Kvartanir vegna meintra brota

Lögin um greiðsluþjónustu fela í sér að þriðju aðilar sem hafa leyfi til að veita reikningsupplýsingaþjónustu (AISP) eða sinna greiðsluvirkjun (PISP) eiga að fá viðeigandi hnökralausan aðgang að greiðslureikningum, að fengnu skýlausu samþykki viðkomandi notanda. Aðganginn nýta þeir til að veita reikningsupplýsingaþjónustu eða sinna greiðsluvirkjun. Aðgangurinn er yfirleitt veittur í gegnum sérstaka skilfleti sem greiðsluþjónustuveitendur sem veita reikningsþjónustu (e. Account Servicing Payment Service Provider) setja upp.

Rísi ágreiningur um aðgengi að greiðslureikningum er aðilum mögulegt að senda kvörtun til Seðlabankans og tilkynna um meint brot. Slík tilkynning getur einnig náð almennt til brota gegn ákvæðum laga sem innleiða munu PSD2 tilskipunina. Seðlabankinn mun vinna slík mál í samræmi við viðmiðunarreglur EBA varðandi kvartanir vegna meintra brota á PSD2 löggjöfinni. Frekari upplýsingar um viðmiðunarreglurnar eru aðgengilegar á vef EBA.