Neytendavernd

Fjármálaeftirlitið fylgist með því að starfsemi eftirlitsskyldra aðila sé í samræmi við lög, reglugerðir, reglur eða samþykktir sem um starfsemina gilda og að starfsemin sé að öðru leyti í samræmi við heilbrigða og eðlilega viðskiptahætti. Þannig stuðlar Fjármálaeftirlitið að því að hagsmunir viðskiptavina eftirlitsskyldra aðila séu tryggðir.

Fjármálaeftirlitið hefur ekki úrskurðarvald í einstökum ágreiningsmálum eða sker úr um réttindi og skyldur aðila að einkarétti eða ágreiningi um sönnun málsatvika. Þeir sem beina erindum til eftirlitsins eiga ekki sjálfkrafa rétt á því að ábendingar þeirra verði teknar til meðferðar. Ákvörðun um slíkt er ávallt í hendi Fjármálaeftirlitsins.

Leiðbeiningaþjónusta

Fjármálaeftirlitið leiðbeinir viðskiptavinum eftirlitsskyldra aðila í samræmi við leiðbeiningarskyldu stjórnvalda skv.  7. gr. stjórnsýslulaga. Fjármálaeftirlitið leitast við að leiðbeina aðilum um þau úrræði sem þeir hafa til að ná fram rétti sínum, m.a. hvaða aðilar fari með úrskurðarvald í þeirra málum og aðrar almennar leiðbeiningar. 

Utan leiðbeiningaskyldu Fjármálaeftirlitsins fellur sérfræðileg eða lagaleg ráðgjöf, m.a. um túlkun lagaákvæða.

Fjármálaeftirlitið veitir viðskiptavinum eftirlitskyldra aðila leiðbeiningar í síma 520 3700 á þriðjudögum kl. 10-11 og fimmtudögum kl. 14-15. Einnig er hægt að senda fyrirspurnir rafrænt hér.

Verklagsreglur Fjármálaeftirlitsins vegna fyrirspurna og ábendinga: Verklagsreglur

Ábendingar

Fjármálaeftirlitið tekur við skriflegum ábendingum vegna viðskiptahátta eftirlitsskyldra aðila. Rafrænum ábendingum er hægt að koma á framfæri hér.

Ábendingar um starfshætti eftirlitsskyldra aðila veita Fjármálaeftirlitnu mikilvægar upplýsingar. Allar ábendingar eru vel þegnar.

Verklagsreglur Fjármálaeftirlitsins vegna fyrirspurna og ábendinga: Verklagsreglur