Almennar upplýsingar um starfsemina
Fjármálaeftirliti er eftirlitsstofnun sem hefur eftirlit með fjármálafyrirtækjum, svonefndum eftirlitsskyldum aðilum. Starfsmenn eru nú ríflega hundrað og tuttugu og eru þeir margir menntaðir á sviði hagfræði, kerfisfræði, lögfræði, verkfræði og viðskiptafræði.
Starfsemi Fjármálaeftirlitsins er samkvæmt skipuriti frá og með 15. janúar 2012 skipt í þrjú verkefnasvið auk stoðþjónustu undir stjórn forstjóra. Forstjóri ákveður hvaða verkefni falla undir hvert svið eða stoðþjónustur.
Til þess að tryggja traust og trúverðugleika FME hefur stofnunin sett sér starfsreglur um viðskipti stjórnarmanna og starfsmanna og meðferð trúnaðarupplýsinga.
Reglur um viðskipti stjórnarmanna og starfsmanna Fjármálaeftirlitsins við eftirlitsskylda aðila er hægt að nálgast hér.
Reglur um meðferð trúnaðarupplýsinga og verðbréfaviðskipti stjórnarmanna og starfsmanna Fjármálaeftirlitsins er hægt að nálgast hér
Stjórn Fjármálaeftirlitsins
Yfirstjórn Fjármálaeftirlitsins er í höndum þriggja manna stjórnar. Hlutverk hennar er að móta áherslur í starfi og fylgjast með starfsemi og rekstri Fjármálaeftirlitsins. Meiri háttar ákvarðanir skal bera undir stjórnina til samþykktar eða synjunar. Stjórnin ræður forstjóra sem fer með daglega stjórnun eftirlitsins.
Stjórnin hefur sett reglur um störf stjórnar. Þar er m.a. kveðið á um hæfi einstakra stjórnarmanna og hvað skuli teljast meiri háttar ákvarðanir. Stjórnin er skipuð af atvinnuvega- og nýsköpunarráðherra til fjögurra ára í senn. Einn þeirra er skipaður samkvæmt tilnefningu frá Seðlabanka Íslands. Varamenn eru skipaðir með sama hætti.
Reglur um störf stjórnar er hægt að nálgast hér.
Stjórn Fjármálaeftirlitsins eru skipuð eftirfarandi aðilum:
Aðalmenn
- Aðalsteinn Leifsson, lektor, formaður stjórnar
- Margrét Einarsdóttir, lektor
- Arnór Sighvatsson, aðstoðarseðlabankastjóri, tilnefndur af Seðlabanka Íslands.
Varamenn
- Halldór S. Magnússon, framkvæmdastjóri
- Ástríður Jóhannesdóttir, lögfræðingur
- Harpa Jónsdóttir, aðstoðarframkvæmdastjóri í Seðlabanka Íslands
Stjórnendur Fjármálaeftirlitsins
- Unnur Gunnarsdóttir, forstjóri
- Anna Mjöll Karlsdóttir, yfirlögfræðingur
- Halldóra Elín Ólafsdóttir, framkvæmdastjóri eftirlits
- Ingibjörg Sigrún Stefánsdóttir, framkvæmdastjóri rekstrarsviðs
- Jakobína Hólmfríður Árnadóttir, mannauðsstjóri
- Jón Andri Sigurðarson, framkvæmdastjóri upplýsingatæknisviðs
- Lilja Rut Kristófersdóttir, starfandi framkvæmdastjóri greininga
- Sigurveig Guðmundsdóttir, framkvæmdastjóri vettvangs- og verðbréfaeftirlits
- Rúnar Guðmundsson, aðstoðarframkvæmdastjóri eftirlits