Fundaröð vegna innleiðingar Solvency II tilskipunarinnar
Fjármálaeftirlitið hefur ákveðið að bjóða til fundaraðar vegna innleiðingar Solvency II tilskipunarinnar á vátryggingamarkaði. Fundirnir eru einkum ætlaðir fulltrúum vátryggingafélaganna,ytri og innri endurskoðendum þeirra, sem og öðrum sem áhuga kunna að hafa.
Fyrsti fundurinn verður haldinn þriðjudaginn 15. desember næstkomandi klukkan 9:00 í húsakynnum Fjármálaeftirlitsins að Katrínartúni 2, þriðju hæð. Fundardagskrá er eftirfarandi:
- Staða frumvarps um innleiðingu Solvency II tilskipunarinnar
- Innleiðing Solvency II – reglugerðir, reglur og tilmæli
- Upphafsgagnaskil
- Reglubundin gagnaskil
- Gagnaskil – tímalína
- Öflun upplýsinga frá EIOPA
- Efni næstu funda
Gert er ráð fyrir að fundi ljúki kl. 10:30. Skráning fer fram á fme@fme.is og er skráningarfrestur til og með 11. desember nk.