Allt


Allt: 2016

Fyrirsagnalisti

23.12.2016 : Samkomulag um sátt vegna brots Megindar ehf. á 40. gr. laga nr. 161/2002 um fjármálafyrirtæki

Hinn 14. nóvember 2016 gerðu Fjármálaeftirlitið og Megind ehf., hér eftir nefndur málsaðili með sér samkomulag um að ljúka með sátt máli vegna brots á 40. gr. laga nr. 161/2002 um fjármálafyrirtæki.

23.12.2016 : Niðurstaða athugunar á mati á hæfi og tilhlýðileika fjármálaþjónustu Kviku banka hf.

Fjármálaeftirlitið hóf athugun á mati Kviku banka á hæfi viðskiptavina sinna vegna eignastýringar og fjárfestingarráðgjafar og tilhlýðileika fjármálaþjónustunnar þann 6. maí 2016. Markmið athugunarinnar var að kanna hvort verklag og eftirlit bankans í tengslum við öflun upplýsinga og ráðlegginga vegna eignastýringar og fjárfestingarráðgjafar væri í samræmi við 15. og 16. gr. laga nr. 108/2007 um verðbréfaviðskipti, sbr. 35. og 36. gr. reglugerðar nr. 995/2007 um fjárfestavernd og viðskipti fjármálafyrirtækja.

22.12.2016 : Kynningarfundir vegna breytinga í gagnaskilum á vátryggingamarkaði

Í janúar og febrúar mun Fjármálaeftirlitið halda röð kynningarfunda vegna breytinga í gagnaskilum á vátryggingamarkaði sem fylgja innleiðingu Solvency II. Áherslan verður á nýjar töflur sem innleiddar verða árið 2017.  Kynningarnar fara fram í húsakynnum Fjármálaeftirlitsins að Katrínartúni 2, 3.hæð, eftirtalda daga (sjá dagskrá neðar) frá kl. 9:15-11:30.

15.12.2016 : Tilkynning um fyrirhugaðan samruna vátryggingafélaga

Hér með tilkynnist um fyrirhugaðan samruna:

Chubb Bermuda International Insurance dac (áður ACE Bermuda International Insurance (Ireland), Chubb Insurance Company of Europe SE við ACE European Group Limited (AEGL) International Insurance Company Limited.

14.12.2016 : Vegna ummæla í Kastljósi

Undir lok Kastljóssþáttar 7. desember s.l. var fjallað um úttektir úr sjóðum, einkum Sjóði 9, dagana fyrir hrun bankanna í byrjun október 2008. Þar kom fram að úttektirnar hefðu sérstaklega verið skoðaðar af Rannsóknarnefnd Alþingis um bankahrunið. Skilja mátti af umfjölluninni að ekkert hefði verið gert með þessar úttektir  af hálfu Fjármálaeftirlitsins, sem er rangt og verður ekki komist hjá því að koma á framfæri leiðréttingu á því sem þar kom fram.

Lesa meira

14.12.2016 : Fjármálaeftirlitið hefur metið Vörð tryggingar hf. hæft til að fara með virkan eignarhlut í Okkar líftryggingum hf.

Fjármálaeftirlitið hefur komist að þeirri niðurstöðu að Vörður tryggingar hf. sé hæft til að fara með virkan eignarhlut í Okkar líftryggingum hf

7.12.2016 : Fjármálaeftirlitið vekur athygli á tveimur umræðuskjölum frá Evrópsku bankaeftirlitsstofnuninni (EBA)

Fjármálaeftirlitið vekur athygli á tveimur umræðuskjölum frá Evrópsku bankaeftirlitsstofnuninni (EBA) sem hægt er að nálgast á heimasíðu þess. Annars vegar er um að ræða drög að nýjum sameiginlegum viðmiðunarreglum EBA og ESMA um hæfi stjórnar- og lykilstarfsmanna og samsetningu stjórnar  í evrópskum fjármálafyrirtækjum. Hins vegar er um að ræða drög að endurskoðuðum  viðmiðunarreglum EBA um innri stjórnarhætti (EBA Guidelines on Internal governance (GL44)) sem Fjármálaeftirlitið innleiddi fyrr á þessu ári með Leiðbeinandi tilmælum um innri stjórnarhætti fjármálafyrirtækja nr. 1/2016.

2.12.2016 : Tilkynning um fyrirhugaða yfirfærslu vátryggingastofns

Hér með tilkynnist um fyrirhugaða yfirfærslu vátryggingastofns:

2.12.2016 : Verðskuldað traust er komið út

Verdskuldad-traustFjármálaeftirlitið hefur gefið út ritið Verðskuldað traust. Ritið hefur að geyma stefnumarkandi áherslur Fjármálaeftirlitsins næstu árin og er þetta í fyrsta skipti sem Fjármálaeftirlitið gefur út samantekt af þessu tagi. 

1.12.2016 : Tilkynning um fyrirhugaða yfirfærslu vátryggingastofns frá Verði líftryggingum hf. til Okkar líftrygginga hf.

Með vísan til 34. gr. laga nr. 100/2016 um vátryggingastarfsemi, tilkynnist hér með um fyrirhugaða yfirfærslu vátryggingastofns.

30.11.2016 : Tilkynning um fyrirhugaða yfirfærslu vátryggingastofns

Hér með tilkynnist um fyrirhugaða yfirfærslu vátryggingastofns:

30.11.2016 : Þrír viðskiptabankar með óháðan umboðsmann viðskiptavina

Fjármálaeftirlið hefur aflað upplýsinga um umboðsmenn viðskiptavina hjá Arion banka hf., Íslandsbanka hf. og Landsbankanum hf.

29.11.2016 : Ný Fjármál komin út

Þriðja og síðasta tölublað Fjármála 2016  er komið út. Í blaðinu er meðal annars að finna grein um kerfislegt mikilvægi lífeyrissjóða og eftirlitshögnun á fasteignalánamarkaði. Höfundar eru Loftur Hreinsson, sérfræðingur í áhættugreiningu og María Finnsdóttir, sérfræðingur í fjárhagslegu eftirliti. Fjallað er enn fremur um fyrirtækja- og áhættumenningu, sem mikilvægan þátt í starfsemi fyrirtækja á fjármálamarkaði í grein sem Guðrún Finnborg Þórðardóttir, forstöðumaður reglusetninga og Hrafnhildar Mooney, sérfræðingur í áhættugreiningu skrifa. Að lokum skrifar svo Sigurður G. Valgeirsson grein um Fjármálaeftirlitið og fjölmiðla.

21.11.2016 : Samkomulag um sátt vegna brots Íslandsbanka hf. á 1. mgr. 18. gr. laga nr. 108/2007

Hinn 27. október 2016 gerðu Fjármálaeftirlitið og Íslandsbanki hf. (hér eftir nefndur málsaðili) með sér samkomulag um að ljúka með sátt máli vegna brots á 1. mgr. 18. gr. laga nr. 108/2007.

14.11.2016 : Niðurstaða athugunar á uppsagnarfresti vátryggingarsamninga og tilkynningum þar að lútandi

Haustið 2016 framkvæmdi Fjármálaeftirlitið athugun á uppsagnarfresti vátryggingarsamninga og tilkynningum þar að lútandi hjá íslenskum vátryggingafélögum. 

11.11.2016 : EBA gefur út skýrslu vegna könnunar á innleiðingu og áhrifum IFRS 9 á bankastofnanir í Evrópu

Fjármálaeftirlitið vekur athygli á að Evrópska bankaeftirlitsstofnunin (EBA) hefur í fréttatilkynningu (opnast í nýjum vafraglugga) á heimasíðu sinni birt skýrslu vegna fyrstu könnunar á innleiðingu og áhrifum IFRS 9 á bankastofnanir í Evrópu. Skýrslan inniheldur niðurstöður bæði úr eigindlega og megindlega (qualitative and quantitative) hluta könnunarinnar ásamt upplýsingum um fyrirhugaðar aðgerðir og verkefni EBA á þessu sviði.  Hérlendir viðskiptabankar tóku ekki þátt í könnuninni að þessu sinni en Fjármálaeftirlitið mun mælast til að þrír stærstu viðskiptabankarnir verði þátttakendur í framhaldskönnun EBA sem er við það að hefjast.

9.11.2016 : Upplýsingar um stöðu Gable Insurance AG

Fjármálaeftirlitið vísar til fréttar, dags. 14. október sl., varðandi stöðu Gable Insurance AG.

7.11.2016 : Fjármálaeftirlitið hefur metið Dittó ehf., Kristján Arason og Karl Þorsteins hæfa til að fara með virkan eignarhlut í Centra fyrirtækjaráðgjöf hf.

Þann 28. október 2016 komst Fjármálaeftirlitið að þeirri niðurstöðu að Dittó ehf., kt. 420798-2889 og Kristján Arason, kt. 230761-5669 væru hæfir til að fara með virkan eignarhlut í Centra fyrirtækjaráðgjöf hf., sem nemur 20%, sbr. VI. kafla laga nr. 161/2002 um fjármálafyrirtæki. 

Síða 1 af 8







Language


Þessi síða notar vefkökur.
Lesa meira

X
Þetta vefsvæði byggir á Eplica