Útgefið efni

Allt

Fyrirsagnalisti

31.5.2011 : Niðurstaða athugunar á Tryggingamiðstöðinni hf.

Fjármálaeftirlitið framkvæmdi, með vísan til 1. og 3. mgr. 9 gr. laga um opinbert eftirlit með fjármálastarfsemi nr. 87/1998, athugun á ákveðnum þáttum í starfsemi Tryggingamiðstöðvarinnar hf. á tímabilinu 17. september 2007 til 30. apríl 2010. Í kjölfar hennar aflaði Fjármálaeftirlitið fyllri gagna í samskiptum við félagið.

25.5.2011 : Niðurstaða athugunar á Vátryggingafélagi Íslands hf.

Fjármálaeftirlitið framkvæmdi, með vísan til 1. og 3. mgr. 9 gr. laga um opinbert eftirlit með fjármálastarfsemi nr. 87/1998, athugun á ákveðnum þáttum í starfsemi Vátryggingafélags Íslands hf. (VÍS) á tímabilinu febrúar 2008 til febrúar 2010. Í kjölfar þessa aflaði Fjármálaeftirlitið fyllri gagna í samskiptum við forsvarsaðila félagsins.

24.5.2011 : Tilkynning um fyrirhugaða yfirfærslu vátryggingastofns

Með vísan til 2. mgr. 82. gr. laga um vátryggingastarfsemi nr. 56/2010, sbr. 1. mgr. 70. gr. og 1. mgr. 84. gr. sömu laga, tilkynnist hér með um fyrirhugaða yfirfærslu vátryggingastofna: 1. Frá AXA Wealth Limited til Winterthur Life UK Limited og frá Winterthur Life UK Limited til AXA Wealth Limited.

23.5.2011 : Tilkynning um fyrirhugaða yfirfærslu vátryggingastofns

Með vísan til 2. mgr. 82. gr. laga um vátryggingastarfsemi nr. 56/2010, sbr. 1. mgr. 70. gr. og 1. mgr. 84. gr. sömu laga, tilkynnist hér með um fyrirhugaða yfirfærslu vátryggingastofna: 1. Frá National Westminster Life Assurance Limited og Royal Scottish Assurance Plc. til Aviva Life & Pensions UK Limited.

20.5.2011 : Drög að leiðbeinandi tilmælum um áhættustýringu verðbréfasjóða

Fjármálaeftirlitið hefur gefið út til umsagnar drög að leiðbeinandi tilmælum um áhættustýringu verðbréfasjóða, umræðuskjal nr. 5/2011. Þetta eru fyrstu heildstæðu tilmælin sem Fjármálaeftirlitið gefur út um framangreint efni og er þeim ætlað að ná til áhættustýringar verðbréfa- og fjárfestingarsjóða.

19.5.2011 : MP banki hæfur til að fara með virkan eignarhlut

Fjármálaeftirlitið komst að þeirri niðurstöðu þann 6. maí sl. að MP banki hf., kt. 540502-2930, Ármúla 13a, 108 Reykjavík (áður nb.is - sparisjóður hf,) sé hæfur til að fara með virkan eignarhlut, allt að 100% eignarhlut, í Júpíter rekstrarfélagi hf., 520506-1010, og allt að 50% eignarhlut í GAM Management hf., kt. 530608-0690, sbr. VI. kafla laga nr. 161/2002, um fjármálafyrirtæki.

18.5.2011 : Lokaniðurstaða athugunar á fjárfestingum hjá Sameinaða lífeyrissjóðnum

Fjármálaeftirlitið vísar til fyrri gagnsæistilkynningar sem birt var á heimasíðu þess þar sem gerð var grein fyrir tilteknum atriðum sem þörfnuðust úrbóta í kjölfar athugunar á fjárfestingum hjá Sameinaða lífeyrissjóðnum.

18.5.2011 : Niðurstaða athugunar á tryggingafræðilegri stöðu Lífeyrissjóðs starfsmanna ríkisins

Fjármálaeftirlitið hefur krafist þess að stjórn Lífeyrissjóðs starfsmanna ríkisins (LSR) endurskoði iðgjald launagreiðenda til A-deildar sjóðsins, þar sem ákvæði 13. gr. laga nr. 1/1997 um Lífeyrissjóð starfsmanna ríkisins kveður á um að iðgjald launagreiðenda á hverjum tíma sé við það miðað að það dugi til að lífeyrissjóðurinn geti staðið við heildarskuldbindingar sínar. Fjármálaeftirlitið fellst ekki á þau sjónarmið sem m.a. komu fram í ársskýrslu LSR fyrir árið 2009, að LSR falli undir ákvæði 39. gr. laga nr. 129/1997, sem gilda um almenna lífeyrissjóði og veitir þeim lífeyrissjóðum heimild til að hafa 10% mun á eignaliðum og lífeyrisskuldbindingum, eða bráðabirgðaákvæði nr. VI við þau lög sem leyfir að munurinn geti verið 15% árin 2008, 2009 og 2010.

6.5.2011 : Viðurlagamál hjá Fjármálaeftirlitinu frá ársbyrjun 2009 orðin 167

Fjármálaeftirlitið hefur vísað 65 málum til embættis sérstaks saksóknara frá ársbyrjun 2009. Á sama tíma hefur fjórtán málum verið vísað til efnahagsbrotadeildar Ríkislögreglustjóra og sex til Ríkissaksóknara.

6.5.2011 : Drög að leiðbeinandi tilmælum um áhættustýringu hjá lífeyrissjóðum

Fjármálaeftirlitið hefur gefið út til umsagnar drög að leiðbeinandi tilmælum um áhættustýringu hjá lífeyrissjóðum, umræðuskjal nr. 3/2011. Þetta eru fyrstu heildstæðu tilmæli sem Fjármálaeftirlitið gefur út um ofangreint efni og er þeim ætlað að ná til samtryggingadeilda lífeyrissjóða en geta að flestu leyti einnig náð til séreignasjóða.

2.5.2011 : Afkoma vátryggingafélaga á árinu 2010

Samanlagður hagnaður skaðatryggingafélaga á árinu 2010 var um 4,1 ma.kr. Þar af hagnaðist Viðlagatrygging sem er ríkisstofnun sem starfar samkvæmt sérlögum og býr við sveiflukennda starfsemi, um rúma 2,1 ma.kr. Sé horft framhjá Viðlagatryggingu er hagnaður skaðatryggingafélaga rétt um 2 ma.kr. Hagnaður af vátryggingastarfsemi var 2,6 ma.kr. en hins vegar var tap af fjármálastarfsemi sem nam tæpum 600 m.kr. Helsta ástæða þess taps eru gjöld vegna matsbreytinga á fjárfestingum sem samanlagt námu tæpum 2 ma.kr. á árinu.



Language


Þessi síða notar vefkökur.
Lesa meira

X
Þetta vefsvæði byggir á Eplica