Yfirlit yfir starfsleyfi fjármálafyrirtækja
Starfsemi íslenskra fjármálafyrirtækja er afar fjölbreytt og margbrotin. Þetta kemur skýrt fram í nýju yfirliti Fjármálaeftirlitsins yfir starfsheimildir fjármálafyrirtækja á Íslandi. Yfirlitið sýnir hvaða starfsleyfi einstök fjármálafyrirtæki á Íslandi hafa, en kveðið er á um starfsheimildir þeirra í lögum nr. 161/2002 um þá starfsemi. Í IV. kafla laganna er tilgreind starfsemi sem einstakar tegundir fjármálafyrirtækja geta fengið heimild til þess að stunda. Ekki er sjálfgefið að fyrirtækin hafi allar þær heimildir sem þar er kveðið á um, heldur nær starfsleyfi þeirra eingöngu til þeirrar starfsemi sem þau stunda í raun og tilgreind er á framangreindu yfirliti. Ef fjármálafyrirtæki hyggst hefja aðra starfsemi en þá sem tilgreind er í yfirlitinu, ber því að sækja um aukið starfsleyfi til FME að því leyti.
,,Með því að birta þetta yfirlit viljum við auka gegnsæi og upplýsingagjöf um starfsemi fjármálafyrirtækja á Íslandi, fyrirtækin eru mörg og bjóða mismunandi þjónustu. Með þessu geta einstaklingar og fyrirtæki, innlend sem útlend, á einfaldan hátt kynnt sér hvaða starfsleyfi einstaka fjármálafyrirtæki hafa eða hafa ekki”, segir Guðbjörg Bjarnadóttir, sviðstjóri FME.
Yfirlit yfir starfsleyfi verðbréfafyrirtækja, verðbréfamiðlana og rekstrarfélaga.
(Leiðrétt vegna H.F. Verðbréfa hf.)