Fjármálaeftirlitið hefur metið Arion banka hf. hæfan til að fara með virkan eignarhlut í Verði tryggingum hf. og Verði líftryggingum hf.
Hinn 2. júní sl. komst Fjármálaeftirlitið að þeirri niðurstöðu að Arion banki hf. sé hæfur til að fara með virkan eignarhlut í Verði tryggingum hf., sem nemur 100%, sbr. VI. kafla laga nr. 56/2010, um vátryggingastarfsemi.
Fjármálaeftirlitið hefur einnig metið Arion banka hf. hæfan til að fara með 100% virkan eignarhlut í Verði líftryggingum hf., með óbeinni hlutdeild.