryggingafélaganna var rúmlega 19,5 milljarðar kr. árið 2006 samanborið við rúmlega 20,2 milljarða kr. árið 2005. Fjármálaeftirlitið (FME) hefur birt á vefsíðu sinni töflur með sundurliðun vátryggingagreina og ársreikningum íslenskra vátryggingafélaga fyrir árið 2006.
Fjármálaeftirlitið hefur í dag birt á heimasíðu sinni túlkun á 36. gr. laga nr. 129/1997 um skyldutryggingu lífeyrisréttinda og starfsemi lífeyrissjóða sem kveður á um fjárfestingaheimildir lífeyrissjóða.
Fjármálaeftirlitið hefur opnað sérstakar upplýsingasíður á vefsvæði sínu sem fjalla um innleiðingu á tilskipun um markaði með fjármálagerninga, svokallaða MiFID tilskipun.
Nokkur aukning varð á málskotum til Úrskurðarnefndar í vátryggingarmálum á milli ársins 2005 og 2006.
Fjármálaeftirlitið veitti þann 4. júlí sl. samþykki sitt fyrir samruna VBS Fjárfestingarbanka hf. og FSP hf. á grundvelli 106. gr. laga nr. 161/2002 um fjármálafyrirtæki.
Fjármálaeftirlitið veitti þann 26. janúar sl., samþykki fyrir samruna Sparisjóðs Ólafsvíkur við Sparisjóð Keflavíkur.
Nýverið barst Fjármálaeftirlitinu beiðni frá hluthafa í Vinnslustöðinni hf. um að það tæki tilboðsverð Eyjamanna ehf. í Vinnslustöðina hf. til skoðunar og kannaði hvort forsendur væru fyrir því að breyta tilboðsverðinu á grundvelli heimildar eftirlitsins í 8. mgr. 40. gr. laga um verðbréfaviðskipti, nr. 33/2003 (vvl.).
