Eftirlitsstarfsemi
  • Demo mynd

Eftirlitsstarfsemi

Meginákvæði um eftirlit Fjármálaeftirlitsins er að finna í III. kafla laga nr. 87/1998 um opinbert eftirlit með fjármálastarfsemi, með síðari breytingum. Auk þess er kveðið á um eftirlit og heimildir Fjármálaeftirlitsins í hinum ýmsu lögum, reglugerðum og reglum um starfsemi á fjármálamarkaði, sem finna má undir Lög og tilmæli á vefnum.

Fjármálaeftirlitið hefur mótað sér það hlutverk að veita eftirlitsskyldum aðilum uppbyggilegt og markvisst aðhald og styðja við mótun á skilvirkri og traustri fjármálastarfsemi, þar sem áhersla er lögð á faglegt innra skipulag fjármálafyrirtækja. Fjármálaeftirlitið rækir hlutverk sitt með því að fylgjast með að starfsemi eftirlitsskyldra aðila sé í samræmi við lög, reglugerðir, reglur og samþykktir sem um starfsemina gilda og sé að öðru leyti í samræmi við eðlilega og heilbrigða viðskiptahætti.

Fjármálaeftirlitið starfar einnig á grundvelli aþjóðlegra grunnreglna um árangursríkt eftirlit á hverju sviði fjármálamarkaðar.  Á alþjóðavettvangi er sífellt aukin áhersla lögð á að eftirlit með fjármálastarfsemi í einstökum löndum sé samræmt og skilvirkt. Með því er leitast við að stuðla að aukinni samkeppnishæfni fjármálamarkaða.


Eftirlitsstarfsemi

Starfsleyfi

Eitt af meginverkefnum Fjármálaeftirlitsins er að veita fyrirtækjum leyfi til að starfa á fjármálamarkaði á grundvelli laga um fjármálafyrirtæki og vátryggingastarfsemi.

Virkir eignarhlutir og meðferð þeirra

Fjármálaeftirlitið metur hvort aðilar séu hæfir til að fara með virkan eignarhlut í fjármálafyrirtæki, vátryggingafélagi, greiðslustofnun eða rafeyrisfyrirtæki. Vakin er athygli á því að skv. 10. mgr. 15. gr. laga nr. 120/2011 um greiðsluþjónustu og 3. mgr. 14. gr. laga nr. 17/2013 um útgáfu og meðferð rafeyris, gilda ákvæði VI. kafla laga nr. 161/2002, um fjármálafyrirtæki, um meðferð virkra eignarhluta í greiðslustofnunum og rafeyrisfyrirtækjum og mat á hæfi virks eiganda eftir því sem við á.

Eftirlitsskyldir aðilar

Fjármálaeftirlitið hefur eftirlit með aðilum sem hafa starsleyfi frá stofnuninni og lífeyrissjóðum.

Neytendavernd

Fjármálaeftirlitið hefur eftirlit með góðum viðskiptaháttum og -venjum hjá eftirlitsskyldum aðilum, ásamt því að sinna upplýsinga- og leiðbeiningaþjónustu.  Þá eru úrskurðanefndir hýstar  hjá eftirlitinu.




Language


Útlit síðu:

Þetta vefsvæði byggir á Eplica