Ákvarðanir og gagnsæi: 2015 (Síða 2)

Fjármálaeftirlitið hefur framkvæmt athugun á nýjum lánveitingum MP banka til fyrirtækja. Athugunin fór fram á öðrum ársfjórðungi 2014. Markmið athugunarinnar var að kanna útlánaferli MP banka, með tilliti til fylgni við útlánareglur og stefnu bankans um verðlagningu og tryggingatöku.

Fjármálaeftirlitið hefur framkvæmt athugun á nýjum lánveitingum Íslandsbanka til lögaðila. Athugunin fór fram á öðrum ársfjórðungi 2014. Markmið athugunarinnar var að kanna útlánaferli Íslandsbanka, með tilliti til fylgni við útlánareglur og stefnu bankans um verðlagningu og tryggingatöku.

Fjármálaeftirlitið hefur framkvæmt athugun á nýjum lánveitingum Landbankans til lögaðila. Athugunin fór fram á öðrum ársfjórðungi 2014. Markmið athugunarinnar var að kanna útlánaferli Landsbankans, með tilliti til fylgni við útlánareglur og stefnu bankans um verðlagningu og tryggingatöku.

Hinn 12. febrúar 2015 gerðu Fjármálaeftirlitið og X, hér eftir nefndur málsaðili, með sér samkomulag um að ljúka með sátt máli vegna brots á 3. gr. innheimtulaga nr. 95/2008.

Hinn 16. febrúar 2015 gerðu Fjármálaeftirlitið og FAST-1 slhf. með sér samkomulag um að ljúka með sátt máli vegna brota félagsins á 122., 128., sbr. 129., og 130. gr. laga nr. 108/2007 um verðbréfaviðskipti.

Á fjórða ársfjórðungi 2014 framkvæmdi Fjármálaeftirlitið athuganir á áhættustýringu tiltekinna lífeyrissjóða. Beindust athuganirnar að því að kanna hvernig áhættustýringu þeirra væri háttað og hvort hún samræmdist leiðbeinandi tilmælum nr. 1/2013 um áhættustýringu (eftirlitskerfi) samtryggingadeilda lífeyrissjóða. Tilmælin eru sett til leiðbeininga og nánari skýringa fyrir samtryggingadeildir lífeyrissjóða varðandi þær lágmarkskröfur sem lög og reglur kveða á um í tengslum við áhættustýringu samtryggingadeilda lífeyrissjóða án þess að um tæmandi skýringar séu að ræða.

Í september 2014 hóf Fjármálaeftirlitið athugun á stórum áhættuskuldbindingum MP banka hf. Markmið athugunarinnar var að kanna hvort bankinn uppfyllti þær kröfur sem gerðar eru til mildunar áhættuskuldbindinga og voru skoðaðir frádráttarliðir tiltekinna áhættuskuldbindinga í skýrslu MP banka hf. um stórar áhættuskuldbindingar. Þá skoðaði Fjármálaeftirlitið hvort innri reglur og verkferlar MP banka hf. væru í samræmi við  þær kröfur sem lög og reglur gera er varða stórar áhættuskuldbindingar.

Á fjórða ársfjórðungi 2013 hóf Fjármálaeftirlitið athugun á útlánasafni Íbúðalánasjóðs miðað við stöðu þess þann 30. júní 2013. Athugunin beindist meðal annars að því að kanna hvort gögn vegna lánasafnsskýrslu sem Íbúðalánasjóður skilar mánaðarlega til Fjármálaeftirlitsins væru í samræmi við kröfur eftirlitsins og einnig að virðismati bæði lána til einstaklinga og lögaðila í vanefndum. Niðurstöður Fjármálaeftirlitsins lágu fyrir í desember 2014. Hér er fjallað um helstu athugasemdir og ábendingar varðandi lánasafnsskýrsluna, virðismat útlána og fjárhagslega endurskipulagningu útlána lögaðila.