Starfsemi yfir landamæri
Þar sem PSD2 löggjöfin verður sett hér á landi á grundvelli EES-gerðar, þ.e. tilskipunar (ESB) 2015/2366, byggir hún á samevrópskum grunni. Á meðal viðfangsefna hennar er að veita aðilum með staðfestu hér á landi heimildir til að starfa í öðrum EES-ríkjum og að sama skapi veita aðilum frá öðrum ríkjum aðgang til að starfa hér á landi. Til að tryggja viðeigandi samstarf og samræma framkvæmdina vegna þjónustu yfir landamæri felur tilskipunin í sér sameiginleg ákvæði varðandi slíka starfsemi. Innlendir aðilar sem hyggjast veita þjónustu yfir landamæri þurfa að tilkynna um slíkt til Fjármálaeftirlitsins og fá viðeigandi skráningu í sérstaka miðlæga skrá Evrópsku bankaeftirlitsstofnunarinnar (EBA) fyrir milligöngu Fjármálaeftirlitsins. Eftirlit með starfsemi yfir landamæri fer fram með samræmdum hætti á milli Fjármálaeftirlitsins og systurstofnana innan EES, eftir atvikum með atbeina EBA.
Upplýsingar um aðila sem hafa heimild til að veita greiðsluþjónustu hér á landi eru aðgengilegar og á heimasíðu EBA.
Upplýsingar um kröfur
Upplýsingar um þær kröfur sem aðilar þurfa að uppfylla vegna þessa eru aðgengilegar hér:
- Tæknilegir staðlar varðandi tilkynningar um starfsemi yfir landamæri. Nánari upplýsingar má finna á vef EBA.
- Tæknilegir staðlar varðandi tilnefningu á miðlægum tengiliðum. Nánari upplýsingar má finna á vef EBA..
- Tæknilegir staðlar um samstarf eftirlitsstofnana vegna aðila sem starfa yfir landamæri. Nánari upplýsingar má finna á vef EBA..
- Tæknilegir staðlar um miðlæga skrá Evrópsku bankaeftirlitsstofnunarinnar eru í tveimur hlutum. Nánari upplýsingar má finna á vef EBA..
- Álit Evrópsku bankaeftirlitsstofnunarinnar varðandi tilkynningar umboðsaðila og dreifingaraðila um starfsemi yfir landamæri.