Fjármálaeftirlitið - Fréttir

Athugasemd Fjármálaeftirlitsins vegna ummæla umboðsmanns skuldara

Wed, 22 Feb 2012 15:15:00 +0000

Í tilefni umfjöllunar í Kastljósi mánudaginn 20. febrúar og einkum vegna viðtals við umboðsmann skuldara um málefni Dróma hf., Frjálsa fjárfestingarbankann og Spron vill Fjármálaeftirlitið taka eftirfarandi fram.

Athugasemd vegna fréttar Stöðvar 2 og Vísis

Wed, 22 Feb 2012 11:29:00 +0000

Í tilefni fréttar Stöðvar 2 og Vísis í gærkveldi þar sem sagt var að formaður efnahags og viðskiptanefndar Alþingis hefði í þrígang beðið Fjármálaeftirlitið að reikna út áhrif gengislánadóms Hæstaréttar áður en hann féll vill Fjármálaeftirlitið árétta eftirfarandi: Umrædd ósk formanns efnahags- og viðskiptanefndar laut einungis að því að stofnunin myndi meta áhrif þess á fjármálakerfið ef dómur Hæstaréttar yrði í samræmi við niðurstöðu fræðigreinar Ásu Ólafsdóttur, lektors við lagadeild HÍ, sem birtist í nýjasta tölublaði Úlfljóts.

Álitsgerð Ástráðs og Ásbjörns

Sat, 18 Feb 2012 15:41:00 +0000

Meðfylgjandi er greinargerð um athugun sem Ásbjörn Björnsson, löggiltur endurskoðandi, og Ástráður Haraldsson hæstaréttarlögmaður unnu að ósk stjórnar FME um hæfi forstjóra stofnunarinnar (sjá hér). Á þremur stöðum er strikað yfir upplýsingar sem trúnaður skal ríkja um, lögum samkvæmt.

Financial stability not under threat

Thu, 16 Feb 2012 14:16:00 +0000

In response to the judgment of the Supreme Court of 15 February 2012, in a case involving the recalculation of a currency-linked loan, the Financial Supervisory Authority would like to make the observation that financial stability is not under threat.

Fjármálastöðugleika ekki ógnað

Thu, 16 Feb 2012 10:15:00 +0000

Í ljósi dóms Hæstaréttar frá 15. febrúar 2012 í máli sem varðaði endurútreikning á gengistryggðu láni vill Fjármálaeftirlitið koma því á framfæri að fjármálastöðugleika er ekki ógnað.

Íslensk verðbréf hf. hæf til að fara með virkan eignarhlut í T Plús hf.

Mon, 30 Jan 2012 14:13:00 +0000

Þann 25. janúar sl. komst Fjármálaeftirlitið að þeirri niðurstöðu að verðbréfafyrirtækið Íslensk verðbréf hf., kt. 610587-1519, sé hæft til að fara með virkan eignarhlut í T Plús hf. sem nemur allt að 50%, sbr. VI. kafla laga nr. 161/2002 um fjármálafyrirtæki.

Breyting á leiðbeinandi tilmælum nr. 1/2011 um áhættustýringu vátryggingafélaga

Wed, 25 Jan 2012 10:30:00 +0000

Í 70 . tölul. leiðbeinandi tilmæla nr. 1/2011 segir að ef vátryggingafélag velji að fjárfesta í sérstökum tegundum eigna skuli fjárfestingarstefna félagsins tilgreina nokkur upptalin atriði. Ein þessara eignategunda er það sem á ensku kallast „asset backed securities“ sem í tilmælunum er þýtt sem „eignatengd verðbréf“. Komið hefur í ljós að þessi þýðing gæti valdið misskilningi. Í reglum Seðlabanka Íslands nr. 808/2008 um viðskipti fjármálafyrirtækja við bankann er hugtakið þýtt sem „eignavarin verðbréf“.

Ný gögn frá Landsbankanum breyta engu um mat Andra Árnasonar hrl. á hæfi Gunnars Þ. Andersen, forstjóra Fjármálaeftirlitsins

Fri, 13 Jan 2012 16:07:00 +0000

Andri Árnason hrl. stendur að öllu leyti við fyrri niðurstöður sínar um hæfi Gunnars Þ. Andersen til að gegna forstjórastarfi Fjármálaeftirlitsins og telur að ekkert nýtt hafi komið fram um málið í umfjöllun Kastljóss RÚV eða í þeim gögnum sem var aflað í kjölfar umfjöllunarinnar. Þetta kemur fram í greinargerð sem Andri vann að ósk stjórnar Fjármálaeftirlitsins og skilaði í dag, 13. janúar.

Samruni Tinda Verðbréfa hf. við Auði Capital hf.

Tue, 10 Jan 2012 15:22:00 +0000

Fjármálaeftirlitið samþykkti þann 10. janúar 2012 samruna Tinda Verðbréfa hf. við Auði Capital hf. á grundvelli 1. mgr. 106. gr. laga nr. 161/2002 um fjármálafyrirtæki. Auður Capital hf. tekur við öllum réttindum og skyldum Tinda Verðbréfa hf. og verða félögin sameinuð undir nafni Auðar Capital hf.

Fjármálaeftirlitið ræður framkvæmdastjóra þriggja nýrra eftirlitssviða

Wed, 4 Jan 2012 16:45:00 +0000

Unnið hefur verið að skipulagsbreytingum innan Fjármálaeftirlitsins frá því í október síðastliðnum með virkri þátttöku starfsmanna. Afrakstur vinnunar er endurskipulagning Fjármálaeftirlitsins sem meðal annars felst í því að fimm svið hafa verið lögð niður og þrjú ný eftirlitssvið stofnuð. Nýju eftirlitssviðin þrjú eru eindareftirlit, vettvangsathuganir og greiningar- og áætlanir.

Heimild til flutnings vátryggingastofns

Tue, 3 Jan 2012 16:35:00 +0000

Fjármálaeftirlitið hefur veitt Sjóvá-Almennum tryggingum hf. heimild til að flytja vátryggingastofn barnatryggingar félagsins til Sjóvár Almennra líftrygginga hf. Heimild til yfirfærslu stofnsins gildir frá og með 29. desember 2011.

Jólakveðja frá Fjármálaeftirlitinu

Fri, 23 Dec 2011 09:43:00 +0000

Fjármálaeftirlitið óskar landsmönnum gleðilegra jóla og farsæls komandi árs

Kynningarfundur um skýrsluskil og upplýsingatækni í Solvency II

Fri, 23 Dec 2011 09:41:00 +0000

Í upphafi nóvember sl. hóf EIOPA, eftirlitsstofnun ESB fyrir vátryggingamarkað á evrópska efnahagssvæðinu umsagnarferli vegna skýrsluskila og opinberrar upplýsingagjafar í Solvency II. Þessi hluti væntanlegs Solvency II regluverks fyrir vátryggingafélög hefur oft verið nefndur Stoð 3 (Pillar 3) en sá hluti hefur fengið aukið vægi eftir því sem tími fram að fyrirhugaðri innleiðingu 1. janúar 2014 styttist.

Fundað með regluvörðum fjármálafyrirtækja

Fri, 23 Dec 2011 09:40:00 +0000

Fjármálaeftirlitið bauð regluvörðum fjármálafyrirtækja hinn 19. desember síðastliðinn til síðdegisfundar í tilefni af útgáfu leiðbeinandi tilmæla Fjármálaeftirlitsins um stöðu og verksvið regluvörslu fjármálafyrirtækja en áður höfðu forstjóri Fjármálaeftirlitsins og framkvæmdastjóri verðbréfasviðs fundað með æðstu stjórnendum fjármálafyrirtækja í tilefni af útgáfu tilmælanna.

Afturköllun á innheimtuleyfi Alskila hf.

Fri, 23 Dec 2011 09:37:00 +0000

Fjármálaeftirlitið hefur afturkallað innheimtuleyfi Alskila hf., kt. 610606-0240, skv. 25. gr. stjórnsýslulaga nr. 37/1993, vegna breytinga á eignarhaldi félagsins en félagið heyrir nú undir eftirlit úrskurðarnefndar lögmanna, sbr. 2. mgr. 15. gr. innheimtulaga nr. 95/2008

Tilkynning um fyrirhugaða yfirfærslu vátryggingastofns

Thu, 22 Dec 2011 09:36:00 +0000

Með vísan til 2. mgr. 82. gr. laga um vátryggingastarfsemi nr. 56/2010, sbr. 1. mgr. 70. gr. og 1. mgr. 84. gr. sömu laga, tilkynnist hér með um fyrirhugaða yfirfærslu vátryggingastofns:

Yfirlestur og staðfesting lýsinga hjá Fjármálaeftirlitinu

Wed, 21 Dec 2011 09:34:00 +0000

Hinn 1. janúar 2012 tekur Fjármálaeftirlitið við yfirlestri og staðfestingu lýsinga af NASDAQ OMX á Íslandi (Kauphöllinni) í samræmi við 2. mgr. 52. gr. laga nr. 108/2007, um verðbréfaviðskipti, sbr. 2. mgr. 21. gr. tilskipunar Evrópuþings og ráðsins nr. 2003/71 um lýsingar.

Fjármálaeftirlitið gefur út upplýsingastefnu

Thu, 15 Dec 2011 09:33:00 +0000

Ein af þremur meginstoðum í stefnu Fjármálaeftirlitsins er fagleg umræða og gagnsæi. Í samræmi við það hefur stjórn Fjármálaeftirlitsins samþykkt upplýsingastefnu fyrir stofnunina. Í upplýsingastefnunni er bæði fjallað um miðlun upplýsinga til aðila sem Fjármálaeftirlitið hefur eftirlit með og fjölmiðla og almennings. Upplýsingastefnan hvílir meðal annars á gagnsæisstefnu Fjármálaeftirlitsins.

Leiðbeinandi tilmæli um áhættustýringu samtryggingadeilda lífeyrissjóða

Thu, 15 Dec 2011 16:46:00 +0000

Fjármálaeftirlitið hefur gefið út leiðbeinandi tilmæli um áhættustýringu samtryggingadeilda lífeyrissjóða nr. 4/2011. Tilmælin voru fyrst gefin út sem umræðuskjal, á heimasíðu Fjármálaeftirlitsins, í maí sl. Fjöldi athugasemda og ábendinga barst frá umsagnaraðilum sem nýttist vel við endanlega útgáfu tilmælanna.

Fjármálaeftirlitið gefur út leiðbeinandi tilmæli um stöðu og verksvið regluvörslu fjármálafyrirtækja

Mon, 12 Dec 2011 16:43:00 +0000

Fjármálaeftirlitið hefur gefið út leiðbeinandi tilmæli um stöðu og verksvið regluvörslu fjármálafyrirtækja, nr. 5/2011.
Fjármálaeftirlitið þakkar veittar umsagnir.

Athugasemd vegna fréttar Ríkisútvarpsins

Wed, 7 Dec 2011 16:42:00 +0000

Vegna fréttar Ríkisútvarpins hinn 5. desember síðastliðinn þess efnis að Fjármálaeftirlitið skoði nú viðskiptahætti nokkurra stærstu tryggingafélaga landsins vill Fjármálaeftirlitið taka fram að stofnunin staðfesti einungis við fréttamann að hafa tekið við erindi Samtaka verslunar og þjónustu sem vísað er til í fréttinni og sagði jafnframt að samtökunum yrði sent svar innan tíðar. Með svari sínu var Fjármálaeftirlitið ekki á nokkurn hátt að taka afstöðu til erindis Samtaka verslunar og þjónustu. Innihald fréttar Ríkisútvarpsins er því byggt á endursögn fréttamannsins á erindi Samtaka verslunar og þjónustu en á sér ekki stoð í svari Fjármálaeftirlitsins.

Samruni Byrs hf. og Íslandsbanka hf.

Mon, 5 Dec 2011 16:41:00 +0000

Með vísan til 106. gr. laga nr. 161/2002 um fjármálafyrirtæki veitti Fjármálaeftirlitið þann 17. október 2011 samþykki sitt fyrir samruna Byrs hf. og Íslandsbanka hf. með fyrirvara um að samrunaferlið yrði í samræmi við lög nr. 2/1995 um hlutafélög. Samruninn var samþykktur á fundi stjórnar Íslandsbanka hf. og á hluthafafundi Byrs hf. þann 29. nóvember 2011. Samruninn tekur gildi frá og með 29. nóvember 2011. Réttindum og skyldum Byrs hf. telst reikningslega lokið þann 30. júní 2011, en frá þeim degi tekur Íslandsbanki hf. við öllum réttindum og skyldum vegna Byrs hf.

Fjármálaeftirlitið hefur veitt Arion banka hf. leyfi til útgáfu sértryggðra skuldabréfa

Mon, 5 Dec 2011 16:40:00 +0000

Fjármálaeftirlitið veitti Arion banka hf. hinn 25. nóvember sl. leyfi til útgáfu sértryggðra skuldabréfa samkvæmt lögum nr. 11/2008 um sértryggð skuldabréf.

Ríkissaksóknari fellst á kæru Fjármálaeftirlitsins

Thu, 1 Dec 2011 16:38:00 +0000

Eins og fram hefur komið opinberlega kærði Fjármálaeftirlitið fyrir nokkru þá ákvörðun embættis sérstaks saksóknara að hætta rannsókn á meintum brotum á fjárfestingarheimildum fimm lífeyrissjóða sem voru í umsjá Landsbanka Íslands hf. fyrir fall bankans. Fjármálaeftirlitið hafði kært lífeyrissjóðina til embættis sérstaks saksóknara.

Fjármálaeftirlitinu falið eftirlit með greiðsluþjónustu

Thu, 1 Dec 2011 16:37:00 +0000

Fjármálaeftirlitið annast eftirlit með framkvæmd laga um greiðsluþjónustu nr. 120/2011, en lögin taka gildi 1. desember 2011.

Tilkynning um fyrirhugaðan flutning á vátryggingastofni

Tue, 29 Nov 2011 16:35:00 +0000

Fjármálaeftirlitinu hefur borist umsókn frá Sjóvá-Almennum tryggingum hf. þar sem óskað er eftir að félaginu verði veitt heimild til að flytja vátryggingastofn félagsins í barnatryggingum til Sjóvár Almennra líftrygginga hf. Við flutning stofnsins mun Sjóvá Almennar líftryggingar hf. yfirtaka öll réttindi og skyldur sem stofninum fylgja.

Fjármálaeftirlitið hefur lagt mat á hæfi Andra Guðmundssonar til að fara með virkan eignarhlut í H.F. Verðbréfum hf.

Tue, 29 Nov 2011 16:33:00 +0000

Þann 25. nóvember sl. komst Fjármálaeftirlitið að þeirri niðurstöðu að Andri Guðmundsson, kt. 160782-3669, sé hæfur til að fara með virkan eignarhlut í H.F. Verðbréfum hf. sem nemur allt að 20%, sbr. VI. kafla laga nr. 161/2002 um fjármálafyrirtæki.

Tímabundin starfsemi lánastofnana

Thu, 17 Nov 2011 16:32:00 +0000

Viðskiptabanka, sparisjóði og lánafyrirtæki er heimilt samkvæmt lögum nr. 161/2002 um fjármálafyrirtæki að stunda tímabundið aðra starfsemi í óskyldum rekstri í þeim tilgangi að ljúka viðskiptum eða til að endurskipuleggja starfsemi viðskiptaaðila.

Reglur um varnarþing í vátryggingamálum

Wed, 16 Nov 2011 16:30:00 +0000

Fjármálaeftirlitið hefur sent íslenskum vátryggingafélögum og vátryggingamiðlurum dreifibréf í tilefni ákvæða í Lúganósamningnum svonefnda sem var fullgiltur fyrir Íslands hönd hinn 1. maí síðastliðinn, samanber einnig lög um Lúganósamninginn um dómsvald og um viðurkenningu og fullnustu dóma í einkamálum (nr. 7/2011). Aðilar samningsins, auk Íslands eru aðildarríki Evrópusambandsins, Noregur og Sviss.

Umræðuskjöl EIOPA vegna skýrsluskila

Tue, 15 Nov 2011 16:29:00 +0000

Fjármálaeftirlitið vekur athygli á umræðuskjölum sem hægt er að nálgast á heimasíðu EIOPA. Um er að ræða umræðuskjal um samræmd skýrsluskil (Quantitative Reporting Templates) á evrópska efnahagssvæðinu og umræðuskjal um opinbera skýrslugjöf og skýrslu til eftirlitsstjórnvalda (Guidelines on Narrative Public Disclosure & Supervisory Reporting, Predefined Events and Processes for Reporting & Disclosure). Umræðuskjölin eru hluti af tillögum EIOPA varðandi nánari útfærslu á Solvency II tilskipuninni. Hagsmunaaðilar geta sent inn athugasemdir við umræðuskjölin til EIOPA á netfangið: cp009@eiopa.europa.eu til 20. janúar 2012.