Þessa dagana standa yfir fundir kröfuhafa gömlu bankanna með skilanefndum þeirra. Þar verður meðal annars kynntur ferillinn við endurskipulagningu bankakerfisins, uppskiptingu bankanna og verðmat eigna þeirra.

Fjármálaeftirlitið hefur ákveðið að heimila á ný viðskipti með fjármálagerninga Exista hf. og Straums-Burðaráss fjárfestingarbanka hf. á skipulegum verðbréfamarkaði, frá og með 9. desember nk.

CEIOPS (Committee of European Insurance and Occupational Pensions Supervisors) hefur birt á heimasíðu sinni skýrsluna "Issues Paper on Implementing Measures on the System of Governance". Skýrslan kynnir afstöðu CEIOPS er snýr að stjórnunarháttum vátryggingafélaga samkvæmt tilskipunardrögum um Solvency II (nýr gjaldþols- og eftirlitsstaðall fyrir vátryggingafélög).

Innheimtulög nr. 95/2008, taka gildi þann 1. janúar 2009. Með lögunum er Fjármálaeftirlitinu falið að fara með veitingu innheimtuleyfis. Til að mega stunda innheimtu fyrir aðra er sett fram það skilyrði að innheimtuaðila hafi áður verið veitt innheimtuleyfi. Það sama á við um aðila sem kaupir kröfur í þeim tilgangi að innheimta þær sjálfur í atvinnuskyni. Lögmenn, opinberir aðilar, viðskiptabankar, sparisjóðir, aðrar lánastofnanir og verðbréfafyrirtæki geta hins vegar stundað innheimtu án innheimtuleyfis.

Þann 18. nóvember sl. hélt Fjármálaeftirlitið kynningarfund fyrir regluverði útgefenda verðbréfa. Fundurinn var vel sóttur en um 50 regluverðir og staðgenglar þeirra mættu til fundarins.

Ástæða er til þess að minna á að lögin um opinbert eftirlit með fjármálastarfsemi voru sett 1998, þegar Davíð Oddsson var forsætisráðherra. Skipulag eftirlitsins var -og er - í samræmi við það sem talin er besta framkvæmd á þessu sviði í markaðshagkerfum Vesturlanda. Þegar lögin voru sett og Fjármálaeftirlitið (FME) stofnað var fylgt fordæmi nágrannaríkja eins og Noregs og Bretlands. Talið var nauðsynlegt að eftirlit með bönkum, sparisjóðum, tryggingafélögum, verðbréfafyrirtækjum og lífeyrissjóðum væri á einni hendi vegna þess að fjármálastarfsemin var ekki lengur í fastmótuðum skorðum eftir tegundum fyrirtækja heldur fór samskonar eða skyld starfsemi fram á vegum þessara fyrirtækja á víxl og mörg þeirra sinntu fjölþættri starfsemi.

Fjármálaeftirlitið birtir nú stofnefnahagsreikning fyrir Nýja Glitni banka hf., Nýja Kaupþing banka hf. og NBI hf. Um er að ræða bráðabirgðatölur sem háðar eru endurmati sem nú er hafið.

Að gefnu tilefni vill Fjármálaeftirlitið (FME) taka fram að þegar ákveðið var, á grundvelli laga nr. 125/2008, um sérstakar aðstæður á fjármálamarkaði, að þrír nýir bankar sem ríkissjóður hafði stofnað skyldu taka yfir hluta af eignum, réttindum og skyldum Landsbanka Íslands hf., Glitnis banka hf. og Kaupþings banka hf.

Vegna umræðu sem átt hefur sér stað um möguleg lögbrot í starfsemi fjármálafyrirtækja vill Fjármálaeftirlitið taka eftirfarandi fram varðandi rannsókn mála.

Þann 31. október 2008 fékk Fjármálaeftirlitið staðfestingu á því að Glitnir banki hf. hafi ekki verið fær um að inna af hendi greiðslu á andvirði tiltekinna heildsöluinnlána í Bretlandi þann 3. október 2008.

Þann 9. október 2008 var Kaupþing Edge vefsíða Kaupþings banka hf. orðin óvirk. Það er álit Fjármálaeftirlitsins að sama dag hafi Kaupþing banki hf. ekki verið fær um að inna af hendi greiðslu á andvirði innstæðna tiltekinna reikninga, þeirra viðskiptavina sem þess kröfðust.

Vegna fréttar í Morgunblaðinu í dag, 30. október 2008, tekur Fjármálaeftirlitið fram að það hefur að undanförnu verið í nánu samstarfi við vátryggingafélög í þeim tilgangi að afla upplýsinga um fjárhagsstöðu þeirra.

Þann 6. október sl. var Icesave vefsíða Landsbanka Íslands hf. orðin óvirk. Það er álit Fjármálaeftirlitsins að sama dag hafi Landsbanki Íslands hf. ekki verið fær um að inna af hendi greiðslu á andvirði innstæðna tiltekinna reikninga, þeirra viðskiptavina sem þess kröfðust.

Nýi bankinn tekur yfir innlendar eignir Kaupþings til þess að tryggja eðlilega bankastarfsemi og öryggi innstæðna á Íslandi. Alþjóðleg starfsemi Kaupþings er skilin frá. Öll útibú, þjónustuver, hraðbankar og netbanki Kaupþings verða opin.

Fjármálaeftirlitið hefur beint þeim tilmælum til rekstrarfélaga verðbréfasjóða að grípa til aðgerða sem leiða til þess að peningamarkaðssjóðum félaganna verði slitið.

Af gefnu tilefni vill Fjármálaeftirlitið koma því á framfæri að peningamarkaðssjóðir rekstrarfélaga verðbréfasjóða hafa ekki heimild til að fjárfesta í hlutabréfum, hvorki innlendum né erlendum.

Nýi bankinn tekur yfir innlendar eignir Glitnis til þess að tryggja eðlilega bankastarfsemi og öryggi innstæðna á Íslandi. Alþjóðleg starfsemi Glitnis er skilin frá. Öll útibú, þjónustuver, hraðbankar og netbanki Glitnis verða opin.

Nýi bankinn tekur yfir innlendar eignir Landsbankans til þess að tryggja eðlilega bankastarfsemi og öryggi innstæðna á Íslandi. Alþjóðleg starfsemi Landsbankans er skilin frá. Öll útibú, þjónustuver, hraðbankar og netbanki Landsbankans verða opin.

Bankainnlán á Íslandi eru að fullu tryggð, eins og ríkisstjórnin hefur lýst yfir Útibú bankans á Íslandi, þjónustuver, hraðbankar og netbankar eru opnir Aðgerðirnar eru gerðar til að tryggja eðlilega bankastarfsemi innanlands

Bankainnlán á Íslandi eru að fullu tryggð, eins og ríkisstjórnin hefur lýst yfir Útibú bankans á Íslandi, þjónustuver, hraðbankar og netbankar eru opnir Aðgerðirnar eru gerðar til að tryggja eðlilega bankastarfsemi innanlands

Vegna þeirra sérstöku aðstæðna sem nú ríkja á markaði og til þess að stuðla að og viðhalda fjármálastöðugleika hefur Fjármálaeftirlitið ákveðið að skilgreina skortsölu hlutabréfa tiltekinna útgefenda sem hegðun andstæða viðurkenndri markaðsframkvæmd. Aðili sem hegðar sér andstætt viðurkenndri markaðsframkvæmd kann að vera fundinn sekur um markaðsmisnotkun, skv. 117. gr. laga um verðbréfaviðskipti nr. 108/2007.

Bankainnlán á Íslandi eru að fullu tryggð, eins og ríkisstjórnin hefur lýst yfir. Útibú bankans á Íslandi, þjónustuver, hraðbankar og netbankar eru opnir. Aðgerðirnar eru gerðar til að tryggja eðlilega bankastarfsemi innanlands.

Fjármálaeftirlitið hefur ákveðið að stöðva tímabundið viðskipti með alla fjármálagerninga sem gefnir eru út af Glitni banka hf. Kaupþingi banka hf., Landsbanka Íslands hf., Straumi-Burðarási fjárfestingarbanka hf., Spron hf. og Exista hf., og teknir hafa verið til viðskipta á skipulegum verðbréfamarkaði.

Af gefnu tilefni vill Fjármálaeftirlitið koma því á framfæri að fjárfestingar Sjóðs 9 hjá Glitni sjóðum hf. hafa verið í samræmi við reglur sjóðsins og ákvæði laga nr. 30/2003 um verðbréfasjóði og fjárfestingarsjóði.

Þróun á fjármálaþjónustu á undanförnum árum hefur leitt til myndunar fjármálasamsteypa sem bjóða þjónustu á mismunandi sviðum fjármálamarkaðar og starfa oft þvert yfir landamæri.

Í kjölfar fréttatilkynningar og umfjöllunar um breytingar hjá útgefanda, m.a. um samkomulag milli hans og ríkisstjórnar Íslands um að ríkissjóður leggi bankanum til nýtt hlutafé, er það mat Fjármálaeftirlitsins að ekki sé lengur til staðar sama hætta á ójafnræði fjárfesta.

Gert hefur verið samkomulag milli ríkisstjórnar Íslands og eigenda Glitnis banka hf. að höfðu samráði við Seðlabanka Íslands og Fjármálaeftirlitið um að ríkissjóður leggi bankanum til nýtt hlutafé.

Fjármálaeftirlitið hefur ákveðið að stöðva tímabundið viðskipti með alla fjármálagerninga sem gefnir eru út af Glitni banka hf. sem teknir hafa verið til viðskipta á skipulegum verðbréfamarkaði.

Fjármálaeftirlitið hefur ákveðið að stöðva tímabundið viðskipti með alla fjármálagerninga sem gefnir eru út af Glitni banka hf. sem teknir hafa verið til viðskipta á skipulegum verðbréfamarkaði.

Fjármálaeftirlitið hefur gefið út leiðbeinandi tilmæli nr. 3/2008 um störf endurskoðunardeilda fjármálafyrirtækja. Tilmælin hafa það að markmiði að leiðbeina forstöðumönnum endurskoðunardeilda hjá fjármálafyrirtækjum um hvernig innri endurskoðun skuli sinnt eins og best verður á kosið. Innri endurskoðun er hluti af skipulagi fjármálafyrirtækja og er mikilvægur þáttur í eftirlitskerfi þeirra.

Fjármálaeftirlitið hefur í dag samþykkt umsókn Byrs sparisjóðs um breytingu sparisjóðsins í hlutafélag á grundvelli 73. gr. laga nr. 161/2002, um fjármálafyrirtæki.

Fjármálaeftirlitið (FME) og Tryggingareftirlitið í Færeyjum hafa undirritað samstarfssamning (Memorandum of Understanding) í tengslum við Hoyvíkur samkomulagið milli Íslands og Færeyja er undirritað var 1. ágúst 2005, sbr. lög um breytingu á ýmsum lögum vegna samnings milli ríkisstjórnar Íslands annars vegar og ríkisstjórnar Danmerkur og heimastjórnar Færeyja hins vegar nr. 108/2006.

Vegna frétta af gjaldþroti bandaríska fjárfestingarbankans Lehman Brothers og mögulegra áhrifa á fjármálakerfi víða um heim, þ.m.t. á Íslandi vill Fjármálaeftirlitið upplýsa um eftirfarandi:

Fjármálaeftirlitið hefur tekið saman skýrslu með ársreikningum ársins 2007 og ýmsum samandregnum upplýsingum úr ársreikningum fyrir viðskiptabanka, sparisjóði, lánafyrirtæki (einu nafni lánastofnanir), verðbréfafyrirtæki og verðbréfamiðlanir og rekstrarfélög verðbréfasjóða ásamt verðbréfasjóðum og fjárfestingarsjóðum.

Fjármálaeftirlitið vill taka eftirfarandi fram vegna fjölda fyrirspurna sem því hefur borist er varðandi fyrirtækið Finanzas Forex:

Samstarfsnefnd evrópskra eftirlitsaðila á verðbréfamarkaði (CESR) gaf þann 7. mars sl. út upplýsingarit á ensku fyrir neytendur þar sem fjallað er um áhrif nýrrar evrópskrar lagasetningar á fjármálamarkaðinn en MiFID tilskipunin (e. Markets in Financial Instruments Directive) tók gildi 1. nóvember sl. Í innleiðingarreglugerðinni, nr. 994/2007, eru tilgreindar skyldur fjármálafyrirtækja varðandi skýrsluhald, tilkynningar um viðskipti, gagnsæi á markaði og töku fjármálagerninga til viðskipta auk þess sem hugtök er varða MiFID tilskipunina eru skilgreind.

Á heimasíðu Fjármálaeftirlitsins er að finna skýrslu um ársreikninga lífeyrissjóða fyrir árið 2007. Þar er jafnframt að finna excel skjal sem inniheldur talnaefni skýrslunnar. Helstu niðurstöður skýrslunnar eru eftirfarandi: Hrein raunávöxtun lífeyrissjóðanna, þ.e. ávöxtun umfram verðbólgu, lækkaði töluvert á milli ára og var um 0,5% á árinu 2007 samanborið við um 10% árið 2006. Meðaltal hreinnar raunávöxtunar sl. 5 ár var 9,1% og meðaltal sl. 10 ára var 5,9%.

Fjármálaeftirlitið birtir til umsagnar umræðuskjal nr. 2/2008. Umræðuskjalið er um drög að reglum sem ætlað er að breyta reglum nr. 215/2007 um eiginfjárkröfur og áhættugrunn.

Fjórir stærstu viðskiptabankarnir standast allir álagspróf Fjármálaeftirlitsins sem eftirlitið framkvæmir með reglubundnum hætti. Álagsprófið gerir ráð fyrir að fjármálafyrirtæki standist samtímis áföll í formi tiltekinnar lækkunar á hlutabréfum, markaðsskuldabréfum, vaxtafrystum/virðisrýrðum útlánum og fullnustueignum og áhrifa af lækkun á gengi íslensku krónunnar án þess að eiginfjárhlutfallið fari niður fyrir lögboðið lágmark.

Fjármálaeftirlitið hefur tekið saman tölur um vanskil útlána hjá innlánsstofnunum miðað við lok júní 2008 og samanburð við næstu ársfjórðunga á undan.

Fjármálaeftirlitið hefur tekið saman tölur um vanskil útlána hjá innlánsstofnunum miðað við lok júní 2008 og samanburð við næstu ársfjórðunga á undan. Talnaefnið nær til vanskila sem staðið hafa lengur en einn mánuð. Um er að ræða brúttó vanskil, þ.e. ekki hafa verið dregnar frá fjárhæðir sem lagðar hafa verið til hliðar sem sérstakar afskriftir. Sýnd er þróun vanskila frá árslokum 2000. Vanskilaupplýsingarnar sýna tölur fyrir innlánsstofnanir án dótturfélaga þeirra.

Ný og endurbætt útgáfa af skýrsluskilakerfinu hefur nú verið sett upp á vefinn. Í nýju útgáfunni hefur m.a. verið tekið tillit til ábendinga og athugasemda við það sem betur má fara frá eftirlitsskyldum aðilum.

Þann 9. og 12. júní sl. hélt Fjármálaeftirlitið sérhæfða fundi vegna QIS4. Fyrri fundurinn var ætlaður skaðatryggingafélögum og á honum var fjallað um útreikning vátryggingaskulda. Síðari fundurinn var ætlaður líftryggingafélögum og á honum var fjallað um útreikning líftryggingaskuldar.

Fjármálaeftirlitið hefur gefið út reglur um einkaumboðsmenn, nr. 572/2008. Reglurnar eru settar á grundvelli 20. gr. laga nr. 108/2007, um verðbréfaviðskipti og tóku gildi 30. maí 2008.

Hagnaður innlendu skaðatryggingafélaganna eftir skatt var rúmlega 13,5 milljarðar kr. árið 2007 samanborið við rúmlega 19,5 milljarða kr. árið 2006.

CEIOPS (Committee of European Insurance and Occupational Pensions Supervisors) hefur birt á heimasíðu sinni skýrsluna, "Issues Paper on Own Risk and Solvency Assessment". Skýrslan kynnir afstöðu CEIOPS til ORSA (eigin áhættu og gjaldþolsmat) samkvæmt tilskipunardrögum um Solvency II (nýr gjaldþols- og eftirlitsstaðall fyrir vátryggingafélög).

Fjármálaeftirlitinu barst umsókn frá FL Group hf. um heimild til að fara með yfir 50% eignarhlut í Tryggingamiðstöðinni hf. Með bréfi dags. 11. júní 2008 samþykkti Fjármálaeftirlitið umsóknina.

Fjármálaeftirlitið hefur veitt Aga Verðbréfum hf., kt. 660907-0250, Hlíðasmára 9, Kópavogi, starfsleyfi sem verðbréfamiðlun, samkvæmt 6. tl. 1. mgr. 4. gr. laga nr. 161/2002, um fjármálafyrirtæki.

Fjórða könnunin (QIS4) vegna áhrifa væntanlegs Solvency II staðals á vátryggingamarkaði er hafin. Könnunin er að þessu sinni á ábyrgð Framkvæmdastjórnar ESB og er ætlað að kanna hvernig útfæra megi nánar ýmis atriði er varða fjárhagslegar kröfur til vátryggingafélaga og samstæðna í drögum að tilskipun vegna Solvency II.

Búast má við truflunum á vef Fjármálaeftirlitsins vegna uppfærslu á vef frá kl. 20:00 í kvöld (6. júní) og eitthvað fram eftir kvöldi.

Fjármálaeftirlitið annast eftirlit með lögum um sértryggð skuldabréf. Eftirlitið felst m.a. í því að útgefandi fylgi ákvæðum laganna og annarra reglna sem um starfsemi hans gilda. Um eftirlit samkvæmt lögunum fer að öðru leyti eftir ákvæðum laga um opinbert eftirlit með fjármálastarfsemi.

Fjármálaeftirlitinu barst umsókn frá Sparisjóði Mýrasýslu um heimild til að fara með allt að 20% eignarhlut í Icebank hf. Fjármálaeftirlitið hefur hafnað umsókninni.

Fjármálaeftirlitið hefur gefið út leiðbeinandi tilmæli um bestu framkvæmd við lausafjárstýringu fjármálafyrirtækja. Tilmælin gilda eftir því sem við á bæði fyrir móðurfélög og samstæður fjármálafyrirtækja.

Þann 27. maí sl. hélt Fjármálaeftirlitið námskeið þar sem farið var yfir helstu þætti í tengslum við útfyllingu skýrslu um sundurliðun fjárfestinga lífeyrissjóða. Námskeiðið var haldið á Grand hótel í Reykjavík og sóttu hátt í 40 manns á námskeiðið. Þátttakendur voru m.a. úr hópi forsvarsmanna lífeyrissjóða auk annarra sem koma m.a. að endurskoðun og uppgjöri lífeyrissjóða.

Fjármálaeftirlitið og lagadeild Háskólans í Reykjavík skrifuðu þann 28. maí sl. undir starfsnámssamning fyrir nemendur lagadeildar.

Fjármálaeftirlitið hefur tekið saman tölur um vanskil útlána hjá innlánsstofnunum miðað við lok mars 2008 og samanburð við næstu ársfjórðunga á undan. Talnaefnið nær til vanskila sem staðið hafa lengur en 1 mánuð. Um er að ræða brúttó vanskil, þ.e. ekki hafa verið dregnar frá fjárhæðir sem lagðar hafa verið til hliðar sem sérstakar afskriftir. Sýnd er þróun vanskila frá árslokum 2000. Vanskilaupplýsingarnar sýna tölur fyrir innlánsstofnanir án dótturfélaga þeirra.

Þann 5. maí sl. veitti Fjármálaeftirlitið Tryggingamiðstöðinni hf. heimild til þess að kaupa Íslenska endurtryggingu hf. Framgreind heimild er veitt með vísan til 39. gr. laga nr. 60/1994, um vátryggingastarfsemi. Fyrir kaupin átti Tryggingamiðstöðin hf. 36.02% af heildarhlutafé Íslenskrar endurtryggingar hf. en á nú félagið í heild.

Fjármálaeftirlitið stendur fyrir námskeiði fyrir lífeyrissjóði þar sem farið verður yfir útfyllingu skýrslu um sundurliðun fjárfestinga lífeyrissjóða.

Þann 2. maí sl. komu fulltrúar vátryggingaeftirlitsins í Kína (China Insurance Regulatory Commission - CIRC) ásamt fulltrúum frá kínverska sendiráðinu á Íslandi í heimsókn til Fjármálaeftirlitsins. Tilgangur fundarins var að kynna fyrir fulltrúum kínverska eftirlitsins fyrirkomulag vátryggingar varðandi náttúruhamfarir og sjótryggingar á Íslandi.

Fjármálaeftirlitið hefur veitt Auði Capital hf., kt. 650457-0390, Laugavegi 182, Reykjavík, starfsleyfi sem verðbréfafyrirtæki, samkvæmt 5. tl. 1. mgr. 4. gr. laga nr. 161/2002, um fjármálafyrirtæki.

Fjármálaeftirlitið hefur veitt Auði Capital hf., kt. 650457-0390, Laugavegi 182, Reykjavík, starfsleyfi sem verðbréfafyrirtæki, samkvæmt 5. tl. 1. mgr. 4. gr. laga nr. 161/2002, um fjármálafyrirtæki.

Fjármálaeftirlitið hefur tekið saman tölur um vanskil útlána hjá innlánsstofnunum miðað við árslok 2007 og samanburð við næstu ársfjórðunga á undan. Talnaefnið nær til vanskila sem staðið hafa lengur en 1 mánuð. Um er að ræða brúttó vanskil, þ.e. ekki hafa verið dregnar frá fjárhæðir sem lagðar hafa verið til hliðar sem sérstakar afskriftir. Sýnd er þróun vanskila frá árslokum 2000. Vanskila-upplýsingarnar sýna tölur fyrir innlánsstofnanir án dótturfélaga þeirra.

Fjármálaeftirlitið hefur á undanförnum dögum staðið fyrir fræðslufundum um markaðsmisnotkun fyrir starfsfólk stærstu fjármálafyrirtækjanna. Í ljósi þeirra miklu hreyfinga sem verið hafa á fjármálamörkuðum undanfarnar vikur sem og umfjöllunar þeim tengdum, jafnt í innlendum sem erlendum fjölmiðlum, taldi Fjármálaeftirlitið tilefni til að standa fyrir slíkri fræðslu.

Á árinu 2007 skiluðu þau fjármálafyrirtæki, sem eftir því sóttust, inn eiginfjárskýrslum skv. Basel II (COREP) en öllum fjármálafyrirtækjum er skylt að skila inn skýrslunum á þessu ári. Af þessu tilefni efndi Fjármálaeftirlitið (FME) til kynninga á eiginfjárskýrslum skv. Basel II (COREP) 7. og 19. febrúar og námskeiðs þann 12. mars sl.

Þann 28. febrúar sl. hélt Fjármálaeftirlitið (FME) þriðja kynningarfund af fjórum um drögin að Solvency II tilskipuninni og helstu áherslur FME sem tengja má við fyrirhugaða löggjöf. Tólf fulltrúar vátryggingafélaga, móðurfélaga þeirra, fjármálafyrirtækja og endurskoðunarfyrirtækja sóttu fundinn.

Fjármálaeftirlitið hefur samþykkt samruna Sparisjóðs Norðlendinga við BYR sparisjóð á grundvelli 106. gr. laga nr. 161/2002, um fjármálafyrirtæki. BYR sparisjóður tekur við öllum réttindum og skyldum Sparisjóðs Norðlendinga og verða sparisjóðirnir sameinaðir undir nafni BYR sparisjóðs.

Fjármálaeftirlitið hefur í samræmi við ákvæði 22. gr. reglugerðar nr. 994/2007, um ákvörðun seljanlegra hlutabréfa, reiknað út flotleiðrétt markaðsvirði (flot) fyrirtækja sem tekin eru til viðskipta á skipulögðum verðbréfamarkaði. Útreikningarnir gilda fyrir tímabilið 1. apríl 2008 til 31. mars 2009.

Fjármálaeftirlitið hefur samþykkt samruna Sparisjóðs Skagafjarðar við Sparisjóð Siglufjarðar á grundvelli 106. gr. laga nr. 161/2002, um fjármálafyrirtæki.

Fjármálaeftirlitið stendur að námskeiði um eiginfjárskýrslu skv. Basel II í tilefni þess að fjármálafyrirtækjum ber að hefja skil á skýrslunni á árinu 2008. Námskeiðið verður haldið á Grand hótel Reykjavík, miðvikudaginn 12. mars nk. kl. 13:00 og mun standa yfir í um 3 klukkustundir.

Fjármálaeftirlitið veitti þann 22. febrúar 2008, samþykki fyrir samruna Sparisjóðs Húnaþings og Stranda og Sparisjóðs Vestfirðinga við Sparisjóð Keflavíkur á grundvelli 106. gr. laga nr. 161/2002, um fjármálafyrirtæki.

Fjármálaeftirlitið veitti Kreditkorti hf., kt. 660107-1180, Ármúla 28, Reykjavík, þann 22. febrúar 2008, starfsleyfi sem lánafyrirtæki, samkvæmt 3. tl. 1. mgr. 4. gr. laga nr. 161/2002, um fjármálafyrirtæki.

Fjármálaeftirlitið efnir til námskeiðs um eiginfjárskýrslu skv. Basel II í tilefni þess að fjármálafyrirtækjum ber að hefja skil á skýrslunni á árinu 2008. Námskeiðið verður haldið á Grand hótel Reykjavík, miðvikudaginn 12. mars nk. kl. 13:00 og mun standa yfir í um 3 klukkustundir. Tilgangur þess er að dýpka skilning eftirlitsskylda aðila á skýrslunni, bæði með umfjöllun um skýrsluna og dæmayfirferð.

Þann 14. febrúar sl. hélt Fjármálaeftirlitið (FME) annan kynningarfund af fjórum um drögin að Solvency II tilskipuninni og helstu áherslur FME sem tengja má við fyrirhugaða löggjöf. Um 15 fulltrúar vátryggingafélaga, móðurfélaga þeirra, fjármálafyrirtækja og endurskoðunarfyrirtækja sóttu fundinn.

Fjármálaeftirlitið hefur ákveðið að efna til annars kynningarfundar á eiginfjárskýrslu skv. Basel II (COREP), þar sem færri komust að en vildu á kynningu sem haldin var þann 7. febrúar sl.

Þann 5. febrúar sl. hélt Fjármálaeftirlitið (FME) fyrsta kynningarfund af fjórum um drögin að Solvency II tilskipuninni og helstu áherslur FME sem tengja má við fyrirhugaða löggjöf. Um 20 fulltrúar vátryggingafélaga, móðurfélaga þeirra, fjármálafyrirtækja og endurskoðunarfyrirtækja sóttu fundinn.

Samkvæmt lögum um verðbréfaviðskipti, sem gildi tóku hinn 1. nóvember 2007, ber Fjármálaeftirlitið ábyrgð á varðveislu upplýsinga sem birtar eru opinberlega í samræmi við ákvæði VII., VIII. og IX kafla laganna.

Fjármálaeftirlitið veitti Friðbert Elí Friðbertssyni starfsleyfi þann 28. janúar 2008, sem vátryggingamiðlari skv. 1. tl. 2. mgr. 1. gr. laga um miðlun vátrygginga nr. 32/2005.

Fjármálaeftirlitið (FME) mun á næstu vikum halda fjóra kynningarfundi sem tengjast drögum Framkvæmdastjórnar ESB að nýrri tilskipun vegna vátryggingastarfsemi, svonefndri Solvency II tilskipun. Hver fundur mun hafa ákveðið þema og fjalla um tiltekna þætti er tengjast Solvency II tilskipuninni. Þetta er í samræmi við það markmið að halda vátryggingafélögum vel upplýstum þegar kemur að breyttu starfsumhverfi í kjölfar verulegra breytinga á regluverki.

Þann 22. janúar sl. hélt Fjármálaeftirlitið kynningarfund fyrir regluverði útgefenda. Fundurinn var vel sóttur en um 40 regluverðir og staðgenglar þeirra mættu til fundarins.

Fjármálaeftirlitið efnir til kynningarfundar á eiginfjárskýrslu skv. Basel II (COREP) fimmtudaginn 7. febrúar nk. kl. 10.30 í Fræðslumiðstöð sparisjóðanna, Rauðarárstíg 27. Starfsmönnum fjármálafyrirtækja gefst jafnframt kostur á að fylgjast með kynningunni á fjarfundi hjá Sparisjóði Norðlendinga, Skipagötu 9 á Akureyri.

Jónas Fr. Jónsson, forstjóri FME, fjallaði um stöðu íslenskra fjármálafyrirtækja á fundi hjá félagi um fjárfestatengsl í morgun (15. janúar). Í erindi sínu ræddi Jónas um afkomu og helstu áhættuþætti í starfsemi fjármálafyrirtækja en vegna óróa á alþjóðlegum mörkuðum vegna lausafjárerfiðleika hefur gengi þeirra hefur lækkað einna mest af skráðum félögum á undanförnum mánuðum.

OMX, leiðandi fyrirtæki í kauphallarstarfsemi, hefur gert samning við Fjármálaeftirlitið um afnot af hugbúnaði og þjónustu fyrir miðlægt geymslukerfi birtingaskyldra upplýsinga á Íslandi. OMX Nordic Exchange á Íslandi mun sjá um þjónustu fyrir miðlæga geymslukerfið með hliðsjón af tilskipun ESB um gagnsæi. Allar birtingaskyldar upplýsingar útgefenda verðbréfa munu, í samræmi við lög um verðbréfaviðskipti, verða vistaðar í miðlæga geymslukerfinu, sem tekið verður í notkun 1. febrúar 2008.

Þann 14. desember sl. samþykkti Alþingi frumvarp um breytingu á lögum um vátryggingarsamninga, nr. 30/2004. Með breytingunum voru m.a. settar fyllri reglur um upplýsingaskyldu við töku persónutrygginga. Alþingi samþykkti breytingu á 82. gr. áðurgreindra laga. Meðal nýmæla er að vátryggingartaki, eða eftir atvikum vátryggður, skal staðfesta að þær upplýsingar sem hann veitir um sjúkdóma forleldra eða systkina sinna séu veittar með þeirra samþykki, enda sé með sanngirni hægt að ætlast til að hann hafi getað aflað slíks samþykkis. Umrædd lagabreyting hefur það í för með sér að vátryggingafélög verða að endurskoða verklag sitt við töku persónutrygginga.

Fjármálaeftirlitið á Guernsey (The Guernsey Financial Services Commission) heimsótti Fjármálaeftirlitið dagana 7. og 8. janúar.