Allt

Fyrirsagnalisti

30.6.2010 : Fjármálaeftirlitið og Seðlabanki Íslands senda fjármálafyrirtækjum tilmæli

Fjármálaeftirlitið og Seðlabanki Íslands hafa sent fjármálafyrirtækjum tilmæli vegna óskuldbindandi gengistryggingarákvæða og kynntu þau í kjölfarið á sameiginlegum blaðamannafundi. Tilmælin eru svohljóðandi:

25.6.2010 : Ný lög um vátryggingastarfsemi

Nýverið tóku gildi lög um vátryggingastarfsemi nr. 56/2010 sem leystu af hólmi eldri lög nr. 60/1994. Lögin gilda um frumtryggingastarfsemi á sviði skaðatrygginga og persónutrygginga auk hvers konar endurtrygginga en eftirlit með þeim er sem fyrr í höndum Fjármálaeftirlitsins.

21.6.2010 : Niðurstaða athugunar á starfsemi Sparnaðar ehf.

Framkvæmd var athugun á starfsemi Sparnaðar ehf., vátryggingaumboðsmanns Bayern Versicherung Lebensversicherung (VKB), með heimsókn og gagnaöflun 18. maí 2009. Athugunin beindist að því að skoða starfsemi Sparnaðar ehf., þá sérstaklega upplýsingagjöf og kynningarefni viðskiptavina á Séreignatryggingu. Í kjölfar athugunarinnar rituðu fulltrúar Fjármálaeftirlitsins skýrslu þar sem fram komu athugasemdir eftirlitsins og kröfur um úrbætur er skyldi vera lokið innan nánar tiltekinna fresta. Voru drög að skýrslunni afhent framkvæmdastjóra Sparnaðar ehf. ásamt tengilið þýska félagsins þann 6. nóvember 2009 og þeim gefið tækifæri til að koma sjónarmiðum félagsins og frekari upplýsingum á framfæri. Í endanlegri útgáfu skýrslunnar þann 3. mars 2010, var tekið tillit til þeirra athugasemda eftir því sem tilefni þótti til. Skýrsla innri endurskoðanda um hvernig Sparnaður ehf. hefði staðið að úrbótum á þeim atriðum sem vikið var að í skýrslunni barst Fjármálaeftirlitinu 4. maí 2010.

16.6.2010 : Leiðrétting á úttekt

Í úttekt á starfsemi Sparnaðar ehf. sem birt var 15. júní undir gagnsæi á vef Fjármálaeftirlitsins var sagt að tryggð ávöxtun séreignatryggingar sem Sparnaður ehf. býður væri 1,3% þegar búið væri að taka tillit til kostnaðar. Hið rétta er að ávöxtunin er 1,38%. Beðist er velvirðingar á þessari misritun.

15.6.2010 : Tryggingafræðileg staða lífeyrissjóða án ábyrgðar launagreiðenda

Lífeyrissjóðir án ábyrgðar launagreiðenda, 24 talsins, hafa nú skilað skýrslum um tryggingafræðilega stöðu miðað við stöðuna 31/12/2009. Bráðbirgða niðurstöður sýna að heildar tryggingafræðileg staða er nokkuð svipuð frá árinu áður og er vegið meðaltal tryggingafræðilegrar stöðu -11%.

15.6.2010 : Tryggingafræðileg staða lífeyrissjóða með ábyrgð launagreiðenda

Fjármálaeftirlitið beindi þeim tilmælum til lífeyrissjóða að flýta skýrsluskilum vegna tryggingafræðilega athugana, fyrir árið 2009, og voru skýrsluskil dagsett 15. maí sl. Nú hafa borist skýrslur um tryggingafræðilegar athuganir þeirra 16 lífeyrissjóða sem eru með ábyrgð launagreiðenda.

11.6.2010 : Fjármálaeftirlitið fær aðild að Alþjóðasambandi verðbréfaeftirlita

Aðildarumsókn Fjármálaeftirlitsins að Alþjóðasambandi verðbréfaeftirlita (IOSCO) var samþykkt hinn 9. júní síðastliðinn. Með aðildinni getur Fjármálaeftirlitið skipst á upplýsingum um verðbréfaviðskipti við flestar þjóðir heims innan ramma gildandi laga.

4.6.2010 : Niðurstaða athugunar á starfsemi Allianz Íslands hf. söluumboði

Framkvæmd var athugun á starfsemi Allianz Íslands hf. söluumboði (Allianz) með heimsókn og gagnaöflun dagana 26.-27. maí 2009. Athugunin beindist að því að skoða starfsemi Allianz, þá sérstaklega upplýsingagjöf og kynningarefni viðskiptavina á Ævilífeyri. Í kjölfar athugunarinnar rituðu fulltrúar Fjármálaeftirlitsins skýrslu þar sem fram komu athugasemdir eftirlitsins og kröfur um úrbætur er skyldi vera lokið innan nánar tiltekinna fresta. Voru drög að skýrslunni afhent framkvæmdastjóra Allianz þann 23. október 2009 og honum gefið tækifæri á að koma sjónarmiðum félagsins og frekari upplýsingum á framfæri. Í endanlegri útgáfu skýrslunnar þann 11. desember 2009, var tekið tillit til þeirra athugasemda eftir því sem tilefni þótti til. Skýrsla innri endurskoðanda um hvernig Allianz hefði staðið að úrbótum á þeim atriðum sem vikið var að í skýrslunni barst Fjármálaeftirlitinu 22. janúar 2010.

3.6.2010 : Fjármálaeftirlitið stóreflir rannsóknir vegna mögulegra brota sem tengjast bankahruninu

Fjármálaeftirlitið (FME) mun á næstu vikum og mánuðum stórefla rannsóknarhóp sinn sem sinnir athugunum á mögulegum brotum í tengslum við bankahrunið. FME mun bæta við 12 nýjum starfsmönnum í hópinn en hann vinnur í nánu samstarfi við embætti Sérstaks saksóknara. Fyrir eru fimm öflugir einstaklingar í hópnum þannig að með þessari viðbót mun hann meira en þrefaldast að stærð.







Language


Þessi síða notar vefkökur.
Lesa meira

X
Þetta vefsvæði byggir á Eplica