EIOPA óskar eftir aðstoð vegna MatLab forritunar áhættulausra vaxta
Evrópska vátrygginga- og lífeyriseftirlitsstofnunin (EIOPA) hefur óskað eftir aðstoð við „beta“ útgáfu forritunar á áhættulausum vöxtum sem notaðir verða við núvirðingu vátryggingaskuldar eftir gildistöku Solvency II tilskipunarinnar (2009/138/EB). Á þessu ári hafa vátryggingafélög verið að reikna út núvirta vátryggingaskuld vegna undirbúnings fyrir Solvency II.
Óskað er eftir athugasemdum frá hagsmunaaðilum vegna forritunarinnar og þá sér í lagi frá aðilum með þekkingu á MatLab fyrir 31. ágúst nk. Að loknu þessu ferli mun EIOPA endurskoða kóðann og birta hann að nýju ásamt aðferðafræðinni fyrir 1. janúar 2016, eða fyrir gildistöku Solvency II.