Allt

Fyrirsagnalisti

18.12.2008 : Stjórnvaldssekt vegna brots á 126. gr. laga nr. 108/2007 um verðbréfaviðskipti.

Þann 12. september 2008 tók stjórn Fjármálaeftirlitsins ákvörðun um að sekta Icelandair Group hf. vegna brots á 126. gr. laga nr. 107/2008 um verðbréfaviðskipti (vvl).

18.12.2008 : Stjórnvaldssekt vegna brots á 63. og 64. gr. laga nr. 33/2003 um verðbréfaviðskipti.

Þann 12. september 2008 tók stjórn Fjármálaeftirlitsins ákvörðun um að sekta Mosaic Fashions hf. vegna brots á þágildandi 63. og 64. gr. laga nr. 33/2003 um verðbréfaviðskipti en ákvæðin eru efnislega samhljóða 126. og 127.gr. núgildandi laga nr. 107/2008 um verðbréfaviðskipti (vvl).

18.12.2008 : Sáttargerð vegna brots á 125. og 126. gr. laga nr. 108/2007 um verðbréfaviðskipti.

Þann 9. september 2008 gerðu Fjármálaeftirlitið og Örn D. Jónsson, fyrrverandi varamaður í stjórn Nýherja hf., með sér sátt vegna brots á 125. og 126. gr. laga nr. 108/2007 um verðbréfaviðskipti (vvl.).

17.12.2008 : Stjórnvaldssekt vegna brots á 2. mgr. 32. gr. laga um verðbréfaviðskipti nr. 33/2003.

Þann 12. september 2008 tók stjórn Fjármálaeftirlitsins ákvörðun um að sekta Derek Lovelock, forstjóra Mosaic Fashions hf., vegna brots á 2. mgr. 32. gr. þágildandi laga nr. 33/2003 um verðbréfaviðskipti (vvl.) en samsvarandi grein í núgildandi lögum um verðbréfaviðskipti nr. 108/2007 er 78. og 86. gr.

16.12.2008 : Tilkynning til ríkislögreglustjóra um meint brot á ákvæði 117. gr. laga nr. 108/2007 um verðbréfaviðskipti varðandi markaðsmisnotkun.

Þann 15. desember 2008 vísaði Fjármálaeftirlitið máli til ríkislögreglustjóra skv. 148. gr. laga nr. 108/2007 um verðbréfaviðskipti (vvl.). Um er að ræða mál er varðar a. og b. – lið, 1. tl. 1. mgr. 117. gr. vvl. en ákvæðið fjallar um háttsemi sem felur í sér markaðsmisnotkun.

15.12.2008 : Vegna umræðu um skilanefndir

Með lögum nr. 125/2008, um heimild til fjárveitingar úr ríkissjóði vegna sérstakra aðstæðna á fjármálamarkaði o.fl., var Fjármálaeftirlitinu m.a. veitt heimild til þess að taka yfir vald hluthafafundar og víkja frá stjórn fjármálafyrirtækis. Fjármálaeftirlitinu er jafnframt heimilt, samhliða því sem ákvörðun er tekin um að víkja stjórn fjármálafyrirtækis frá, að skipa því fimm manna skilanefnd er fer með allar heimildir stjórnar samkvæmt ákvæðum hlutafélagalaga nr. 2/1995

11.12.2008 : Endurskipulagning bankakerfisins

Þessa dagana standa yfir fundir kröfuhafa gömlu bankanna með skilanefndum þeirra. Þar verður meðal annars kynntur ferillinn við endurskipulagningu bankakerfisins, uppskiptingu bankanna og verðmat eigna þeirra.

8.12.2008 : Viðskipti hefjast að nýju

Fjármálaeftirlitið hefur ákveðið að heimila á ný viðskipti með fjármálagerninga Exista hf. og Straums-Burðaráss fjárfestingarbanka hf. á skipulegum verðbréfamarkaði, frá og með 9. desember nk.

8.12.2008 : Rannsókn á viðskiptum Birnu Einarsdóttur lokið.

Fjármálaeftirlitið hefur haft til athugunar viðskipti Birnu Einarsdóttur og félags hennar, Melkorku ehf., við Glitni banka hf., um kaup á hlut í hinum síðastnefnda. Þar sem málið hefur fengið talsverða opinbera umfjöllun vill Fjármálaeftirlitið taka eftirfarandi fram.

2.12.2008 : CEIOPS hefur birt á heimasíðu sinni skýrslu um stjórnunarhætti vátryggingafélaga

CEIOPS (Committee of European Insurance and Occupational Pensions Supervisors) hefur birt á heimasíðu sinni skýrsluna "Issues Paper on Implementing Measures on the System of Governance". Skýrslan kynnir afstöðu CEIOPS er snýr að stjórnunarháttum vátryggingafélaga samkvæmt tilskipunardrögum um Solvency II (nýr gjaldþols- og eftirlitsstaðall fyrir vátryggingafélög).

25.11.2008 : Innheimtulög taka gildi 1. janúar 2009

Innheimtulög nr. 95/2008, taka gildi þann 1. janúar 2009. Með lögunum er Fjármálaeftirlitinu falið að fara með veitingu innheimtuleyfis. Til að mega stunda innheimtu fyrir aðra er sett fram það skilyrði að innheimtuaðila hafi áður verið veitt innheimtuleyfi. Það sama á við um aðila sem kaupir kröfur í þeim tilgangi að innheimta þær sjálfur í atvinnuskyni. Lögmenn, opinberir aðilar, viðskiptabankar, sparisjóðir, aðrar lánastofnanir og verðbréfafyrirtæki geta hins vegar stundað innheimtu án innheimtuleyfis.

20.11.2008 : Kynningarfundur Fjármálaeftirlitsins fyrir regluverði útgefenda verðbréfa

Þann 18. nóvember sl. hélt Fjármálaeftirlitið kynningarfund fyrir regluverði útgefenda verðbréfa. Fundurinn var vel sóttur en um 50 regluverðir og staðgenglar þeirra mættu til fundarins.

19.11.2008 : Eftirlitshlutverk Fjármálaeftirlits og Seðlabanka

Ástæða er til þess að minna á að lögin um opinbert eftirlit með fjármálastarfsemi voru sett 1998, þegar Davíð Oddsson var forsætisráðherra. Skipulag eftirlitsins var -og er - í samræmi við það sem talin er besta framkvæmd á þessu sviði í markaðshagkerfum Vesturlanda. Þegar lögin voru sett og Fjármálaeftirlitið (FME) stofnað var fylgt fordæmi nágrannaríkja eins og Noregs og Bretlands. Talið var nauðsynlegt að eftirlit með bönkum, sparisjóðum, tryggingafélögum, verðbréfafyrirtækjum og lífeyrissjóðum væri á einni hendi vegna þess að fjármálastarfsemin var ekki lengur í fastmótuðum skorðum eftir tegundum fyrirtækja heldur fór samskonar eða skyld starfsemi fram á vegum þessara fyrirtækja á víxl og mörg þeirra sinntu fjölþættri starfsemi.

14.11.2008 : Stofnefnahagsreikningar fyrir nýju bankana þrjá sem gilda til bráðabirgða

Fjármálaeftirlitið birtir nú stofnefnahagsreikning fyrir Nýja Glitni banka hf., Nýja Kaupþing banka hf. og NBI hf. Um er að ræða bráðabirgðatölur sem háðar eru endurmati sem nú er hafið.

11.11.2008 : Stofnefnahagsreikningar nýju bankanna þriggja

Að gefnu tilefni vill Fjármálaeftirlitið (FME) taka fram að þegar ákveðið var, á grundvelli laga nr. 125/2008, um sérstakar aðstæður á fjármálamarkaði, að þrír nýir bankar sem ríkissjóður hafði stofnað skyldu taka yfir hluta af eignum, réttindum og skyldum Landsbanka Íslands hf., Glitnis banka hf. og Kaupþings banka hf.

5.11.2008 : Rannsóknir á vegum Fjármálaeftirlitsins

Vegna umræðu sem átt hefur sér stað um möguleg lögbrot í starfsemi fjármálafyrirtækja vill Fjármálaeftirlitið taka eftirfarandi fram varðandi rannsókn mála.

4.11.2008 : Greiðsluskylda Tryggingarsjóðs vegna heildsöluinnlána Glitnis banka hf.

Þann 31. október 2008 fékk Fjármálaeftirlitið staðfestingu á því að Glitnir banki hf. hafi ekki verið fær um að inna af hendi greiðslu á andvirði tiltekinna heildsöluinnlána í Bretlandi þann 3. október 2008.

30.10.2008 : Greiðsluskylda Tryggingarsjóðs vegna Kaupþings banka hf.

Þann 9. október 2008 var Kaupþing Edge vefsíða Kaupþings banka hf. orðin óvirk. Það er álit Fjármálaeftirlitsins að sama dag hafi Kaupþing banki hf. ekki verið fær um að inna af hendi greiðslu á andvirði innstæðna tiltekinna reikninga, þeirra viðskiptavina sem þess kröfðust.

30.10.2008 : Vátryggingafélög grípa til ráðstafana

Vegna fréttar í Morgunblaðinu í dag, 30. október 2008, tekur Fjármálaeftirlitið fram að það hefur að undanförnu verið í nánu samstarfi við vátryggingafélög í þeim tilgangi að afla upplýsinga um fjárhagsstöðu þeirra.

27.10.2008 : Greiðsluskylda Tryggingasjóðs vegna Landsbanka Íslands hf.

Þann 6. október sl. var Icesave vefsíða Landsbanka Íslands hf. orðin óvirk. Það er álit Fjármálaeftirlitsins að sama dag hafi Landsbanki Íslands hf. ekki verið fær um að inna af hendi greiðslu á andvirði innstæðna tiltekinna reikninga, þeirra viðskiptavina sem þess kröfðust.
Síða 1 af 6







Language


Þessi síða notar vefkökur.
Lesa meira

X
Þetta vefsvæði byggir á Eplica