Allt


Allt (Síða 2)

Fyrirsagnalisti

19.9.2019 : NOVIS ákveður að hætta sölu Wealth Insuring á Íslandi

Slóvakíska vátryggingafélagið NOVIS hefur selt líftryggingaafurðina Wealth Insuring á Íslandi frá því snemma árs 2018 til nokkurs fjölda íslenskra vátryggingataka. Í ljósi framangreinds telur Fjármálaeftirlitið ástæðu til þess að vekja athygli á fréttatilkynningu á heimasíðu félagsins en þar kemur fram að NOVIS hefur tekið ákvörðun um að hætta sölu Wealth Insuring á Íslandi. 

19.9.2019 : Uppfærsla á vef Fjármálaeftirlitsins

Vefur Fjármálaeftirlitsins hefur verið uppfærður. Uppfærslan var gerð í samræmi við þarfagreiningu sem unnin var með viðskiptavinum, stjórnendum og starfsmönnum og felur í sér nýja nálgun. Nú verður hægt að velja einn af sex flokkum markaða á forsíðu og færast þá inn á lendingarsíðu hans. Þaðan eiga þeir sem starfa á viðeigandi markaði auðvelt með að nálgast efni sem gagnast þeim. Einnig hafa verið gerðar skipulagsbreytingar á flokknum „Eftirlitsstarfsemi“ sem gera hann markvissari og einfaldari og er heiti flokksins nú „Eftirlit“.

9.9.2019 : Samkomulag um sátt vegna brots Brims hf. á 1. mgr. 122. gr. laga nr. 108/2007 um verðbréfaviðskipti

Hinn 10. júlí 2019 gerðu Fjármálaeftirlitið og Brim hf. (áður HB Grandi hf.), hér eftir nefndur málsaðili, með sér samkomulag um að ljúka með sátt máli vegna brots á 1. mgr. 122. gr. laga nr. 108/2007 um verðbréfaviðskipti.

5.9.2019 : Gagnatöflur vátryggingafélaga - annar ársfjórðungur 2019

Fjármálaeftirlitið hefur birt gagnatöflur íslenskra vátryggingafélaga á samandregnu formi fyrir annan ársfjórðung 2019. Gagnatöflurnar byggja á ársfjórðungslegum gagnaskilum vátryggingafélaga á móðurfélagsgrunni. Hér er einnig samantekt um þróun helstu stærða úr rekstri skaðatryggingafélaga og líftryggingafélaga á öðrum ársfjórðungi þessa árs.

29.8.2019 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Equitable Life Assurance Society til Utmost Life and Pensions Limited. Fyrirhuguð yfirfærsla er í samræmi við tilkynningu dags. 29. júlí 2019 frá breska fjármálaeftirlitinu Prudential Regulation Authority.

28.8.2019 : Nýtt tölublað Fjármála komið út

Nýtt tölublað Fjármála, vefrits Fjármálaeftirlitsins er komið út. Unnur Gunnarsdóttir, forstjóri Fjármálaeftirlitsins, skrifar greinina: Nýr kafli í sögu Fjármálaeftirlitsins hefst senn. Staða íslensku viðskiptabankanna og helstu áskoranir framundan eru til umfjöllunar í grein Finns Sveinbjörnssonar, framkvæmdastjóri bankasviðs, Elmars Ásbjörnssonar, forstöðumanns áhættugreiningar á bankasviði og Skúla Magnússonar, sérfræðings í fjárhagslegu eftirliti. Þá fjallar Bryndís Ásbjarnardóttir, forstöðumaður þjóðhagsvarúðar, um húsnæðismarkaðinn og fjármálastöðugleika og Jón Ævar Pálmason, sérfræðingur í áhættugreiningu, skrifar um meðferð skuldabréfa í ársreikningum lífeyrissjóða.

26.8.2019 : Tilkynning um fyrirhugaða yfirfærslu endurtryggingastofns frá Tryggingu hf. til Íslenskrar endurtryggingar hf.

Með vísan til 3. mgr. 34. gr. laga nr. 100/2016 um vátryggingastarfsemi tilkynnist hér með um fyrirhugaða yfirfærslu endurtryggingastofns frá Tryggingu hf. til Íslenskrar endurtryggingar hf.

22.8.2019 : Fjármálaeftirlitið gefur út leiðbeinandi tilmæli um hugtakanotkun og skýringar í ársreikningum vátryggingafélaga

Fjármálaeftirlitið hefur gefið út leiðbeinandi tilmæli nr. 2/2019 um hugtakanotkun og skýringar í ársreikningum vátryggingafélaga.

14.8.2019 : Fjármálaeftirlitið samþykkir yfirfærslu tiltekins rekstrarhluta Rekstrarfélags Virðingar hf. til GAMMA Capital Management hf.

Þann 13. ágúst 2019 samþykkti Fjármálaeftirlitið yfirfærslu tiltekins rekstrarhluta Rekstrarfélags Virðingar hf, til GAMMA Capital Management hf., sbr. 1. mgr. 106. gr. laga nr. 161/2002, um fjármálafyrirtæki. Um er að ræða rekstur fagfjárfestasjóðanna Fasteignaauðs II, Fasteignaauðs III, Fasteignaauðs IV, Fasteignaauðs V og Fasteignaauðs VI. Yfirfærslan mun eiga sér stað þann 1. september nk.

14.8.2019 : Niðurstaða um brot Landsbréfa hf. á 125. og 1. mgr. 126. gr. laga nr. 108/2007 um verðbréfaviðskipti

Hinn 28. júní 2019 komst Fjármálaeftirlitið að þeirri niðurstöðu að Landsbréf hf. hefðu brotið gegn 125. og 1. mgr. 126. gr. laga nr. 108/2007 um verðbréfaviðskipti (vvl.) með því að gæta ekki að rannsóknar- og tilkynningarskyldu sinni við viðskipti milli sjóða innan Landsbréfa hf. 

14.8.2019 : Niðurstaða um brot Reykjavíkurborgar á 126. gr. laga nr. 108/2007 um verðbréfaviðskipti

Hinn 28. júní 2019 komst Fjármálaeftirlitið að þeirri niðurstöðu að Reykjavíkurborg hefði brotið gegn 3. ml. 1. mgr. 126. gr. laga nr. 108/2007 um verðbréfaviðskipti (vvl.) þar sem Reykja­víkur­borg tilkynnti Fjármálaeftirlitinu ekki samdægurs um að hafa lánað viðskiptavaka skuldabréf útgefin af borginni (svokölluð verðbréfalán). Um var að ræða nokkurn fjölda tilvika frá árinu 2009 og til 28. febrúar 2019. 

30.7.2019 : Fjármálaeftirlitið samþykkir yfirfærslu tiltekins rekstrarhluta GAMMA Capital Management hf. til Júpíters rekstrarfélags

Þann 24. júlí 2019 samþykkti Fjármálaeftirlitið yfirfærslu tiltekins rekstrarhluta GAMMA Capital Management hf, til Júpíters rekstrarfélags, sbr. 1. mgr. 106. gr. laga nr. 161/2002, um fjármálafyrirtæki.

23.7.2019 : Fjármálaeftirlitið hefur metið Atrium ehf. og Gísla Val Guðjónsson hæf til að fara með virkan eignarhlut í Rekstrarfélagi Virðingar hf.

Fjármálaeftirlitið hefur komist að þeirri niðurstöðu að Atrium ehf., og Gísli Valur Guðjónsson, séu hæf til að fara með virkan eignarhlut í Rekstrarfélagi Virðingar hf. 

15.7.2019 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Legal and General Assurance Society Limited til ReAssure Limited. Fyrirhuguð yfirfærsla er í samræmi við tilkynningu dags. 11. júlí 2019 frá breska fjármálaeftirlitinu Prudential Regulation Authority.

12.7.2019 : Samkomulag um sátt vegna brota Eaton Vance Management á 1. mgr. 86. gr. laga nr. 108/2007 um verðbréfaviðskipti

Hinn 25. mars 2019 gerðu Fjármálaeftirlitið og Eaton Vance Management með sér samkomulag um að ljúka með sátt máli vegna brota á 1. mgr. 86. gr. laga nr. 108/2007 um verðbréfaviðskipti.

8.7.2019 : Fjármálaeftirlitið hefur metið Monerium ehf. hæft til að fara með virkan eignarhlut í Monerium EMI ehf.

Fjármálaeftirlitið hefur komist að þeirri niðurstöðu að Monerium ehf., sé hæft til að fara með virkan eignarhlut í Monerium EMI ehf. sem fari yfir 50%, sbr. 3. mgr. 14. gr. laga nr. 17/2013 um útgáfu og meðferð rafeyris, sbr. VI. kafla laga nr. 161/2002 um fjármálafyrirtæki.

5.7.2019 : Uppfærsla gagnalíkans skuldbindingaskrár – útgáfa 2.0 og kynningarfundur

Fjármálaeftirlitið hefur birt uppfært gagnalíkan skuldbindingaskrár – útgáfu 2.0, sem tekur gildi 1. október næstkomandi. Fyrstu skil samkvæmt útgáfu 2.0 verða 20.11. miðað við uppgjörsdag 31.10.2019. Nánar er fjallað um skuldbindingaskrána á vef Fjármálaeftirlitsins: https://www.fme.is/thjonustugatt/rafraen-skil/skuldbindingaskra/

3.7.2019 : Fjármálaeftirlitið sendir dreifibréf til lífeyrissjóða varðandi umboð stjórnarmanna

Í kjölfar fjölmiðlaumfjöllunar undanfarna daga hefur Fjármálaeftirlitið beint því með dreifibréfi til stjórna lífeyrissjóða að taka samþykktir sínar til skoðunar með það að leiðarljósi að skýra hvort og þá við hvaða aðstæður sé mögulegt að afturkalla umboð stjórnarmanna sem kjörnir/tilnefndir hafa verið. 

1.7.2019 : Tilkynning um fyrirhugaða yfirfærslu hluta líftryggingastofns

Hér með tilkynnist um yfirfærslu hluta líftryggingastofns frá Canada Life Limited til Scottish Friendly Assurance Society Limited. Fyrirhuguð yfirfærsla er í samræmi við tilkynningu dags. 1. júlí 2019 frá breska fjármálaeftirlitinu Prudential Regulation Authority.

28.6.2019 : Tilkynning um óbreyttan sveiflujöfnunarauka

Fjármálaeftirlitið tilkynnti í dag um óbreyttan sveiflujöfnunarauka í samræmi við tilmæli fjármálastöðugleikaráðs frá 24. júní 2019.

Síða 2 af 50







Language


Þessi síða notar vefkökur.
Lesa meira

X
Þetta vefsvæði byggir á Eplica